ନୂଆଦିଲ୍ଲୀ,୫/୫ : କଂଗ୍ରେସ ଗୋଟିଏ ଝଟକାରୁ ବାହାରିବାକୁ ଚେଷ୍ଟା କରୁ କରୁ ପୁଣି ଏକ ଝଟକା ଲାଗିଯାଉଛି । ଏହି ସମୟରେ କଂଗ୍ରେସର ପ୍ରବକ୍ତା ଏବଂ ଛତିଶଗଡ଼ କଂଗ୍ରେସର ଚର୍ଚ୍ଚିତ ନେତା ରାଧିକା ଖେଡ଼ା ରବିବାର ପାର୍ଟିର ପ୍ରାଥମିକ ସଦସ୍ୟତାରୁ ଇସ୍ତଫା ଦେଇଛନ୍ତି । ସେ ନିଜ ଲେଟର ଟ୍ବିଟ କରିବାକୁ ଯାଇ ଲେଖିଛନ୍ତି କି ବହୁ ଦୁଃଖର ସହ ଦଳର ପ୍ରାଥମିକ ସଦସ୍ୟତା ତ୍ୟାଗ କରୁଛି ଏବଂ ନିଜ ପଦରୁ ଇସ୍ତଫା ଦେଉଛି । ସେ ଏହା ବି ଲେଖିଛନ୍ତି କି ମୁଁ ଯୁବତୀ ଅଟେ ଏବଂ ଲଢି ପାରେ ଓ ତାହା ଏବେ ମୁଁ କରୁଛି ।
କଂଗ୍ରେସ ଅଧ୍ୟକ୍ଷ ଖରଗେଙ୍କ ନାଁରେ ଲେଖିଥିବା ପତ୍ରରେ ସେ ଲେଖିଛନ୍ତି କି ଆଦିକାଳରୁ ଏହା ସତ୍ୟ ଅଟେ କି ଧର୍ମର ସାଥ୍ ଦେଉଥିବା ଲୋକର ବିରୋଧ ହୋଇଥାଏ । ହିରଣ୍ୟକଶିପୁଙ୍କଠାରୁ ନେଇ ରାବଣ ଏବଂ କଂସ ପର୍ଯ୍ୟନ୍ତ ଏହାର ଉଦାହରଣ ଅଟେ । ବର୍ତ୍ତମାନ ପ୍ରଭୁ ଶ୍ରୀ ରାମଙ୍କ ନାଁ ନେଉଥିବା କିଛି ଲୋକଙ୍କୁ ଏହିଭଳି ଭାବେ ବିରୋଧ କରୁଛନ୍ତି । ପ୍ରତ୍ୟେକ ହିନ୍ଦୁଙ୍କ ଲାଗି ପ୍ରଭୁ ଶ୍ରୀ ରାମଙ୍କ ଜନ୍ମସ୍ଥଳୀ ପବିତ୍ର ସ୍ଥଳ ଏବଂ ରାମ ଲଲ୍ଲାଙ୍କ ଦର୍ଶନ ମାତ୍ର ଯେଉଁଠାରେ ସବୁ ହିନ୍ଦୁ ନିଜ ଜୀବନ ସଫଳ ମାନିଥାନ୍ତି ସେହିଭଳି କିଛି ଲୋକ ଏହାର ବିରୋଧ କରୁଛନ୍ତି ।
ସେ ଆଗକୁ ମଧ୍ୟ ଲେଖିଛନ୍ତି କି ମୁଁ ଯେଉଁ ଦଳକୁ ନିଜ ୨୨ବର୍ଷରୁ ଅଧିକ ସମୟ ଦେଲି, ଯେଉଁଠାରେ ଏନଏସୟୁଆଇରୁ ନେଇ ଏଆସିସିର ମିଡ଼ିଆ ବିଭାଗରେ ପୂରା ସଚୋଟତାରେ କାମ କଲି ଆଜି ସେଠାରେ ତୀବ୍ର ବିରୋଧର ସାମ୍ନା କରିବାକୁ ପଡ଼ୁଛି କାରଣ ମୁଁ ଅଯୋଧ୍ୟାରେ ରାମ ଲଲ୍ଲାଙ୍କ ଦର୍ଶନ କରିବାରୁ ନିଜକୁ ରୋକି ପାରିଲି ନାହିଁ । ମୋର ଏହି ପୁନ୍ୟ କାର୍ଯ୍ୟର ବିରୋଧ ଏଭଳି ସ୍ତର ପର୍ଯ୍ୟନ୍ତ ପହଞ୍ଚିଲା କି ମୋ ସହ ଛତିଶଗଡ଼ ପ୍ରଦେଶ କଂଗ୍ରେସ କାର୍ଯ୍ୟାଳୟରେ ହୋଇଥିବା ଘଟଣାକ୍ରମରେ ମୋତେ ନ୍ୟାୟ ଦେବାକୁ ମନା କରିଦିଆଗଲା ।
ରାଧିକା ଆଗକୁ ଲେଖିଛନ୍ତି କି ମୁଁ ସବୁବେଳେ ଅନ୍ୟର ନ୍ୟାୟ ଲାଗି ପ୍ରତ୍ୟେକ ମଞ୍ଚରୁ ଲଢେଇ କରିଛି, କିନ୍ତୁ ଯେତେବେଳେ ନିଜକୁ ନ୍ୟାୟର କଥା ଆସିଲା ତ ପାର୍ଟିରେ ମୁଁ ମୋ ନିଜକୁ ହାରିଥିବା ପାଇଲି । ପ୍ରଭୁ ଶ୍ରୀ ରାମଙ୍କ ଭକ୍ତ ଏବଂ ଜଣେ ମହିଳା ହେବା ଦ୍ବାରା ବହୁତ ଆହତ । ବାରମ୍ବାର ଦଳର ଶୀର୍ଷ ନେତାଙ୍କୁ ଅବଗତ କରିବା ପରେ ବି ଯେତେବେଳେ ମୋତେ ନ୍ୟାୟ ମିଳିଲାନି ଏଥିରେ ଆହତ ହୋଇ ମୁଁ ଆଜି ଏହି ନିଷ୍ପତ୍ତି ଉଠାଇଛି ।
आज अत्यंत पीड़ा के साथ पार्टी की प्राथमिक सदस्यता त्याग रही हूँ व अपने पद से इस्तीफ़ा दे रही हूँ।
— Radhika Khera (@Radhika_Khera) May 5, 2024
हाँ मैं लड़की हूँ और लड़ सकती हूँ, और वही अब मैं कर रहीं हूँ।
अपने व देशवासियों के न्याय के लिए मैं निरंतर लड़ती रहूँगी। pic.twitter.com/6hjgSDcXV0
