କେନ୍ଦୁଝର, ୦୯/୦୯ : କେନ୍ଦୁଝର ଜିଲ୍ଲା ଧନୀ। କେନ୍ଦୁଝର ଟଙ୍କାରେ ରାଜ୍ୟ, ଖଣିମାଲିକ, ପୁଞ୍ଜିପତି, ବେପାରୀ ସମସ୍ତେ ଧନୀ କିନ୍ତୁ କେନ୍ଦୁଝରବାସୀ ଗରିବ। ସବୁଠାରୁ ଅଧିକ ଖଣି ରାଜସ୍ବ କେନ୍ଦୁଝର ଦେଇଛି। ଖର୍ଚ୍ଚ ଦୃଶ୍ୟମାନ ହେଉନାହିଁ ବୋଲି ବିଜେପି ରାଜ୍ୟ ସଭାପତି ମନମୋହନ ସାମଲ ପ୍ରେସ ମିଟରେ ସରକାରଙ୍କୁ ସମାଲୋଚନା କରିଛନ୍ତି । ଏହାସହ କେନ୍ଦୁଝରରେ ଜିଲ୍ଲା ଖଣିଜ ପାଣ୍ଠି ଏବଂ ଓମ୍ବାଡ଼ଶୀ ଟଙ୍କାକୁ ସରକାର ଓ ପ୍ରଶାସନ ନିଜ ପୈତୃକ ସମ୍ପତି ପରି ବ୍ୟବହାର କରୁଥିବା ନେଇ ସେ ଅଭିଯୋଗ କରିଛନ୍ତି। ଏହି ଟଙ୍କାର ହିସାବ ମାଗିଛନ୍ତି ରାଜ୍ୟ ବିଜେଡି ସଭାପତି ମନମୋହନ ସାମଲ । 

ଡିଏମଏଫ ଏବଂ ଓମ୍ବାଡ଼ସି ଟଙ୍କାରୁ ହଜାର ହଜାର କୋଟି ଟଙ୍କା କମିଟିର ବିନା ଅନୁମୋଦନରେ ଖର୍ଚ୍ଚ ହୋଇଛି ବୋଲି ସେ କହିଛନ୍ତି । ସେହିପରି ଦିନକୁ ଦିନ କାନପୁର ବୃହତ ଜଳ ପ୍ରକଳ୍ପର ବ୍ୟୟ ବଢି ଚାଲିଥିବା ବେଳେ କେନ୍ଦ୍ର ସରକାର ୨୮୦୦ କୋଟି ଦେଇଛନ୍ତି । କିନ୍ତୁ ପ୍ରକଳ୍ପ ଆରମ୍ଭର ୪୦ ବର୍ଷ ପରେ ମଧ୍ୟ ଏହା ସରିପାରୁ ନାଁହି । ଏଥିରୁ ରାଜ୍ୟ ସରକାର କେନ୍ଦୁଝରବାସୀଙ୍କୁ କେତେ ଗୁରୁତ୍ୱ ଦେଉଛନ୍ତି ତାହା ବେଶ ଅନୁମେୟ । ଜିଲ୍ଲାରେ ଖଣି ଥାଇବି ଏହି ଜିଲ୍ଲାର ଲୋକ ଦାଦନ ଖଟିବାକୁ ବାହାର ରାଜ୍ୟକୁ ଯିବା କେତେ ଲଜ୍ୟାଜନକ ତାହା କେନ୍ଦୁଝରବାସୀ ବିଚାର କରନ୍ତୁ ବୋଲି ସେ କହିଥିଲେ। ନିଜର ୨ ଦିନିଆ ଗସ୍ତ ସମୟରେ ସେ କେନ୍ଦୁଝରର ବିଭିନ୍ନ ଅଞ୍ଚଳ ପରିଦର୍ଶନ କରିଥିବା ବେଳେ ଜିଲ୍ଲା ବିଜେପି ପକ୍ଷରୁ ତାଙ୍କୁ ଭବ୍ୟ ସମ୍ବର୍ଦ୍ଧନା ଦିଆଯାଇଛି।