ନୂଆଦିଲ୍ଲୀ, ୨୮/୯ :‌ ଚାମ୍ପିୟନ୍ସ ଟ୍ରଫି ୨୦୨୫ର ଆୟୋଜନ ପାକିସ୍ତାନରେ ହେବାକୁ ଅଛି । କିନ୍ତୁ ଏବେ ପର୍ଯ୍ୟନ୍ତ ଟୁର୍ଣ୍ଣାମେଣ୍ଟର ସିଡ୍ୟୁଲକୁ ମଞ୍ଜୁରୀ ମିଳି ନାହିଁ । ଆଇସିସିର ଅଧିକାରୀ ନିକଟରେ କରାଚୀ, ରାଓ୍ବଲପିଣ୍ଡି ଏବଂ ଲାହୋର ପଡ଼ିଆର ଯାଞ୍ଚ ନେବାକୁ ପହଞ୍ଚିଥିଲେ । ଏହାପରେ ବି ସିଡ୍ୟୁଲକୁ ମଞ୍ଜୁରୀ ନ ମିଳିବାରୁ ପିସିବି ଅଧିକାରୀଙ୍କ ଚିନ୍ତା ବଢିଯାଇଛି । ଏବେ ଏକ ଗଣମାଧ୍ୟମ ରିପୋର୍ଟରୁ ଜଣାପଡ଼ିଛି କି ପିସିବି ଆଇସିସିରୁ ସିଡ୍ୟୁଲର ଅନ୍ତିମ ମଞ୍ଜୁରୀ ଦେବାକୁ ଆଗ୍ରହ ପ୍ରକାଶ କରିଛି ।

ଦ ଟ୍ରିବ୍ୟୁନ ଅନୁସାରେ ପାକିସ୍ତାନ କ୍ରିକେଟ ବୋର୍ଡ଼ ପ୍ରସ୍ତାବିତ ସିଡ୍ୟୁଲ ଅନୁସାରେ ମ୍ୟାଚର ବୁକିଂ ଆରମ୍ଭ କରି ଦେଇଛି । ସିଡ୍ୟୁଲ ସେତେବେଳେ ପକ୍କା ହୋଇପାରିବ ଯେତେବେ‌ଳେ ଆଇସିସି ଏହାର ଔପଚାରିକ ଭା‌ବେ ସୂଚନା ଦେବ । କିଛି ରିପୋର୍ଟ୍ସ ଅନୁସାରେ ଆଇସିସି ଆଗାମୀ ମାସର ଶେଷରେ ଫାଇନାଲ ସିଡ୍ୟୁଲ ଉପରେ ମୋହର ଲଗାଇପାରେ । ଯାହା ପରେ ପ୍ରସ୍ତୁତିକୁ ଅନ୍ତିମ ରୂପ ଦିଆଯାଇପାରିବ । 

ଏହା ବି କୁହାଯାଇଛି କି ଟୁର୍ଣ୍ଣାମେଣ୍ଟରେ ଲଜିଷ୍ଟିକ୍ସ ସମ୍ବନ୍ଧରେ ଚର୍ଚ୍ଚା ଅକ୍ଟୋବରରେ ସମ୍ଭବ ହେବ । ମହିଳା ଟି-୨୦ ବିଶ୍ବକପ ୨୦୨୪ର ଫାଇନାଲ ମ୍ୟାଚ୍ ସମୟରେ ବିସିସିଆଇ ସଚିବ ଜୟ ଶାହ ଏବଂ ପିସିବିର ଚେୟାରମ୍ୟାନ ମହସିନ ନକବୀଙ୍କ ଭେଟଘାଟକୁ ନେଇ ଅନୁମାନ କରାଯାଉଛି । କାରଣ ଭାରତ ଏବେ ପର୍ଯ୍ୟନ୍ତ କେତେକ ସ୍ପଷ୍ଟ ଉତ୍ତର ଦେଇ ନାହିଁ କି ସେ ଚାମ୍ପିୟନ୍ସ ଟ୍ରଫି ଖେଳିବାକୁ ପାକିସ୍ତାନ ଯିବ କି ନାହିଁ । ଏଭଳି ସ୍ଥଳେ ବୁଝାପଡ଼ୁଛି କି ଆଇସିସି ସିଡ୍ୟୁଲକୁ ମଞ୍ଜୁରୀ ଦେବାକୁ କାହିଁକି ବିଳମ୍ବ କରୁଛି ।