ନୂଆଦିଲ୍ଲୀ,୦୯/୦୨: ଲୋକସଭା ନିର୍ବାଚନ ଯୋଗୁଁ ବିରୋଧୀ ଦଳ ଇଣ୍ଡିଆ ମେଣ୍ଟରୁ ଧିରେ ଧିରେ ଖସିବାରେ ଲାଗିଛନ୍ତି। ନୀତୀଶ କୁମାର ବିହାରରେ ଏନଡିଏରେ ଯୋଗଦେବା ପରେ ପ୍ରାୟ ସମସ୍ତ ଦଳରେ ମତଭେଦ ଆରମ୍ଭ ହୋଇଛି। ଗୋଟିଏ ପଟେ ମମତା ବାନାର୍ଜୀ ପଶ୍ଚିମବଙ୍ଗରେ ଏକୁଟିଆ ଲଢ଼ିବାକୁ ଘୋଷଣା କରିଛନ୍ତି। ଏପଟେ ଉତ୍ତରପ୍ରଦଶରେ ସପା ସହିତ କଂଗ୍ରେସର ଆସନ ବାଣ୍ଟିବା ଏପର୍ଯ୍ୟନ୍ତ ଚୂଡାନ୍ତ ହୋଇନାହିଁ। ଏହାରି ଭିତରେ ଅରବିନ୍ଦ କେଜ୍ରିୱାଲ ଏବଂ ତାଙ୍କ ଦଳ ମଧ୍ୟ ପଞ୍ଜାବରେ ସିଟ୍ ବାଣ୍ଟିବା ଉପରେ ନଜର ରଖିଛି। ସବୁଠୁ ବଡ଼ଖବର ହେଉଛି ବର୍ତ୍ତମାନ ଉତ୍ତରପ୍ରଦେଶରେ ଆରଏଲଡି, ଆନ୍ଧ୍ରପ୍ରଦେଶର ଟିଡିପି, ମହାରାଷ୍ଟ୍ରର ଏମଏନଏସ ମଧ୍ୟ ବିଜେପିରେ ଯୋଗଦେବାକୁ ପ୍ରସ୍ତୁତ ହେଉଥିବା ଜଣାପଡିଛି।

ପଢ଼ନ୍ତୁ: ମଝି ଆକାଶରେ ଟିସ୍ୟୁ ପେପରରେ ରେଳମନ୍ତ୍ରୀଙ୍କୁ ଚିଠି ଲେଖିଲେ ଉଦ୍ୟୋଗୀ ,ଅବତରଣର ୬ ମିନିଟ୍‌ ପରେ ଆସିଲା ଫୋନ୍‌

ଲୋକସଭା ନିର୍ବାଚନକୁ ଦୃଷ୍ଟିରେ ରଖି ବିଜେପି ତେଲୁଗୁ ଦେଶମ ପାର୍ଟି (ଟିଡିପି) ଏବଂ ଶିରୋମଣି ଅକାଳୀ ଦଳ ସହ ଆଲୋଚନା ଆରମ୍ଭ କରିଛି। ଏଥିସହ ରାଷ୍ଟ୍ରିୟ ଲୋକଦଳର ଜୟନ୍ତ ଚୌଧୁରୀଙ୍କ ସହ ଆସନକୁ ନେଇ ଆଲୋଚନା ଚାଲିଛି। ଟିଡିପି ମୁଖ୍ୟ ଚନ୍ଦ୍ରବାବୁ ନାଇଡୁ ଦିଲ୍ଲୀରେ ପହଞ୍ଚି ବିଜେପି ସଭାପତି ଜେପି ନଡ୍ଡାଙ୍କ ସହ ଗୃହମନ୍ତ୍ରୀ ଅମିତ ଶାହାଙ୍କୁ ଭେଟିଥିଲେ। ଯଦିଓ ପୂର୍ବରୁ ନାଇଡୁଙ୍କ ଉପରେ ବିଜେପି ଅସନ୍ତୋଷ ପ୍ରକାଶ କରିଥିଲା, ବର୍ତ୍ତମାନ କିନ୍ତୁ ତାଙ୍କ ସମର୍ଥନ ପାଇବାକୁ ଚାହୁଁଛି, ବିଶେଷ କରି ଯେଉଁଠାରେ ବିଜେପି ଶକ୍ତିଶାଳୀ ନୁହେଁ।

ଟିଡିପି ସାଂସଦ ଜୟଦେବ ଗଲ୍ଲାଙ୍କ ବାସଭବନରେ ପହଞ୍ଚିଥିବା ନାଇଡୁ ଏବଂ ବିଜେପିର କୌଣସି ନେତା ଏହି ବଡ଼ ରାଜନୈତିକ ବିକାଶ ସମ୍ପର୍କରେ କୌଣସି ସରକାରୀ ବିବୃତ୍ତି ଦେଇନାହାଁନ୍ତି। ଆପଣଙ୍କୁ କହିରଖୁଛୁ ଯେ, ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଲୋକସଭାରେ ତାଙ୍କ ଅଭିଭାଷଣରେ ଦାବି କରିଛନ୍ତି ଯେ, ୨୦୨୪ ରେ ହେବାକୁ ଥିବା ଲୋକସଭା ନିର୍ବାଚନରେ ବିଜେପି ଅତି କମରେ ୩୭୦ ଟି ଆସନ ଜିତିବ। ସେ କହିଛନ୍ତି ଯେ ଏଥର ସମସ୍ତ ଏନଡିଏ ପ୍ରାର୍ଥୀ ଏକାଠି ୪୦୦ ରୁ ଅଧିକ ଆସନ ଜିତିବେ।

You can also read: ପୂର୍ବତନ ପ୍ରଧାନମନ୍ତ୍ରୀ ଚୌଧୁରୀ ଚରଣ ସିଂହ, ନରସିଂହ ରାଓ ଏବଂ ସବୁଜ କ୍ରାନ୍ତିର ଜନକ ସ୍ବାମୀନାଥଙ୍କୁ ଭାରତ ରତ୍ନ, ପିଏମ୍ ମୋଦୀଙ୍କ ଘୋଷଣା