ମୋହନା,୨୫/୦୯: ଧାନ ବିଲରେ ପଡ଼ିରହିଛି ଯୁବକଙ୍କ ମୃତଦେହ । ମୃତକ ଜାଡିଙ୍ଗି ଗାଁର ରବି ମାଝୀ ବୋଲି ଜଣାପଡ଼ିଛି । ଯୁବକଙ୍କ ମୃତ୍ୟୁର କାରଣ ଅସ୍ପଷ୍ଟ ରହିଥିବାବେଳେ ଗଜପତି ଜିଲ୍ଲା ଅଡବା ଥାନା ଜlଡିଙ୍ଗି ଗାଁ ନିକଟସ୍ଥ ଧାନ ବିଲରେ ଏଭଳି ଘଟଣା ଘଟିଛି । 

ସୂଚନା ମୁତାବକ, ବୁଧବାର ଜlଡିଙ୍ଗି ଗାଁ ନିକଟସ୍ଥ ଏକ ଧାନ ବିଲରେ ସେହି ଗାଁର ରବି ମାଝୀ ନାମକ ଜଣେ ଯୁବକଙ୍କ ମତଦେହ ଦେଖିବାକୁ ମିଳିଥିଲା । ଯୁବକଙ୍କ ମୃତଦେହକୁ ଗାଁଲୋକେ ଦେଖିବାକୁ ପାଇଥିଲେ । ଏହା ଦେଖି ତୁରନ୍ତ ପୋଲିସକୁ ଘଟଣା ସମ୍ୱନ୍ଧରେ ଅବଗତ କରାଇଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ଯୁବକଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ଯୁବକଙ୍କ ମୃତ୍ୟୁର କାରଣ ଖୋଜି ଘଟଣାର ତଦନ୍ତ କରୁଛି ପୋଲିସ ।