ନୂଆଦିଲ୍ଲୀ – ସିଙ୍ଗାପୁରରେ କରୋନାର ଆତଙ୍କ। ଏହାର ନୂଆ ଭାରିଆଣ୍ଟ କେପି .୨ ଓ କେପି.୧ ଖୁବ୍ ଜୋରରେ ନିଜର ପାଦ ପ୍ରସାରିତ କରୁଛନ୍ତି। ଚିନ୍ତାର କଥା ଏହା କି, ଏହି ନୂଆ ଭାରିଆଣ୍ଟ ଏବେ ଭାରତରେ ମଧ୍ୟ ପ୍ରବେଶ କରି ସାରିଛି। ଅଫିସିଆଲି ସୂଚନା ଅନୁସାରେ, ଭାରତରେ କୋଭିଡ-୧୯ର ନୂଆ ଭାରିଆଣ୍ଟ କେପି.୨ର ୨୯୦ ମାମଲା ଓ କେପି.୧ର ୩୪ ଟି ମାମଲାର ସ୍ପଷ୍ଟ କରାଯାଇଛି। ହେଲେ କେନ୍ଦ୍ରୀୟ ସ୍ୱାସ୍ଥ୍ୟ ମନ୍ତ୍ରଣାଳୟ ସହ ଜଡ଼ିତ ଏକ ସୂତ୍ର ନ୍ୟୁଜ୍‌ ଏଜେନ୍ସି ପିଟିଆଇକୁ କହିଛି ଯେ, ଏସବୁ ଜେଏନ-୧ର ସବ୍‌ ଭାରିଆଣ୍ଟ। ଏହା ଲୋକଙ୍କ ପାଇଁ ଖୁବ୍‌ ଘାତକ ନୁହେଁ । ଏଥିପାଇଁ ଚିନ୍ତା କରିବାର କୌଣସି କାରଣ ନାହିଁ। 

ସ୍ୱାସ୍ଥ୍ୟ ମନ୍ତ୍ରଣାଳୟ ସହ ଜଡ଼ିତ ସୂତ୍ର ଆହୁରି କହିଛି - ଏବେସୁଦ୍ଧା କୌଣସି ରୋଗୀଙ୍କ ଠାରେ ଗୁରୁତର ଲକ୍ଷଣ ଦେଖା ଯାଇ ନାହିଁ। ହସ୍ପିଟାଲ ଗୁଡିକରୁ ଏହି ନୂଆ ଭାରିଆଣ୍ଟରେ ସଂକ୍ରମିତ ଲୋକଙ୍କ ସାମ୍ପଲ ନିଆ ଯାଇଛି, ଯାହାର ଯାଞ୍ଚ କରାଯାଉଛି।

ଉଲ୍ଲେଖନୀୟ ଯେ, ଭାରତରେ କରୋନା ମାମଲା ଉପରେ ନିରୀକ୍ଷଣ କରୁଥିବା ଇଣ୍ଡିଆନ ସାର୍ସ କୋଭ-୨ ଜିନୋମିକ୍ସ କନ୍ସୋର୍ଟିୟମ୍‌ର ଡାଟାରୁ ଏହି କଥାର ଖୁଲାସା ହୋଇଛି। ଡାଟା ଅନୁସାରେ, ଭାରତରେ ଏହି ନୂଆ ଭାରିଆଣ୍ଟ କେପି.୧ର ମୋଟ ୩୪ଟି ମାମଲା ଏବେସୁଦ୍ଧା ମିଳିଛି, ଯେଉଁଥିରେ ୨୩ଟି ମାମଲାର ସ୍ପଷ୍ଟ କେବଳ ପଶ୍ଚିମବଙ୍ଗରେ କରାଯାଇଛି।   

ଅନ୍ୟପଟେ କେପି.୧ର ଏକ ମାମଲା ଗୋଆ , ଦୁଇଟି ମାମଲା ଗୁଜରାଟରେ, ୪ଟି ମାମଲା ମହାରାଷ୍ଟ୍ରରେ , ଦୁଇଟି ମାମଲା ରାଜସ୍ଥାନ ଓ ଗୋଟିଏ ମାମଲାର ପରିଚୟ ଉତ୍ତରାଖଣ୍ଡରେ କରାଯାଇଛି।