ପ୍ରମୁଖ ଖବର
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

କେଜ୍ରିଓ୍ବାଲଙ୍କୁ ଜେଲରେ ମାରିବାକୁ ହେଉଛି ଷଡଯନ୍ତ୍ର, ପିଏମ୍ ମୋଦି ଓ ଏଲ୍‌ଜି ସାମିଲ ଅଛନ୍ତି: ଆପ୍ ନେତ୍ରୀ ଆତିଶିଙ୍କ ଅଭିଯୋଗ

ନୂଆଦିଲ୍ଲୀ,୧୯।୪: ତିହାର ଜେଲ୍ ପ୍ରଶାସନ ବିରୋଧରେ ଆମ ଆଦମୀ ପାର୍ଟି ପକ୍ଷରୁ ଗମ୍ଭୀର ଅଭିଯୋଗ। ଏକ ସାମ୍ବାଦିକ ସମ୍ମିଳନୀରେ ଆପ୍‌ ନେତ୍ରୀ ତଥା ଦିଲ୍ଲୀ ଶିକ୍ଷାମନ୍ତ୍ରୀ ଆତିଶି ଆପ୍‌ ସଂଯୋଜନ ଓ ଦିଲ୍ଲୀ ମୁଖ୍ୟମନ୍ତ୍ରୀ କେଜ୍ରିଓ୍ବାଲଙ୍କ ଚିକିତ୍ସାରେ ଅବହେଳା ଅଭିଯୋଗ କରିଛନ୍ତି। ଆତିଶି କହିଛନ୍ତି ସ୍ବାଧୀନ ଭାରତର ଇତିହାସରେ ଏଭଳି ପ୍ରଥମ ଥର ହୋଇଛି, ଯେତେବେଳେ ଜେଲ୍‌ରେ ଥିବା କୌଣସି ବ୍ୟକ୍ତିଙ୍କୁ ଔଷଧ ନେବାକୁ ମନା କରାଯାଉଛି।

ଆତିଶି ପ୍ରଶ୍ନ ଉଠାଇଛନ୍ତି, କେଉଁ ଆଇନ ଅନୁସାରେ ତିହାର ଜେଲ୍ ପ୍ରଶାସନ ଇଡିକୁ କେଜ୍ରିଓ୍ବାଲଙ୍କ ସବୁ ସୂଚନା ଦେଉଛି। ଆତିଶି କହିଛନ୍ତି, ଯଦି ତିହାର ଜେଲ୍ ପ୍ରଶାସନ କେଜ୍ରିଓ୍ବାଲଙ୍କ ବିଷୟରେ କୌଣସି ସୂଚନା ଦେବାକୁ ଚାହେଁ, ତେବେ କୋର୍ଟଙ୍କୁ ଦେଇପାରେ। ସେ କେଜ୍ରିଓ୍ବାଲ ଔଷଧ ବନ୍ଦ କରିବାକୁ ମଧ୍ୟ ଷଡଯନ୍ତ୍ର ବୋଲି କହିଛନ୍ତି। ଆତିଶି କହିଛନ୍ତି, ଏହି ଷଡଯନ୍ତ୍ରରେ ପ୍ରଧାନମନ୍ତ୍ରୀ ମୋଦି ଇଡିକୁ ସାମିଲ କରିଛନ୍ତି। ଦିଲ୍ଲୀର ଏଲଜି ବିନୟ ସକସେନା ଓ ତାଙ୍କ ମାଧ୍ୟମରେ ତିହାର ଜେଲ୍‌ ପ୍ରଶାସନକୁ ମଧ୍ୟ ସାମିଲ କରି ରଖାଯାଇଛି।

ଆତିଶି ପ୍ରଧାନମନ୍ତ୍ରୀ ମୋଦିଙ୍କୁ ପ୍ରଶ୍ନ ପଚାରିଛନ୍ତି, ଯେତେବେଳେ କେଜ୍ରିଓ୍ବାଲ ଇନସୁଲିନ୍ ପାଇଁ ଆବେଦନ ଦାଖଲ କଲେ, କ’ଣ ପାଇଁ କେନ୍ଦ୍ର ସରକାର, ଇଡି ଓ ତିହାର ପ୍ରଶାସନ ଏହାର ବିରୋଧ କରିଥିଲେ ? କେଜ୍ରିଓ୍ବାଲଙ୍କ ଆବେଦନ ବିରୋଧରେ ଯୋଗେନ୍ଦ୍ର ହାଡୁ ଓ ବାନୀ ଦୀକ୍ଷିତ ନାମକ ଦୁଇ ଓକିଲ ସାମନାକୁ ଆସିଛନ୍ତି। ଏହି ଦୁଇ ଓକିଲ ଜେଲ୍ ପ୍ରଶାସନ ପକ୍ଷରୁ କୋର୍ଟରେ ହାଜର ହୋଇଥିଲେ। ଏହି ଦୁଇ ଓକିଲ ଏଲଜି କାର୍ଯ୍ୟାଳୟର ସ୍ପେଶାଲ କାଉନସିଲର ଅଛନ୍ତି। ଜଣେ ଅସୁସ୍ଥ ଲୋକର ଖାଦ୍ୟପେୟ ଓ ଔଷଧକୁ ନେଇ ନିମ୍ନସ୍ତରର ରାଜନୀତି ହେଉଛି। ମୋତେ ଏହା ଦେଖି ବିଶ୍ବାସ ହେଉନି କେହି ଭୋଟ ପାଇଁ କିଭଳି ଏତେ ତଳକୁ ଖସିପାରେ। ସେମାନେ ଯେତେ ତଳକୁ ଖସିବେ, ଯେତେ ଆକ୍ରମଣ କରିବେ ଦିଲ୍ଲୀ ଲୋକ ଆପ୍‌ ଓ କେଜ୍ରିଓ୍ବାଲଙ୍କୁ ସେତେ ଭୋଟରେ ଜିତାଇବେ ବୋଲି ଆତିଶି କହିଛନ୍ତି। 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.