ନୂଆଦିଲ୍ଲୀ, ୧୦/୯ : ହରିୟାଣା ବିଧାନସଭା ନିର୍ବାଚନ ଲାଗି ବିଜେପି ପ୍ରାର୍ଥୀଙ୍କ ଦ୍ବିତୀୟ ଲିଷ୍ଟ ଜାରି କରିଛି । ଦ୍ବିତୀୟ ଲିଷ୍ଟରେ ୨୧ସିଟ ଉପରେ ପ୍ରାର୍ଥୀଙ୍କ ନାଁ ଘୋଷଣା କରାଯାଇଛି । ଦୁଇ ମୁସଲିମ୍ ପ୍ରାର୍ଥୀଙ୍କୁ ବି ଟିକେଟ ଦିଆଯାଇଛି । ଦ୍ବିତୀୟ ଲିଷ୍ଟ ସହ ବିଜେପି ହରିୟାଣାର ୯୦ସିଟରୁ ୮୮ସିଟରେ ପ୍ରାର୍ଥୀ ଘୋଷଣା କରାଯାଇଛି । ପ୍ରଥମ ଲିଷ୍ଟରେ ୬୭ସିଟରେ ପ୍ରାର୍ଥୀଙ୍କ ନାଁ ଘୋଷଣା କରାଯାଇଥିଲା । ଦୁଇ ସିଟରେ ଏବେ ଘୋଷଣା ହେବା ବାକି ରହିଛି ।

ଫିରୋଜପୁର ଝିରକା ସିଟରେ ନସୀମ ଅହମଦ ଏବଂ ପୁହ୍ନାନା ସିଟରୁ ଏଞ୍ଜାଜ ଖାନଙ୍କୁ ପାର୍ଟି ପ୍ରାର୍ଥୀ କରିଛି । ଜୁଲାନା ସିଟରେ କ୍ୟାପ୍ଟେନ ୟୋଗେଶ ବୈରାଗୀଙ୍କୁ ବିଜେପି ନିର୍ବାଚନୀ ମୈଦାନରେ ଓହ୍ଲାଇଛି । ଏଠାରେ କଂଗ୍ରେସ ଟିକେଟରେ ରେସଲର ବିନେଶ ଫୋଗାଟ ମୈଦାନରେ ଅଛନ୍ତି ।

ବିଜେପି ପେହୋବା ସିଟରେ ପ୍ରାର୍ଥୀ ପରିବର୍ତ୍ତନ କରିଛି । ଏଠାରେ ପ୍ରଥମେ ବିଜେପି କଂବଲଜୀତ ସିଂହ ଅଜରାନାଙ୍କୁ ଟିକେଟ ଦେଇଥିଲା । କିନ୍ତୁ ବିରୋଧକୁ ଦେଖି ସେ ଟିକେଟ ଫେରାଇ ଦେଇଛନ୍ତି । ଏବେ ସିଟରେ ବିଜେପି ଜୟ ଭଗବାନ ଶର୍ମାଙ୍କୁ ପ୍ରାର୍ଥୀ କରିଛି ।

ପ୍ରକାଶ ଯେ, ହରିୟାଣାର ସବୁ ସିଟରେ ଗୋଟିଏ ପର୍ଯ୍ୟାୟରେ ୫ ଅକ୍ଟୋବରରେ ଭୋଟିଂ ହେବ । ଫଳାଫଳ ୮ଅକ୍ଟୋବରରେ ଜାରି କରାଯିବ । ବିଜେପି ଦାବି କରୁଛି କି ହରିୟାଣାରେ ବାରମ୍ବାର ତୃତୀୟ ଥର ତାଙ୍କ ସରକାର ଗଢିବାକୁ ଯାଉଛି ।