ମୁମ୍ବାଇ ୨୨/୦୫: କରନ ଜୋହରଙ୍କ ଧର୍ମା ପ୍ରଡକ୍ସନ୍ସ ଓ ଗୁନୀତ ମୋଙ୍ଗାଙ୍କ ଶିକ୍ଷା ଏଣ୍ଟର୍ଟେନ୍ମେଣ୍ଟ ନୂଆ ବଲିଉଡ୍ ପ୍ରୋଜେକ୍ଟ ଘୋଷଣା କରିଛନ୍ତି । ଏଥିରେ ମୁଖ୍ୟ ଭୂମିକାରେ ନଜର ଆସିବେ ସାରା ଅଲି ଖାନ୍ । ତାଙ୍କ ଅପୋଜିଟ୍ରେ ଅଭିନୟ କରିବେ ଆୟୁଷ୍ମାନ ଖୁରାନା । ଫିଲ୍ମର ଟାଇଟଲ୍ ଘୋଷଣା ହୋଇନାହିଁ । ଏହା ଏକ ଆକ୍ସନ୍-କମେଡି ହେବ ବୋଲି ଜଣାପଡ଼ିଛି । ଏହା ଜରିଆରେ ଦୁଇଟି ପ୍ରଡକ୍ସନ୍ ହାଉସ୍ ୩ୟ ଥର ମିଶି କାମ କରିବାକୁ ଯାଉଛନ୍ତି ।
ସିନେ ସମୀକ୍ଷକ ତରନ ଆଦର୍ଶ ଫିଲ୍ମକୁ ନେଇ ଏକ ପୋଷ୍ଟ୍ ଶେୟାର କରିଛନ୍ତି । ଏହା ଅନୁସାରେ, ଫିଲ୍ମର କାହାଣୀ ଓ ନିର୍ଦ୍ଦେଶନା ଦାୟିତ୍ୱରେ ଅଛନ୍ତି ଆକାଶ କୌଶିକ । ଏହାର ସୁଟିଂ କାମ ଚାଲିଛି । ଖୁବ୍ଶୀଘ୍ର ଟାଇଟଲ ଘୋଷଣା ହେବ । ଧର୍ମା-ଶିକ୍ଷା ପ୍ରଡକ୍ସନ୍ ହାଉସ୍ ଏଥର ସାରା-ଆୟୁଷ୍ମାନଙ୍କ ସହିତ ଆକ୍ସନ୍କମେଡି ଜରିଆରେ ଦର୍ଶକଙ୍କ ମନୋରଞ୍ଜନ କରିବ ବୋଲି ତରନ ଉଲ୍ଲେଖ କରିଛନ୍ତି ।
AYUSHMANN - SARA ALI KHAN TO STAR IN DHARMA - SIKHYA’S ACTION-COMEDY… Dharma Productions and Sikhya Entertainment reunite, this time for an action-comedy headlined by #AyushmannKhurrana and #SaraAliKhan.
— taran adarsh (@taran_adarsh) May 21, 2024
Written and directed by Aakash Kaushik… This is Dharma and Sikhya’s… pic.twitter.com/WlQa0Vr6H0
ସାରାଙ୍କ ସିନେ ଯାତ୍ରା ଅଦ୍ୟାବଧି ଖୁବ୍ ବ୍ୟସ୍ତବହୁଳ ରହିଛି । ‘ଜରା ହଟ୍କେ ଜରା ବଚ୍କେ’ ପରେ ଓଟିଟି ମୁହାଁ ହୋଇଥିଲେ ସାରା । ତାଙ୍କ ଅଭିନୀତ ଫିଲ୍ମ ‘ମର୍ଡର ମୁବାରକ’ ଓ ‘ଏ ୱତନ୍ ମେରେ ୱତନ୍’ ନିକଟରେ ଓଟିଟିରେ ମୁକ୍ତିଲାଭ କରିଥିଲା । ସେପଟେ, ଫିଲ୍ମ ‘ଡ୍ରିମ୍ ଗର୍ଲ-୨’ରେ ଅନନ୍ୟା ପାଣ୍ଡେଙ୍କ ସହ ଶେଷ ଥର ବଡ଼ ପରଦାରେ ନଜର ଆସିଥିଲେ ଆୟୁଷ୍ମାନ । ସେ ଏବେ ମ୍ୟୁଜିକ୍ କ୍ୟାରିଅର୍କୁ ନେଇ ବ୍ୟସ୍ତ ଅଛନ୍ତି ।
