ନୀଳଗିରି,୨୭/୮:ବାଲେଶ୍ୱର ଜିଲ୍ଲାରେ ନୀଳଗିରି ବିଜେଡି ତରଫରୁ ଉପଜିଲ୍ଲାପାଳ ଅଫିସ ଆଗରେ ଧାରଣା ଦିଆଯାଇଛି।ରାଜ୍ୟ ବିଜେପି ସରକାର ବିରୁଦ୍ଧରେ ଏହି ଗଣଧାରଣା ଦିଆଯାଇଛି।ବିଜେପି କ୍ଷମତାକୁ ଆସିବା ପାଇଁ  ରାଜ୍ୟବାସୀଙ୍କୁ ମିଥ୍ୟା ପ୍ରତିଶୃତି ଦେଇଥିବା ଅଭିଯୋଗ କରିଛନ୍ତି। ବିଦ୍ୟୁତ ବିଲ ୩୦୦ ୟୁନିଟ ଛାଡ଼ ସହ ବାର୍ଦ୍ଧକ୍ୟ ଓ ବିଧବା ଭତ୍ତା ୩୦୦୦ ଟଙ୍କା କରିବା ପ୍ରତିଶ୍ରୁତି ଦେଇଥିଲେ।ଏଭଳି ଅନେକ ପ୍ରତିଶୃତି ପାଣିର ଗାର ପାଲଟିଛି ବୋଲି ଅଭିଯୋଗ କରିଛନ୍ତି। 

 ନୀଳଗିରି ପୁର୍ବତନ ବିଧାୟକ ଇଂ ସୁକାନ୍ତ କୁମାର ନାୟକଙ୍କ ନେତୃତ୍ୱରେ ଏକ ବିକ୍ଷୋଭ ଶୋଭାଯାତ୍ରା ସହରରେ କରିବା ପରେ ନୀଳଗିରି ଉପଜିଲ୍ଲାପାଳ ଅଫିସରେ ଗଣଧାରଣା ଦିଆଯାଇଛି।ଏଥିରେ ଜିଲ୍ଲାସଭାପତି ଜ୍ୟୋତିପ୍ରକାଶ ପାଣିଗ୍ରାହୀ,ଜିଲ୍ଲା ପରିଷଦ ଅଧକ୍ଷ ନାରାୟଣ ପ୍ରଧାନ,ବାଲେଶ୍ଵର ବିଜେଡି ସାଂସଦ ପ୍ରାର୍ଥୀ ଲେଖାଶ୍ରୀ ସାମନ୍ତ ସିଂହାର,ଯୁବବିଜେଡି ରାଜ୍ୟ କାର୍ଯ୍ୟକାରୀ ସଭାପତି,ଯୁବବିଜେଡି ଜିଲ୍ଲା ସଭାପତି ତାପସ ପରିଡା,ଏନଏସି ସଭାପତି ରବୀନ୍ଦ୍ର ପରିଡା,ଜିଲ୍ଲା ବ୍ଲକ ଅଧକ୍ଷା ଶୁଭଲକ୍ଷ୍ମୀ ମାଝୀ,ଏନଏସି ଅଧକ୍ଷା ଅମ୍ବିକା ଦାସ,ଆଦିବାସୀ ମହିଳାନେତ୍ରୀ ସୁନୀତି ସିଂ ଙ୍କ ସମେତ ବହୁ ବିଜେଡିନେତା ଓ ନେତ୍ରୀ, କର୍ମୀମାନେ ଉପସ୍ଥିତ ଥିଲେ।ପରେ ଉପଜିଲ୍ଲାପାଳ ଙ୍କ ଜରିଆରେ ମୁଖ୍ୟମନ୍ତ୍ରୀଙ୍କୁ ଏକ ସ୍ମାରକପତ୍ର ଦିଆଯାଇଛି।