ପ୍ରମୂଖ ଖବର
  • କଟକ: କୋର୍ଟରେ ହାଜର ହେଲେ ଅନୁଭବ ମହାନ୍ତି, ଘରୋଇ ହିିଂସା ମାମଲାରେ ଜାରି ହୋଇଥିଲା NBW
  • ||
  • ଓଡିଶା ବିଧାନସଭାକୁ ମିଳିଲା ନୂଆ ବାଚସ୍ପତି, ରଣପୁର ବିଧାୟିକା ସୁରମା ପାଢ଼ୀ ହେଲେ ବାଚସ୍ପତି
  • ||
  • ତୀର୍ଥଯାତ୍ରୀ ବସ ଉପରକୁ ଆତଙ୍କୀ ହମଲା ଘଟଣା, ଅଭିଯୁକ୍ତ ଗିରଫ
  • ||
  • ବିଶ୍ୱକପ୍‌ର ସୁପର-୮ ରାଉଣ୍ଡ୍‌: ଟିମ୍‌ ଇଣ୍ଡିଆ ପାଇଁ ଆଫଗାନ ସ୍ପିନ୍‌ ଚ୍ୟାଲେଞ୍ଜ, ଫୋକସ୍‌ରେ କୋହଲିଙ୍କ ଫର୍ମ
  • ||
  • ପଟିଆ ଛକ ନିକଟ ଲକି ଇଣ୍ଡିଆ ଆପାର୍ଟମେଣ୍ଟରେ ଅଗ୍ନିକାଣ୍ଡ, ଦୀର୍ଘ ଘଣ୍ଟା ପରେ ନିଆଁକୁ ଆୟତ୍ତ କଲା ଅଗ୍ନିଶମ ବାହିନୀ
  • ||
  • ବାଲେଶ୍ୱରରେ ସୁଧୁରୁଛି ସ୍ଥିତି: ସକାଳୁ କର୍ଫ୍ୟୁ କୋହଳ, ୧୧ଟା ସୁଦ୍ଧା କାମ ସାରି ଘରକୁ ଫେରିବାକୁ ନିବେଦନ
  • ||
  • ୨୭ରେ ଉତ୍ତର ବଙ୍ଗୋପସାଗରରେ ଘୂର୍ଣ୍ଣିବଳୟ ସୃଷ୍ଟି ସମ୍ଭାବନା, ପ୍ରବଳ ବର୍ଷିବ: ମାଲକାନଗିରିରେ ମୌସୁମୀ ସକ୍ରିୟ
  • ||

ଅଧରାତିରେ ଭଙ୍ଗ ହେଲା ବ୍ରିଟେନର ସଂସଦ, ଜୁଲାଇ ୪ରେ ସାଧାରଣ ନିର୍ବାଚନ

ଲଣ୍ଡନ: ସାଧାରଣ ନିର୍ବାଚନ ପୂର୍ବରୁ ଗତକାଲି ମଧ୍ୟରାତ୍ରିରେ ବ୍ରିଟେନର ସଂସଦ ଭଙ୍ଗ କରିଦିଆଯାଇଛି । ଏହା ସହ ଜୁଲାଇ ୪ରେ ସାଧାରଣ ନିର୍ବାଚନ ପାଇଁ ୫ ସପ୍ତାହର ନିର୍ବାଚନୀ ପ୍ରକ୍ରିୟା ଆରମ୍ଭ ହୋଇଯାଇଛି । ଗତକାଲି ରାତି   ୧୨ଟା ୧ ମିନିଟରେ ସଂସଦର ସମସ୍ତ ୬୫୦ ଆସନ୍‌ ଖାଲି ହୋଇଛି । ଏହା ପରେ ଏହି ଆସନ ଲାଗି ନିର୍ବାଚନ ହେବ । ଏଥର ବ୍ରିଟନେ୍‌ରେ ସମୟ ପୂର୍ବରୁ ନିର୍ବାଚନ ଲାଗି ନିଷ୍ପତ୍ତି ନେଇଛନ୍ତି ପ୍ରଧାନମନ୍ତ୍ରୀ ଋ‌ଷି ସୁନକ । ସେପଟେ ବ୍ରିଟେନ୍‌ରେ କନଜର୍ଭେଟିଭ୍ ପାର୍ଟି ନେତା ଋଷି ସୁନକଙ୍କ ବିରୋଧୀ ହାଓ୍ବା ଜୋର ଧରିଥିବା ବେଳେ ଲେବର ପାର୍ଟି ସରକାର କରିପାରେ ବୋଲି ଚର୍ଚ୍ଚା ଲାଗିରହିଛି ।

