ନୂଆଦିଲ୍ଲୀ,୧୮/୧୧: ସର୍ବ ଭାରତୀୟ ବ୍ୟାଙ୍କ କର୍ମଚାରୀ ସଂଘ (ଏଆଇବିଇଏ) ପକ୍ଷରୁ ଆସନ୍ତା ମାସ ୪ରୁ ବ୍ୟାଙ୍କ ଧର୍ମଘଟ ଡାକରା ଦିଆଯାଇଛି । ଏହା ୬ ଦିନ ବ୍ୟାପୀ ଡିସେମ୍ବର ୧୧ ଯାଏ ଚାଲିବ । ସ୍ଥାୟୀ ନିଯୁକ୍ତି ଜାଗାରେ ଆଉଟସୋର୍ସିଂକୁ ରୋକିବା ଏବଂ ପର୍ଯ୍ୟାପ୍ତ ନିଯୁକ୍ତି ଦେବାକୁ ସଂଘଗୁଡିକ ଦାବି ରଖିଛନ୍ତି ।
ଡିସେମ୍ବର ୪ରେ ପିଏନ୍ବି, ପଞ୍ଜାବ ଆଣ୍ଡ୍ ସିନ୍ଧ୍ ବ୍ୟାଙ୍କ ଓ ଏସ୍ବିଆଇ କର୍ମଚାରୀ ଧର୍ମଘଟରେ ସାମିଲ ହେବେ । ୫ରେ ବ୍ୟାଙ୍କ ଅଫ୍ ବରୋଦା ଓ ବ୍ୟାଙ୍କ ଅଫ୍ ଇଣ୍ଡିଆ, ୬ରେ କାନାରା ବ୍ୟାଙ୍କ, ସେଣ୍ଟ୍ରାଲ ବ୍ୟାଙ୍କ, ୭ରେ ଇଣ୍ଡିଆନ ବ୍ୟାଙ୍କ, ୟୁକୋ ବ୍ୟାଙ୍କ, ୮ରେ ୟୁନିୟନ ବ୍ୟାଙ୍କ , ବ୍ୟାଙ୍କ ଅଫ୍ ମହାରାଷ୍ଟ୍ର ଏବଂ ୧୧ରେ ଘରୋଇ କ୍ଷେତ୍ର ବ୍ୟାଙ୍କର କର୍ମଚାରୀମାନେ ଧର୍ମଘଟରେ ସାମିଲ ହେବେ ।
ଏ ନେଇ ଏଆଇବିଇଏର ସାଧାରଣ ସମ୍ପାଦକ ସି.ଏଚ୍ ଭେଙ୍କଟଚଳମ କହିଛନ୍ତି, ଧର୍ମଘଟରେ ଉଭୟ ଘରୋଇ କ୍ଷେତ୍ର ଓ ରାଷ୍ଟ୍ରାୟତ୍ତ ବ୍ୟାଙ୍କର କର୍ମଚାରୀ ସାମିଲ ହେବେ । ଏବେ ବ୍ୟାଙ୍କର ଅଧସ୍ତନ ପଦବୀଗୁଡିକରୁ ନିଯୁକ୍ତି ହ୍ରାସ ହେଉଛି । ଆଉଟସୋର୍ସିଂ ଯୋଗୁ ବ୍ୟାଙ୍କ ଗ୍ରାହକଙ୍କ ପ୍ରାଇଭେସି ଏବଂ ଅର୍ଥକୁ ରିସ୍କ ଆଡ଼କୁ ଠେଲି ଦେଉଛନ୍ତି । କିଛି ବ୍ୟାଙ୍କ ଇଣ୍ଡଷ୍ଟ୍ରିଆଲ ଡିସ୍ପ୍ୟୁଟ ସଂଶୋଧନ ଆଇନର ଅବମାନନା କରୁଛନ୍ତି । ଶ୍ରମ କର୍ତ୍ତୃପକ୍ଷ ହସ୍ତକ୍ଷେପ କଲେ ମଧ୍ୟ କର୍ମଚାରୀଙ୍କୁ ଜୋର ଜବରଦସ୍ତ ସ୍ଥାନ୍ତାନ୍ତର କରାଯାଉଛି ।
୭ ଦିନ ହେଲା ଟନେଲରେ ଫସିଛନ୍ତି ୪୧ ଶ୍ରମିକ
ଚଳିତ ମାସ ୧୩ରେ ଏଆଇବିଇଏ ଫ୍ଲାସ ଷ୍ଟ୍ରାଇକ ସମ୍ପର୍କରେ ଘୋଷଣା କରିଥିଲା । ତେବେ ସଂଘ ପକ୍ଷରୁ ହୋଇଥିବା ଦାବି ଉପରେ ସହମତି ହେବାରୁ ଧର୍ମଘଟକୁ ଯାଇ ନ ଥିଲେ କର୍ମଚାରୀ ।
