ମାଲକାନଗିରି,୨।୬ (ଆପ୍ର ):  ମାଲକାନଗିରି ଜିଲ୍ଲାର ବରିଷ୍ଠ କ୍ୟାମେରାମ୍ୟାନ ଭିକି ଶଗଡିଆଙ୍କ ଝୁଲନ୍ତା ମୃତଦେହ ଉଦ୍ଧାର ହୋଇଛି । ଜିଲ୍ଲା ସଦର ମହକୁମାର ଟାଗୋର ସୋସାଇଟି ନିକଟରେ ଥିବା ତାଙ୍କ ବାସ ଭବନ ମଧ୍ୟରୁ ତାଙ୍କର ଝୁଲନ୍ତା ମୃତଦେହ ଉଦ୍ଧାର ହୋଇଛି । 

ଭିକି ଦୀର୍ଘ ବର୍ଷ ଧରି କ୍ୟାମେରା ମ୍ୟାନ ଭାବେ କାର୍ଯ୍ୟ କରି ଆସୁଥିବା ବେଳେ ଗତ କିଛି ମାସ ହେଲା ସେ କୌଣସି ସଂସ୍ଥା ସହ ଜଡିତ ନଥିଲେ । ତେବେ ଗତ ୬ ମାସ ପୂର୍ବେ ତାଙ୍କ ପିତାଙ୍କ ଦେହାନ୍ତ ହେବା ପରେ ସେ ଏକପ୍ରକାର ଭାଙ୍ଗି ପଡିଥିବା ବେଳେ ମାନସିକ ଚାପରେ ରହୁଥିବା ସୂଚନା ମିଳିଛି । ଏହାରି ମଧ୍ୟରେ ଗତକାଲି ବିଳମ୍ବିତ ରାତିରେ ସେ ଘରକୁ ଆସିଥିବା ବେଳେ ଆଜି ଭୋରୁ ତାଙ୍କ  କୋଠରୀ ମଧ୍ୟରେ ଭିକିଙ୍କ ଝୁଲନ୍ତା ମୃତଦେହ ଦେଖିବାକୁ ମିଳିଥିଲା । ଇ ପରିବାର ଓ ସ୍ଥାନୀୟ ଲୋକେ ମାଲକାନଗିରି ଥାନା କୁ ଖବର ଦେଇଥିଲେ।  ପୋଲିସ ଘଟଣା ସ୍ଥଳରେ ପହଞ୍ଚି ଶବ ଜବତ କରିବା ସହ ବ୍ୟବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରିଛି।ଏବଂ ଘଟଣାର ପୁଲିସ ପକ୍ଷରୁ ତଦନ୍ତ ଜାରି ରହିଛି । 

ଅନ୍ୟପଟେ ଭିକି ବିବାହିତ ଥିବା ବେଳେ ତାଙ୍କର ପତ୍ନୀ ଓ ଦେଢ଼ ବର୍ଷର ଏକ ପୁତ୍ର ସନ୍ତାନ ମଧ୍ୟ ରହିଛି।କିନ୍ତୁ ମୃତ୍ୟୁ ବେଳକୁ ତାଙ୍କ ପତ୍ନୀ ଓ ପୁତ୍ର ଉଭୟ ନବରଙ୍ଗପୁର ବାପ ଘରେ ଥିବା ବେଳେ ଘରେ ତାଙ୍କର ମା’ ଓ ଭଉଣୀ ଥିଲେ। ତାଙ୍କ ମୃତ୍ୟୁକୁ ନେଇ ବିଭିନ୍ନ ସାମ୍ବାଦିକ ସଙ୍ଗଠନ ଓ ବୁଦ୍ଧିଜୀବୀ ମାନେ ଶୋକ ବ୍ୟକ୍ତ କରିଛନ୍ତି ।ସେ ମାନସିକ ଦୁଶ୍ଚିନ୍ତା ରେ ଗତ କିଛି ମାସ ହେଲା ଥିଲେ, ତେଣୁ ମାନଷିକ ଭାରସ୍ୟା ମ ହରାଇ ଗତ କାଲି ମଧ୍ୟ ରାତ୍ର ରେ ନିଜ ବେକରେ ଓଡ଼ନୀ ରେ ଫାଶୀ ଲଗାଇ ଆତ୍ମହତ୍ୟା କରିଥିବାର ସନ୍ଦେହ କରାଯାଉଛି।