ମୁମ୍ବାଇ,୨୯/୫: ଖୁବଶୀଘ୍ର ରିଲିଜ ହେବାକୁ ଯାଉଛି ସାଉଥ ସୁପରଷ୍ଟାର ଅଲୁ ଅର୍ଜୁନଙ୍କ ଆଗାମୀ ଚଳଚ୍ଚିତ୍ର 'ପୁଷ୍ପା ୨' । ନିକଟରେ ଫିଲ୍ମର ପ୍ରଥମ ଗୀତ ରିଲିଜ ହୋଇଥିବା ବେଳେ ବର୍ତ୍ତମାନ ଦ୍ୱିତୀୟ ଗୀତ 'ଅଙ୍ଗାରୋଁ' ମୁକ୍ତିଲାଭ କରିଛି। ସେହିପରି ଗୀତର ଟିଜର କିଛି ଦିନ ପୂର୍ବରୁ ମୁକ୍ତିଲାଭ କରିଥିଲା । ଯେଉଁଥିରେ ଅଲୁ ଅର୍ଜୁନ ଏବଂ ରଶ୍ମିକା ମନ୍ଦନା ନଜର ଆସିଥିଲେ। ଏହାକୁ ନେଇ ଦର୍ଶକଙ୍କ ମଧ୍ୟରେ ବହୁତ ଉତ୍ସାହ ଥିବା ବେଳେ ଫିଲ୍ମ ନିର୍ମାତା ଆଜି ଆଜି ଗୀତଟିକୁ ରିଲିଜ୍ କରିଛନ୍ତି।
ଏହି ଗୀତଟି ୬ ଟି ଭାଷାରେ ପ୍ରସ୍ତୁତ କରାଯାଇଛି। ଏହାକୁ ଲୋକପ୍ରିୟ ଗାୟକ ଶ୍ରେୟା ଘୋଷାଲ ଗାଇଛନ୍ତି। ତେବେ ଗୀତଟି ରିଲିଜ ହେବାର ମାତ୍ର ୧ ଘଣ୍ଟା ଭିତରେ ୟୁଟ୍ୟୁବ୍ରେ ୨ଲକ୍ଷ ୫୫ ହଜାର ଉପରେ ଲୋକ ଦେଖିସାରିଲେଣି।ତେବେ 'ପୁଷ୍ପା ୨'ର ପ୍ରଥମ ଗୀତ 'ପୁଷ୍ପା-ପୁଷ୍ପା'କୁ ମଧ୍ୟ ଦର୍ଶକଙ୍କ ଭଲ ପ୍ରତିକ୍ରିୟା ମିଳିଥିଲା। ଇନଷ୍ଟାଗ୍ରାମ ୟୁଜର୍ସମାନେ ମଧ୍ୟ ଏହି ଗୀତରେ ଜମେଇକି ରିଲ୍ ତିଆରି କରିଥିଲେ। ଏହି ଗୀତଟି ବର୍ତ୍ତମାନ ପର୍ଯ୍ୟନ୍ତ ୟୁଟ୍ୟୁବରେ ଚାରି କୋଟିରୁ ଅଧିକ ଲୋକେ ଦେଖିଲେଣି।