ବଡବିଲ,୦୫/୦୮: ଯୋଡ଼ା ଡିଏଭି ସ୍କୁଲ ନିକଟରେ ମର୍ମନ୍ତୁଦ ସଡ଼କ ଦୁର୍ଘଟଣା । ଅଜଣା ଗାଡ଼ି ଧକ୍କାରେ ଡିଏଭି ସ୍କୁଲର ୨ ଛାତ୍ରଙ୍କ ସମେତ ଜଣେ ଅଭିଭାବକଙ୍କ ଶୋଚନୀୟ ମୃତ୍ୟୁ । ମୃତକ ହେଉଛନ୍ତି ଯୋଡ଼ା ଆଜାଦ୍ ବସ୍ତି ଅଞ୍ଚଳର କ୍ରିଷ୍ଣା ଭୂସାଲ୍, ତାଙ୍କ ପୁଅ ନିକିତ ଭୂସାଲ୍ ଓ ତାଙ୍କ ପଡୋଶୀ ସନ୍ତୋଷ ଶର୍ମାଙ୍କ ପୁଅ ଗଣେଶ ଶର୍ମା ।

ସୂଚନା ଅନୁଯାୟୀ, କ୍ରିଷ୍ଣା ଭୂସାଲ୍ ଏକ ବାଇକ୍ ଯୋଗେ ଦୁଇ ଛାତ୍ରଙ୍କୁ ନେଇ ସ୍କୁଲ ଛାଡ଼ିବାକୁ ଯାଉଥିବା ବେଳେ । ସ୍କୁଲ ପହଞ୍ଚିବା ପୂର୍ବରୁ ଏକ ଅଜଣା ଟ୍ରକ୍ ବାଇକକୁ ପଛପଟୁ ଧକ୍କା ଦେଇ ଫେରାର ହୋଇଯାଇଥିବା ଜଣା ପଡିଛି । ଫଳରେ ଦୁର୍ଘଟଣାସ୍ଥଳରେ ସମସ୍ତେ ପ୍ରାଣ ହରାଇଛନ୍ତି । ମୃତ ଦୁଇ ଛାତ୍ର ଡିଏଭି ସ୍କୁଲର ଷ୍ଟାଣ୍ଡାର୍ଡ ୱାନ୍‌ରେ ପାଠ ପଢୁଥିଲେ । ଏହି ଦୁଃଖଦ ଘଟଣା ପରେ ସେଠାରେ ପ୍ରବଳ ଉତ୍ତେଜନା ପ୍ରକାଶ ପାଇଛି । ରାସ୍ତା ଉପରେ ମୃତଦେହ ଗୁଡ଼ିକ ପଡ଼ି ରହିଥିବା ବେଳେ, ସ୍ଥାନୀୟଲୋକେ ରାସ୍ତା ରୋକ କରିଛନ୍ତି । ସେହି ବାଟ ଦେଇ ଗାଡ଼ି ଚଳାଚଳ ବନ୍ଦ ରହିଛି । ଖବର ପାଇ ଘଟଣା ସ୍ଥଳରେ ଯୋଡ଼ା ପୋଲିସ୍ ପହଞ୍ଚିଛି । ଘଟଣାର ତଦନ୍ତ ଆରମ୍ଭ କରିବା ସହ ଲୋକଙ୍କୁ ବୁଝା ସୁଝା କରୁଛି  ।