ନୂଆଦିଲ୍ଲୀ,୮।୬: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତୃତୀୟ ଥର ପ୍ରଧାନମନ୍ତ୍ରୀ ପଦର ଶପଥ ନେବାକୁ ଯାଉଛନ୍ତି। ତାଙ୍କ ଶପଥ ଗ୍ରହଣ କାର୍ଯ୍ୟକ୍ରମରେ ଦେଶ ବିଦେଶରୁ ବହୁ ଅତିଥି ଯୋଗ ଦେବେ। ଏଭଳି କୁହାଯାଉଛି ଯେ, ମୋଟ ୮ ହଜାର ଖାସ୍ ଅତିଥିଙ୍କୁ ମୋଦିଙ୍କ ଶପଥ ଗ୍ରହଣ କାର୍ଯ୍ୟକ୍ରମରେ ଭାଗ ନେବା ପାଇଁ ନିମନ୍ତ୍ରଣ ପଠାଯାଇଛି। ଏହି ଅତିଥିଙ୍କ ଭିତରେ ଦକ୍ଷିଣ ରେଲଓ୍ବେର ଚେନ୍ନାଇ ଡିଭିଜନ୍‌ର ବରିଷ୍ଠ ସହାୟକ ଲୋକେ ପାଇଲଟ୍ ଐଶ୍ବର୍ଯ୍ୟା ମେନନ୍ ନରେନ୍ଦ୍ର ମୋଦି ଓ ନୂଆ ସରକାର ଶପଥ ଗ୍ରହଣ ସମାରୋହରେ ଭାଗ ନେବାକୁ ଥିବା ସ୍ବତନ୍ତ୍ର ଅତିଥି ସାମିଲ ଅଛନ୍ତି।

ଉଲ୍ଲେଖନୀୟ ଯେ, ଐଶ୍ବର୍ଯ୍ୟା ମେନନ୍ ବନ୍ଦେ ଭାରତ ଟ୍ରେନ୍ ସହିତ ଜନଶତାବ୍ଦୀ ଭଳି ବିଭିନ୍ନ ଟ୍ରେନ୍‌ରେ ଲୋକେ ପାଇଲଟ୍‌ ରୂପରେ କାମ କରିଛନ୍ତି। ଐଶ୍ବର୍ଯ୍ୟା ଚେନ୍ନାଇ-ବିଜୟଓ୍ବାଡା ଓ ଚେନ୍ନାଇ-କୋଏମ୍ବାଟୁର ବନ୍ଦେ ଭାରତ ଏକ୍ସପ୍ରେସ୍‌ ସେବାର ଆରମ୍ଭ ଫଳରେ ଲୋକେ ପାଇଲଟ୍ ରୂପରେ କାମ କରିଛନ୍ତି। ଐଶ୍ବର୍ଯ୍ୟା ଜଣେ ଭଲ ଲୋକୋ ପାଇଲଟ୍, ସେ ନିଜର ସଠିକତା ଓ ସତର୍କତା ଦ୍ବାରା ରେଲଓ୍ବେ ସିଗନାଲର ଗହନ ଜ୍ଞାନ ପାଇଁ ବରିଷ୍ଠ ଅଇକାରୀଙ୍କଠାରୁ ପ୍ରଶଂସା ପାଇଛନ୍ତି।

ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଶପଥ ଗ୍ରହଣ ସମାରୋହରେ ଏସିଆର ପ୍ରଥମ ମହିଳା ଲୋକେ ପାଇଲଟ ସୁରେଖା ଯାଦବ ମଧ୍ୟ ସାମିଲ ହେବେ। ସେ ଛତ୍ରପତି ଶିବାଜୀ ମହାଜାର ଟର୍ମିନସ୍-ସୋଲାପୁରରୁ ବନ୍ଦେ ଭାରତ ଟ୍ରେନ୍‌ ଚଳାନ୍ତି। ପ୍ରଧାନମନ୍ତ୍ରୀ ମୋଦି ଶପଥ ଗ୍ରହଣ ସମାରୋହରେ ମୋଟ ୧୦ ଜଣ ଲୋକୋ ପାଇଲଟ୍ ଭାଗ ନେଇଛନ୍ତି। ସୁରୋଖା ଯାଦବ ୧୯୮୮ ରେ ଭାରତର ପ୍ରଥମ ମହିଳା ଟ୍ରେନ୍ ଡ୍ରାଇଭର ହୋଇଥିଲେ ଓ ସେମି ହାଇସ୍ପିଡ୍‌ ବନ୍ଦେ ଭାରତ ଏକ୍ସପ୍ରେସ୍‌ର ପ୍ରଥମ ମହିଳା ଲୋକୋ ପାଇଲଟ୍‌ ମଧ୍ୟ ଥିଲେ। ନୂଆ ସରକାର ଶପଥ ଗ୍ରହଣ ସମାରୋହରେ ସେଣ୍ଟ୍ରାଲ ଭିସ୍ତା ପ୍ରୋଜେକ୍ଟରେ କାମ କରୁଥିବା ସଫେଇ କର୍ମଚାରୀ, ଟ୍ରାନ୍ସ ଜେଣ୍ଡର ମଧ୍ୟ ସ୍ବତନ୍ତ୍ର ଅତିଥି ଭାବରେ ସାମିଲ ହେବେ।