ପ୍ରମୂଖ ଖବର
  • ଆମେରିକା ବନାମ ଆୟର୍ଲାଣ୍ଡ ମ୍ୟାଚ୍‌ ବାତିଲ, ଟି-୨୦ ବିଶ୍ବକପରୁ ପାକିସ୍ତାନ ଆଉଟ୍
  • ||
  • ସମ୍ବଲପୁର: ଟେଲର ଦୋକାନରେ ପଶି ମା’ ଝିଅଙ୍କୁ ହାଣିଲେ ଦୁର୍ବୃତ୍ତ
  • ||
  • ହଟିବ ବ୍ରିଟିଶ ଆଇନ୍ , ଲାଗୁ ହେବ ଭାରତୀୟ ନିୟମ, ଜୁଲାଇରୁ ଲାଗୁ ହେବ ନୂଆ ପୁଲିସ ଆଇନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ମଝି ଆକାଶରେ ଲାଗିଲା ନିଆଁ, ଅଳ୍ପକେ ବର୍ତ୍ତିଲେ ଯାତ୍ରୀ

ନୂଆଦିଲ୍ଲୀ ୦୯/୦୬: ମଝି ଆକାଶରେ ହଠାତ୍‌ ବିମାନରେ ଲାଗିଲା ନିଆଁ। ଟେକ୍‌ ଅଫ୍‌ର କିଛି ମିନିଟ୍‌ ପରେ ଜଳିଗଲା ବିମାନର ଇଂଜିନ୍‌। ଏନେଇ ଯାତ୍ରୀଙ୍କ ମଧ୍ୟରେ  ଆତଙ୍କ ଖେଳିଯାଇଥିବା ବେଳେ କିଛି ଅଘଟଣ ଘଟିବା ପୂର୍ବରୁ ସମସ୍ତ ଯାତ୍ରିଙ୍କ ଜୀବନ ବଞ୍ଚାଇ ଦେଲେ ପାଇଲଟ୍‌। ତେବେ ବୋଇଂ ୭୭୭ ଏୟାର କାନାଡାରେ ଘଟିଛି ଏଭଳି ଘଟଣା।ଯାହାର ଭିଡିଓ ଏବେ ସୋଶାଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି।

ସୂଚନା ମୁତାବକ, ଜୁନ୍‌ ୮ ତାରିଖରେ ବୋଇଂ-୭୭୭ ବିମାନଟି କାନାଡାର ଟରଣ୍ଟୋ ପିଆରସନ୍‌ ଅନ୍ତର୍ଜାତୀୟ ବିମାନ ବନ୍ଦରରୁ ଟେକ୍‌ ଅଫ୍‌ କରିଥିଲା। ତେବେ ଉଡାଣ ଆରମ୍ଭ କରିବାର କିଛି ମିନିଟ୍‌ ପରେ ହିଁ ଏହାର ଡାହାଣ ଇଂଜନ୍‌ରେ ନିଆଁ ଲାଗି ଯାଇଥିଲା। ଏୟାର ଟ୍ରାଫିକ୍ କଣ୍ଟ୍ରୋଲର୍ (ଏଟିସି) ବିମାନଟି ରନୱେରେ ଥିବା ସମୟରେ ବିମାନର ଡାହାଣ ଇଞ୍ଜିନରୁ ସ୍ପାର୍କ ହୋଇଥିବା ଦେଖିଥିଲେ। ପାଇଲଟଙ୍କୁ ତୁରନ୍ତ ସେ ଏ ବିଷୟରେ ଅବଗତ କରାଇଥିଲେ। ତେବେ ପାଇଲଟ ସୂଚନା ପାଇବା ବେଳକୁ ବିମାନଟି ଉଡ଼ାଣ ଆରମ୍ଭ କରିଥିଲା। ତେବେ ବିମାନରେ ନିଆଁ ଲାଗିଥିବା ସୂଚନା ପାଇବା ପରେ ପାଇଲଟ ଉପସ୍ଥିତି ବୁଦ୍ଧି ଖଟାଇ ସମସ୍ତ ଯାତ୍ରୀଙ୍କ ଜୀବନ ରକ୍ଷା କରିଛନ୍ତି। ବିମାନ ଉଡ଼ାଣର କିଛି ସମୟ ପରେ ହିଁ ପାଇଲଟ୍‌ ଏହାକୁ ସୁରକ୍ଷିତ ଭାବେ ବିମାନ ବନ୍ଦରରେ ଲ୍ୟାଣ୍ଡିଂ କରିଥିଲେ। ଏହାପରେ ତୁରନ୍ତି ସମସ୍ତ ଯାତ୍ରୀଙ୍କୁ ବିମାନରୁ ଉଦ୍ଧାର କରାଯାଇଥିଲା। ତେବେ ଉକ୍ତ ବିମାନରେ ୩୮୯ ଜଣ ଯାତ୍ରୀ ଏବଂ ୧୩ ଜଣ କ୍ରୁ ସଦସ୍ୟଙ୍କୁ ମିଶାଇ ୪୦୨ ଜଣ ଥିଲେ। ଏହି ବିମାନଟି କାନାଡାରୁ ପ୍ୟାରିସକୁ ଯାଉଥିଲା। ଯାତ୍ରୀମାନଙ୍କୁ ଅନ୍ୟ ବିମାନରେ ଗନ୍ତବ୍ୟସ୍ଥଳକୁ ପଠାଯାଇଛି। ବର୍ତ୍ତମାନ ଏହି ବିମାନକୁ ସେବାରୁ ହଟାଇ ଦିଆଯାଇଛି।


 


  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.