ଦେବଗଡ଼, ୦୮/୧୨ : ଦେବଗଡ଼ ଜିଲ୍ଲା ବାରକୋଟ ଥାନା ଅନ୍ତର୍ଗତ ଦଣ୍ଡାସିଂହା-ମହୁଲନାଳୀ ରାସ୍ତା କଡ଼ ଜମିରୁ ବାରକୋଟ ଯୁକ୍ତ ଦୁଇ ମହାବିଦ୍ୟାଳୟର ପିଅନଙ୍କ ମୃତଦେହ ଉଦ୍ଧାର। ପିଅନ ମିଲୁ ଚରଣ ବେହେରାଙ୍କ ମୃତଦେହ ଠାବ ହୋଇଛି l ପରିବାର ଲୋକେ ହତ୍ୟା ଅଭିଯୋଗ ଆଣିଛନ୍ତି। ପ୍ରାଥମିକ ତଦନ୍ତ ପରେ ଏକ ହତ୍ୟା ମାମଲା ରୁଜୁ କରି ଘଟଣା ସ୍ଥଳରେ ସାଇଣ୍ଟିଫିକ୍ ଟିମ୍ ଓ ସନ୍ଧନୀ କୁକୁର ସହାୟତାରେ ବାରକୋଟ ଥାନା ପୁଲିସର ତଦନ୍ତ ଆରମ୍ଭ କରିଛି l 

ସୂଚନା ଅନୁଯାୟୀ, ମିଲୁ ଗୁରୁବାର ରାତିରେ ବାଲିରୋଇ ସ୍ଥିତ ଘରୁ ରେଙ୍ଗାଳବାହାଳ ଗ୍ରାମରେ ରହୁଥିବା ନିଜ ପରିବାର ପାଖକୁ ବାହାରିଥିଲେ। ହେଲେ ଆଜି ସକାଳ ପର୍ଯ୍ୟନ୍ତ ପହଞ୍ଚିନଥିଲେ । ଆଜି ସକାଳେ ସ୍ଥାନୀୟ ଲୋକେ ଜମି ମଧ୍ୟରେ ମୃତଦେହ ପଡିରହିଥିବା ଦେଖି ବାରକୋଟ ଥାନା ପୋଲିସକୁ ଖବର ଦେଇଥିଲେ। ବାରକୋଟ ପୋଲିସ ଘଟଣା ସ୍ଥଳରେ ପହଞ୍ଚି ଦଣ୍ଡାସିଂହା - ମହୁଲନାଳୀ ରାସ୍ତାକଡ ଜମିରୁ ମିଲୁଙ୍କ ଶବ ଜବତ କରିବା ସହ ଅଧିକ ତଦନ୍ତ ଆରମ୍ଭ କରିଛି।