ନୂଆଦିଲ୍ଲୀ, ୨୪/୩ :  ଲୋକସଭା ନିର୍ବାଚନ ଲାଗି ବହୁଜନ ସମାଜ ପାର୍ଟି(ବିଏସପି) ରବିବାର ୨୫ପ୍ରାର୍ଥୀଙ୍କ ସୂଚୀ ଜାରି କରିଛି । ବିଏସପି ରାଷ୍ଟ୍ରୀୟ ମହାସଚିବ ମୋବାଲାଲା ଗୌତମ ଏହି ଲିଷ୍ଟକୁ ଜାରି କରିଛନ୍ତି । ବସପା ରବିବାର ପୂର୍ବାହ୍ନରେ ୧୬ ଏବଂ ପରେ ସନ୍ଧ୍ୟାରେ ୯ ସିଟ ଲାଗି ପ୍ରାର୍ଥୀ ଘୋଷଣା କରିଛି ।

ବସପା ହାଥରସ ସିଟରୁ ହେମବାବୁ ଧନଗର, ମଥୁରା ସିଟରୁ କମଳାକାନ୍ତ ଉପମନ୍ୟୁ, ଆଗରାରୁ ପୂଜା ଅମରୋହୀ, ଫତେହପୁର ସିକରୀରୁ ରାମନିବାସ ଶର୍ମା, ଫିରୋଜାବାଦରୁ ସତ୍ୟେନ୍ଦ୍ର ଜୈନ ସୋଲୀ, ଇଟାବାରୁ ସରିକ ସିଂହ ବଘେଲ, କାନପୁରରୁ କୂଲଦୀପ ଭଦୋରିୟା, ଅକବରପୁରରୁ ରାଜେଶ କୁମାର ଦ୍ବିବେଦୀ ଏବଂ ଜାଲେନରୁ ସୁରେଶ ଚନ୍ଦ୍ର ଗୌତମଙ୍କୁ ପ୍ରାର୍ଥୀ କରାଯାଇଛି ।

ଏହାପୂର୍ବରୁ ଦିନରେ ବସପା ସହାରନପୁରରୁ ମଜିଦ ଅଲ୍ଲୀଙ୍କୁ ଟିକେଟ ଦେଇଥିଲେ । ସେହଭଳି ବସପା ତରଫରୁ ଅମରୋହା ସିଟରୁ ମୁଜାହିଦ ହୁସେନଙ୍କୁ ପାର୍ଟି ପ୍ରାର୍ଥୀ କରାଯାଇଛି । ପ୍ରକାଶ ଯେ କଂଗ୍ରେସ ଏହି ସିଟରେ ପୂର୍ବ ବସପା ନେତା ଦାନିଶ ଅଲୀଙ୍କୁ ମୈଦାନରେ ଓହ୍ଲାଇଥିଲେ ।