ଖଜୁରୀପଡା, ୧୫/୪ : କନ୍ଧମାଳ-ବୌଦ୍ଧ ସୀମାନ୍ତ ରାଣୀପଥର ଘାଟିରେ ସୋମବାର ସକାଳେ ମର୍ମନ୍ତୁଦ ଦୁର୍ଘଟଣା ଘଟିଛି। ଏକ ବସ୍ ଓ ଟ୍ରକ୍ ମୁହାଁମୁହିଁ ଧକ୍କା ହୋଇଛନ୍ତି। ଫଳରେ ବସ୍ ଡ୍ରାଇଭର୍ଙ୍କ ସମେତ ୫ ଜଣ ଗୁରୁତର ହୋଇଛନ୍ତି।
ସୂଚନାନୁଯାୟୀ, ଖମ୍ବେଶ୍ବରୀ ନାମକ ଏକ ଘରୋଇ ଯାତ୍ରୀବାହୀ ବସ୍ ଫୁଲବାଣୀରୁ ବୌଦ୍ଧ ଆଡକୁ ଯାଉଥିଲା। ଏହି ସମୟରେ ରାଣୀପଥର ଘାଟିର ଏକ ବୁଲାଣୀରେ ବିପରୀତ ଦିଗରୁ ଆସୁଥିବା ଏକ ଟ୍ରକ୍ ସହିତ ମୁହାଁମୁହିଁ ଧକ୍କା ହୋଇଥିଲା। ଫଳରେ ବସ୍ର ଡ୍ରାଇଭରଙ୍କ ସମେତ ପାଞ୍ଚ ଜଣ ଯାତ୍ରୀ ଗୁରୁତର ହୋଇଛନ୍ତି। ଆହତମାନଙ୍କୁ ନିକଟସ୍ଥ ଚାରିଛକ ସ୍ବାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇ ଚିକିତ୍ସା କରାଯାଉଛି। ଦୁର୍ଘଟଣା ଯୋଗୁଁ ଏହି ରାସ୍ତା ଦେଇ ଯାତାୟତ ବ୍ୟାହତ ହୋଇଛି।
