ମୁମ୍ବାଇ,୨୮/୮: ବଲିଉଡ ତାରକା ଶ୍ରଦ୍ଧା କପୁର ଏବଂ ରାଜକୁମାର ରାଓ ଅଭିନୀତ 'ସ୍ତ୍ରୀ୨' ଚଳିତ ବର୍ଷର ସର୍ବାଧିକ ଆୟ କରିଥିବା ଚଳଚ୍ଚିତ୍ର ମଧ୍ୟରୁ ଗୋଟିଏ ହୋଇପାରିଛି। ଏହି ଚଳଚ୍ଚିତ୍ରଟି  ଅଭିନେତାମାନଙ୍କ ଉତ୍କୃଷ୍ଟ ଅଭିନୟ ହେତୁ ଶିରୋନାମାରେ ରହିଛି । ଅମର କୌଶିକଙ୍କ ନିର୍ଦ୍ଦେଶନାରେ ନିର୍ମିତ ଏହି ଚଳଚ୍ଚିତ୍ରରେ ମୁଖ୍ୟ ଅଭିନେତା ତଥା ଅଭିନେତ୍ରୀଙ୍କ ବ୍ୟତୀତ ସବୁଠାରୁ ଅଧିକ ଚର୍ଚ୍ଚାରେ ରହିଛନ୍ତି 'ସରକଟା'। ଏହି ନକାରାତ୍ମକ ଭୂମିକାରେ ଜଣେ ବ୍ୟକ୍ତି ଅଭିନୟ କରିଛନ୍ତି । ଏହି ସବୁ ମଧ୍ୟରେ ବର୍ତ୍ତମାନ ଖବର ଆସୁଛି ଯେ, ସରକଟାଙ୍କୁ ଏବେ ସଲମାନ ଖାନଙ୍କ ରିଆଲିଟି ଶୋ' 'ବିଗ୍ ବସ୍ 18'ରେ ଦେଖିବାକୁ ମିଳିବ ।

ସଲମାନ ଖାନ ପୁଣିଥରେ 'ବିଗ ବସ ୧୮' ସହ କମବ୍ୟାକ କରୁଛନ୍ତି । ନିର୍ମାତାମାନେ ପ୍ରସ୍ତୁତି ଆରମ୍ଭ କରିସାରିଲେଣି । ଚଳିତ ଶୋ'ରେ ଏଥର କିଏ ପ୍ରତିଯୋଗୀ ଭାବେ ସାମିଲ ହେବ ସେନେଇ ଚର୍ଚ୍ଚା ଜୋର ଧରିଥିବା ବେଳେ 'ସ୍ତ୍ରୀ ୨' ର 'ସରକଟା' ଏଥିରେ ସାମିଲ ହୋଇପାରନ୍ତି ବୋଲି କୁହାଯାଉଛି । ସ୍ତ୍ରୀ ୨' ଆତଙ୍କ ମଚାଇଥିବା ଏହି ସରକଟା ହେଉଛନ୍ତି ଅଭିନେତା ସୁନୀଲ କୁମାର । ତାଙ୍କ ଉଚ୍ଚତା ସାଧାରଣ ଲୋକଙ୍କ ତୁଳନାରେ ବହୁତ ଲମ୍ବା। ସୁନୀଲଙ୍କ ଉଚ୍ଚତା ୭.୭ଫୁଟର ଅଟନ୍ତି । ସୁନୀଲ କୁମାର ଜାମ୍ମୁ କାଶ୍ମୀରର ବାସିନ୍ଦା । ସୁନୀଲ ଜଣେ ପୋଲିସ କନଷ୍ଟେବଳ ଥିବା ବେଳେ ସେ ହ୍ୟାଣ୍ଡବଲ ଏବଂ ଭଲିବଲ ଖେଳିବାକୁ ପସନ୍ଦ କରନ୍ତି। କ୍ରୀଡା କୋଟା ମାଧ୍ୟମରେ ସୁନୀଲ କୁମାର ପୋଲିସ ବିଭାଗରେ ଚାକିରି ପାଇଛନ୍ତି। କେବଳ ଏତିକି ନୁହେଁ, ସୁନୀଲ କୁମାର ମଧ୍ୟ ୨୦୧୯ ମସିହାରେ WWE ଟ୍ରାଏଆଉଟ ପାଇଁ ଯାଇଥିଲେ । ବର୍ତ୍ତମାନ ସେ ଫିଲ୍ମରେ ତାଙ୍କ ଅଭିନୟ ପାଇଁ ବେଶ ପରିଚିତ ହୋଇପାରିଛନ୍ତି ।

ନିକଟରେ ଏକ ସାକ୍ଷାତକାରରେ 'ସରକଟା' ଓରଫ ସୁନୀଲ ଏକ ରିଆଲିଟି ଶୋ' ପାଇଁ କଲ୍ ଆସିବା ବିଷୟରେ ଖୋଲାଖୋଲି ଭାବେ କହିଥିଲେ। ଏହି ସମୟରେ ଯେତେବେଳେ ତାଙ୍କର ପରବର୍ତ୍ତୀ ଯୋଜନା ବିଷୟରେ ତାଙ୍କୁ ପଚରାଗଲା, ''ସେ କହିଥିଲେ, 'ମୁଁ ବର୍ତ୍ତମାନ ବିଗ୍ ବସ୍ ଠାରୁ ଏକ କଲ ପାଇଛି। ସେମାନେ କହୁଛନ୍ତି ଯେ ଏହା 'ବିଗ୍ ବସ୍' ପାଇଁ ଅକ୍ଟୋବରରେ ଆରମ୍ଭ ହେବ । ମୋତେ ଛୁଟି ପାଇଁ ଅନୁରୋଧ କରିବାକୁ ପଡିବ । ଆମର ପୋଲିସ୍ କର୍ମଚାରୀମାନେ ବହୁତ ସାହାଯ୍ୟ କରନ୍ତି । ଚଳଚ୍ଚିତ୍ର, ବିଜ୍ଞାପନ କିମ୍ବା କୁସ୍ତି ପ୍ରୋଗ୍ରାମ ପାଇଁ ସେମାନେ ମୋତେ ଛୁଟି ଦେବାରେ ସାହାଯ୍ୟ କରନ୍ତି  ।''