ନୂଆଦିଲ୍ଲୀ: ଆମ୍ ଆଦମୀ ପାର୍ଟିର ଜାତୀୟ ସଂଯୋଜକ ତଥା ପୂର୍ବତନ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଉପରେ ଖୁବ୍ ବର୍ଷିଛନ୍ତି । ସେ ଦିଲ୍ଲୀର କାମକୁ ଅଟକାଇଥିବା ଅଭିଯୋଗ କରିଛନ୍ତି । କେଜ୍ରିୱାଲ ଆହୁରି ମଧ୍ୟ କହିଛନ୍ତି ଯେ, ମୋଦୀ ବହୁତ ଶକ୍ତିଶାଳୀ, ତାଙ୍କ ପାଖରେ ବିପୁଳ ଅର୍ଥ ଅଛି କିନ୍ତୁ ମୋଦୀ ଭଗବାନ ନୁହଁନ୍ତି । ସେ କହିଛନ୍ତି କି, ଏହି ଦୁନିଆରେ ଭଗବାନ ଅଛନ୍ତି, କିଛି ଶକ୍ତି ଅଛି, ସେମାନେ ମୋ ସହିତ ଅଛନ୍ତି । ମୁଁ ସୁପ୍ରିମକୋର୍ଟଙ୍କୁ ଧନ୍ୟବାଦ ଦେଉଛି ।

ସେ ଆହୁରି ମଧ୍ୟ କହିଛନ୍ତି ଯେ, କିଛି ଦିନ ପୂର୍ବରୁ ମୁଁ ଯେତେବେଳେ ଜଣେ ବିଜେପି ନେତାଙ୍କ ସହ କଥା ହୋଇଥିଲି, ସେତେବେଳେ ମୁଁ ତାଙ୍କୁ ପଚାରିବା ଉପରେ ସେ କହିଥିଲେ ଯେ ମୁଁ ଆପଣଙ୍କ ସରକାରକୁ ସମର୍ଥନ କରୁଛି । ଏହା ଶୁଣି ମୁଁ ଆଶ୍ଚର୍ଯ୍ୟ ହୋଇଗଲି । ୨୭ ବର୍ଷ ଧରି ଦିଲ୍ଲୀର ଲୋକମାନେ ତାଙ୍କୁ ଭୋଟ୍ ଦେଇନାହାଁନ୍ତି । ଏହା ଭୁଲ ଯେ ଆପଣ ଔଷଧ ଏବଂ କେଜ୍ରିୱାଲଙ୍କୁ ବଦନାମ କରି ଭୋଟ୍ ପାଇବାକୁ ଚାହୁଁଛନ୍ତି।

କେଜ୍ରିଓ୍ବାଲ କହିଛନ୍ତି ,“ଲୋକମାନେ କହିଛନ୍ତି ଯେ ଜେଲ୍ ଯିବା ଦ୍ୱାରା କ୍ଷତି ଘଟିଥିଲା। ମୁଁ ସହମତ ଯେ କ୍ଷତି ହୋଇଛି । କିନ୍ତୁ କେଜ୍ରିୱାଲଙ୍କ ପାଇଁ କୌଣସି କ୍ଷତି ହୋଇ ନଥିଲା, ମନୀଷ ସିସୋଦିଆଙ୍କ ପାଇଁ କୌଣସି କ୍ଷତି ହୋଇନଥିଲା, କିନ୍ତୁ ଦିଲ୍ଲୀର ଦୁଇ କୋଟି ଲୋକଙ୍କ ପାଇଁ କ୍ଷତି ହୋଇଥିଲା । ଦିଲ୍ଲୀର ଡାକ୍ତରଖାନା ଭିତରେ ଔଷଧ ବନ୍ଦ କରାଯାଇଥିଲା । ଟିକିଏ ତ ଭଗବାନଙ୍କୁ ଭୟ କର । କାହାର ଅହଂକାର କେବେ ରହିବ ନାହିଁ । 

ସେ କହିଛନ୍ତି ଯେ, ଯଦି ଜନସାଧାରଣ ଅନୁଭବ କରନ୍ତି ଯେ ମୁଁ ସଚ୍ଚୋଟ, ତେବେ ମୋତେ ଭୋଟ୍ ଦିଅ, ନଚେତ୍ ଭୋଟ୍ ଦିଅ ନାହିଁ। ସେ ଯାହା ବି କାମ ବନ୍ଦ କରିଦେଇଥିଲେ, ମୁଁ ଏହାକୁ ପୁଣି ଆରମ୍ଭ କରିବି । ଜେଲ ଯିବା କାରଣରୁ ଏଠାରେ ଏକ କ୍ଷତି ହୋଇଥିଲା କିନ୍ତୁ ଏହା କେଜ୍ରିୱାଲ ଏବଂ ମନୀଷ ସିସୋଡିଆଙ୍କ କ୍ଷତି ନୁହେଁ ବରଂ ଦିଲ୍ଲୀର ଲୋକଙ୍କ କ୍ଷତି।