ବେଙ୍ଗାଲୁରୁ,୨୪/୦୫: ବେଙ୍ଗାଲୁରୁରେ ମେ ୨୦ରେ ଏକ ଫାର୍ମ ହାଉସରେ ଆୟୋଜିତ ରେଭ୍‌ ପାର୍ଟିରେ ପୁଲିସ ଚଢ଼ଉ କରିଥିଲା । ଏହି ସମୟରେ ମୋଟ ୧୦୩ ଜଣ ଯୁବକଯୁବତୀଙ୍କୁ ପୁଲିସ ଧରିଥିଲା । ସେମାନଙ୍କ ରକ୍ତ ପରୀକ୍ଷା ପରେ ୮୬ ଜଣ ପଜିଟିଭ ଚିହ୍ନଟ ହୋଇଛନ୍ତି। ସେମାନେ  ନିଷିଦ୍ଧ ଡ୍ରଗ୍ସ ସେବନ କରିଥିବା ରକ୍ତ ପରୀକ୍ଷା ରିପୋର୍ଟରୁ ଜଣାପଡ଼ିଛି । ଏହି  ୮୬ ଜଣଙ୍କ ମଧ୍ୟରେ ଦୁଇଜଣ ତେଲୁଗୁ ଅଭିନେତ୍ରୀ ରହିଛନ୍ତି । ଲୋକପ୍ରିୟ  ଅଭିନେତ୍ରୀ ହେମା ରେଭ୍‌ ପାର୍ଟିରେ ଥିବା ପୁଲିସ ସ୍ପଷ୍ଟ କରିଥିବା ବେଳେ ହେମା  ଏହାକୁ ଖଣ୍ଡନ କରିଛନ୍ତି । ବେଙ୍ଗାଲୁରୁର ଇଲେକ୍ଟ୍ରୋନିକ୍ସ ସିଟି ଅଞ୍ଚଳରେ  ଥିବା ଜିଏମ୍‌ ଫାର୍ମ ହାଉସରେ ରେଭ୍‌ ପାର୍ଟି ଆୟୋଜନ କରାଯାଇଥିଲା ।  

ପୁଲିସ ସୂତ୍ର ମୁତାବକ ୫୦ରୁ ଅଧିକ ପୁରୁଷ ଏବଂ ପ୍ରାୟ ୩୦ ଜଣ ମହିଳା  ଡ୍ରଗ୍ସ ସେବନ କରିଥିଲେ । ଏବେ ସିସିବି ପୁଲିସ ଅଧିକାରୀଙ୍କ ସ୍ୱତନ୍ତ୍ର ଟିମ୍‌  ସମସ୍ତଙ୍କୁ ନୋଟିସ ଜାରି କରି ଜେରା ନିମନ୍ତେ ଡକାଇବା ଲାଗି ପ୍ରସ୍ତୁତି  ଚଳାଇଛି । ରେଭ୍‌ ପାର୍ଟିରେ ସାମିଲ ଥିବା ଜଣେ ତେଲୁଗୁ ଅଭିନେତ୍ରୀ ଏକ  ଭିଡିଓ ବନାଇ ସେ ଘଟଣା ବେଳେ ହାଇଦ୍ରାବାଦରେ ଥିବା ନେଇ ଦାବି  କରିଥିଲେ । କିନ୍ତୁ ତଦନ୍ତ ପରେ ସେ ପାର୍ଟିରେ ଥିବା ନେଇ ସ୍ପଷ୍ଟ ହୋଇଛି ।