ବାରଙ୍ଗ, ୨୮।୦୩ : ଫ୍ରୁଟି ଦେଇ ପିଲା ଚୋରି ଉଦ୍ୟମ ଅଭିଯୋଗ। ସନ୍ଦିଗ୍ଧଙ୍କୁ ଗୋଡାଇ ଗୋଡାଇ ଧରିଲେ ଲୋକେ। ଆଳୁଗଡ଼ ଛକ ନିକଟରେ ଏଭଳି ଘଟଣା ଘଟିଛି। ସନ୍ଦିଗ୍ଧଙ୍କୁ କାବୁ କରି ଭରତପୁର ପୋଲିସର ଜିମା ଦେଇଛନ୍ତି ସ୍ଥାନୀୟ ଲୋକେ। 

ସୂଚନା ଅନୁଯାୟୀ, ଏକ ପରିବାର ଆଳୁଗଡ଼ ଛକ ନିକଟକୁ ଯାତ୍ରା ଦେଖିବାକୁ ଆସିଥିଲେ। ଜଣେ ମହିଳା ତାଙ୍କ କୁନି ପୁଅକୁ ଧରିଥିବା ବେଳେ ସେଠାକୁ ଜଣେ ଅଜଣା ବ୍ୟକ୍ତି ଆସିଥିଲେ। ମହିଳାଙ୍କ ଅନ୍ୟମନସ୍କତା ଦେଖି କୁନି ପୁଅକୁ ଫ୍ରୁଟି ଦେଇ ଡାକିଥିଲେ । ଏହି ସମୟରେ ମାଆଙ୍କ ନଜର ପଡିଥିଲା । ଫଳରେ ଦୁର୍ବୃତ୍ତ ଜଣଙ୍କ ସେଠାରୁ ଖସି ଯିବାକୁ ଉଦ୍ୟମ କରିଥିଲେ। ହେଲେ ସ୍ଥାନୀୟ ଲୋକେ ପିଲା ଚୋରି ଅଭିଯୋଗରେ ସନ୍ଦିଗ୍ଧ ଯୁବକଙ୍କୁ ଗୋଡାଇ ଗୋଡାଇ କାବୁ କରିଥିଲେ । ଆଉ ସନ୍ଦିଗ୍ଧ ଯୁବକଙ୍କୁ ନେଇ ଭରତପୁର ପୋଲିସର ଜିମା ଦେଇଥିଲେ । ସ୍ଥାନୀୟ ପୋଲିସ ଯୁବକଙ୍କୁ ଥାନାକୁ ନେଇ ପଚରାଉଚରା କରୁଛି ।