ପ୍ରମୂଖ ଖବର
  • କେନ୍ଦୁଝର : ଚୋରା କାଠ ଚାଲାଣ ବେଳେ ମାଡ଼ି ବସିଲା ବନ ବିଭାଗ, ୭ ଟ୍ରିପରୁ ଉର୍ଦ୍ଧ୍ଵ କାଠ ଜବତ
  • ||
  • ଯାଜପୁର : ଶୌଚ ହେବାକୁ ଯାଇ କେନାଲରେ ଭାସିଗଲେ ନାବାଳକ
  • ||
  • ଭୁବନେଶ୍ଵର : ୨୭ରେ ବସିବ ନୀତି ଆୟୋଗ ବୈଠକ, ଯୋଗଦେବେ ମୁଖ୍ୟମନ୍ତ୍ରୀ
  • ||

ବିଶ୍ବକପରେ ଦ୍ବିତୀୟ ବିଜୟ ପରେ ବାଂଗଲାଦେଶକୁ ଲାଗିଲା ବଡ଼ ଝଟକା, ଟୁର୍ଣ୍ଣାମେଣ୍ଟରୁ ବାହାରିଲେ ଶାକିବ ଅଲ ହସନ

ନୂଆଦିଲ୍ଲୀ, ୭/୧୧ : ବାଂଗଲାଦେଶର ଅଧିନାୟକ ଶାକିବ ଅଲ ହସନ ୨୦୨୩ବିଶ୍ବକପରୁ ବାଦ୍ ପଡ଼ିଛନ୍ତି । ବାଂଗଲାଦେଶକୁ ଟୁର୍ଣ୍ଣାମେଣ୍ଟରେ ଦ୍ବିତୀୟ ବିଜୟ ମିଳିବା ପରେ ବଡ଼ ଝଟକା ଲାଗିଛି । ଶାକିବଙ୍କ ନେତୃତ୍ବାଧିନ ବାଂଗଲାଦେଶ ଗତ ସୋମବାର ଦିଲ୍ଲୀର ଅରୁଣ ଜେଟଲୀ ଷ୍ଟାଡିୟମରେ ଶ୍ରୀଲଙ୍କାକୁ ୩ଓ୍ବିକେଟରେ ପରାସ୍ତ କରିଥିଲା । କିନ୍ତୁ ଏହି ମ୍ୟାଚରେ ଶାକିବଙ୍କ ବାମ ହାତର ଆଙ୍ଗୁଳି ଆହତ ହୋଇଛି, ଯାହାଦ୍ବାରା ସେ ଟୁର୍ଣ୍ଣାମେଣ୍ଟରୁ ବାଦ୍ ପଡ଼ିଛନ୍ତି ।

ଶ୍ରୀଲଙ୍କା ବିପକ୍ଷ‌ରେ ଶାକିବ ବୋଲିଂ ଏବଂ ବ୍ୟାଟିଂରେ ବହୁତ ଭଲ ପ୍ରଦର୍ଶନ କରି ପ୍ଲେୟର ଅଫ ଦ ମ୍ୟାଚ ନିଜ ନାମରେ କରିଥିଲେ । ପ୍ରଥମେ ବୋଲିଂ କରି ସେ ଦୁଇଟି ଓ୍ବିକେଟ ନେଇଥିଲେ । ଏହାପରେ ବ୍ୟାଟିଂରେ ୨୮୦ରନର ପିଛା କରି ସେ ୬୫ବଲରେ ୧୨୬.୧୫ଷ୍ଟ୍ରାଇକ ରେଟରେ ୮୨ରନ୍ ସ୍କୋର କରିଥିଲେ । ଯେଉଁଥିରେ ୧୨ଚୌକା ଏବଂ ୨ଛକା ସାମିଲ ଥିଲା। ମାତ୍ର ଶାକିବଙ୍କ ପକ୍ଷରୁ ଯେତେବେଳେ ଭଲ ପ୍ରଦର୍ଶନ ଦେଖିବାକୁ ମିଳିଛି ସେତେବେଳେ ତାଙ୍କ ଟିମ୍ ଟୁର୍ଣ୍ଣାମେଣ୍ଟରୁ ବାହାରି ସାରିଛି ।

ସେହିଭଳି ତାଙ୍କ ଆଙ୍ଗୁଳିର କଥା ଯଦି କହିବା ତେବେ ରିପୋର୍ଟ ଅନୁଯାୟୀ ଶ୍ରୀଲଙ୍କା ବିପକ୍ଷ ମ୍ୟାଚରେ ଶାକିବ ଏକ୍ସରାୟ କରିଥିଲେ ଯେଉଁଥିରେ ଫ୍ୟାକ୍ଚର ବାହାରିଥିଲା। ବାଂଗଲାଦେଶର ଫିଜିୟୋ ବାୟଜେଦୁଲ ଇସ୍ଲାମ କହିଛନ୍ତି କି ଶ୍ରୀଲଙ୍କା ବିପକ୍ଷ ପାଳିର ଆରମ୍ଭରେ ଶାକିବଙ୍କୁ ଆହତ ଲାଗିଥିଲା, କିନ୍ତୁ ସେ ପେନକ୍ଲିର ଖାଇବା ସହ ଟ୍ୟାପ ଲଗାଇ ବ୍ୟାଟିଂ ଜାରି ରଖିଥିଲେ । 

ଶ୍ରୀଲଙ୍କା ବିପକ୍ଷ ପାଳି ବ୍ୟତୀତ ଶାକିବଙ୍କ ପକ୍ଷରୁ ଅନ୍ୟ କୌଣସିରେ ଖାସ୍ ପ୍ରଦର୍ଶନ ଦେଖିବାକୁ ମିଳିନାହିଁ । ବାଂଗଲାଦେଶ ଅଧିନାୟକ ୭ଟି ମ୍ୟାଚରେ କେବଳ ୨୬.୫୭ପ୍ରତିଶତରେ ୧୮୬ରନର ସ୍କୋର କରିଛନ୍ତି । ଏହା ବ୍ୟତୀତ ବୋଲିଂରେ କେବଳ ୫ଟି ଓ୍ବିକେଟ ନେଇଛନ୍ତି । ପ୍ରକାଶ ଯେ, ବାଂଗଲାଦେଶ ଟୁର୍ଣ୍ଣାମେଣ୍ଟର ୯ମ ଏବଂ ଶେଷ ଲିଗ୍ ମ୍ୟାଚ ଅଷ୍ଟେ୍ରଲିଆ ବିପକ୍ଷ ୧୧ନଭେମ୍ବରରେ ପୁଣେର ମହାରାଷ୍ଟ୍ର କ୍ରିକେଟ ଆସୋସିଏଶନ ଷ୍ଟାଡିୟମରେ ଖେଳିବ । ବାଂଗଲାଦେଶ ଏବେ ପର୍ଯ୍ୟନ୍ତ ଖେଳିଥିବା ୮ଟି ମ୍ୟାଚରୁ କେବଳ ୨ଟି ମ୍ୟାଚ ଜିତିଛି । 

ଇକୋନମୀ କ୍ଲାସରେ ଯାତ୍ରା କରୁଥିବା ଦେଖା ହେଲେ ବିରାଟ, ଭାଇରାଲ ହେଉଛି ବିମାନର ଭିଡ଼ିଓ

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.