୨୦୨୨ରେ ଶାସକ ଦଳ କନଜର୍ଭେଟିଭ୍ ପାର୍ଟି ନିର୍ବାଚନ ପୂର୍ବରୁ ପ୍ରଧାନମନ୍ତ୍ରୀଙ୍କ ନାମ ଘୋଷଣା କରିନଥିଲା । ନିର୍ବାଚନ ପରେ ଦଳର ସଂସଦୀୟ ବୋର୍ଡ ସୁନକଙ୍କୁ ନେତା ଭାବେ ନିର୍ବାଚିତ କରିଥିଲା । ଜାନୁଆରୀ ୨୦୨୫ରେ ସାଧାରଣ ନିର୍ବାଚନ ହେବାର ସମ୍ଭାବନା ଥିଲା । କିନ୍ତୁ ସୁନକ୍ ଏହାକୁ ୭ ମାସ ପୂର୍ବରୁ ଘୋଷଣା କରି ଚର୍ଚ୍ଚାକୁ ଆସିଛନ୍ତି । ଏଥର କିନ୍ତୁ ଋଷି ସୁନକଙ୍କ ପାଇଁ ବିଜୟର ରାସ୍ତା ସହଜ ହେବନି ।

ଋଷି ସୁନକ୍ ତାଙ୍କ ସରକାରର ଭଲ କାମ ବାବଦରେ କହିଆସୁଥିଲେ ମଧ୍ୟ ନିଜ ଦଳର ନେତାମାନଙ୍କ ବିରୋଧର ସମ୍ମୁଖୀନ ହେଉଛନ୍ତି । ଶାସକ କଞ୍ଜରଭେଟିଭ୍ ପାର୍ଟିର ଏକ ସୂତ୍ର ବିବିସିକୁ କହିଥିଲା ଯେ ଦଳର କିଛି ସାଂସଦ ଋଷି ସୁନକଙ୍କ ବିରୋଧରେ ଅବିଶ୍ୱାସ ଭୋଟ୍ ପାଇଁ ଆହ୍ୱାନ କରୁଛନ୍ତି । ଜଣେ ସାଂସଦ ଦଳର ବର୍ତ୍ତମାନର ବାତାବରଣକୁ ଆତଙ୍କିତ ବୋଲି କହିଛନ୍ତି । ନିର୍ବାଚନରେ କନଜର୍ଭେଟିଭ୍ ପାର୍ଟିରୁ ସୁନକ୍ ପ୍ରଧାନମନ୍ତ୍ରୀ ପ୍ରାର୍ଥୀ ହୋଇପାରନ୍ତି ।

ସେହିପରି ଲେବର ପାର୍ଟିର ନେତା ସାର୍ କିର ଷ୍ଟାରମର ପ୍ରଧାନମନ୍ତ୍ରୀ ପ୍ରାର୍ଥୀ ହୋଇପାରନ୍ତି । ଯିଏ ବ୍ରିଟେନରେ ଜଣେ ପ୍ରଭାବଶାଳୀ ନେତା । ଷ୍ଟାରମର ଏପ୍ରିଲ ୨୦୨୦ରୁ ଲେବର ପାର୍ଟିର ନେତା ଅଛନ୍ତି । ଅନେକ ଜନମତ ସର୍ବେକ୍ଷଣରେ ଲେବର ପାର୍ଟି ସୁନକଙ୍କ କନଜର୍ଭେଟିଭ୍ ପାର୍ଟି ଠାରୁ ବହୁତ ଆଗରେ ରହିଛି । ତେବେ ସମୟ ପୂର୍ବରୁ ନିର୍ବାଚନ କରାଇ ଋଷି ସୁନକ କେତେ ସଫଳ ହେବେ ତାହା ନିର୍ବାଚନ ଫଳାଫଳରୁ ଜଣାପଡ଼ିବ ।

  • Rishi Sunak
  • Britain
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.