ନୂଆଦିଲ୍ଲୀ,୧୭।୯:  ସୁପ୍ରିମକୋର୍ଟ ମଙ୍ଗଳବାର କୋଲକାତା ଆରଜି କର ହସ୍ପିଟାଲରେ ଟ୍ରେନି ଡାକ୍ତରଙ୍କୁ ଦୁଷ୍କର୍ମ ଓ ହତ୍ୟା ମାମଲାର ଶୁଣାଣି କରିଛନ୍ତି। ଦେଶର ପ୍ରଧାନ ବିଚାରପତି(ସିଜେଆଇ) ଡିଓ୍ବାଇ ଚନ୍ଦ୍ରଚୂଡ ଜଣେ ବରିଷ୍ଠ ଓକିଲଙ୍କ ସେହି ଦଲିଲକୁ ଖାରଜ କରିଛନ୍ତି, ଯେଉଁଥିରେ ସେ ମମତା ବାନାର୍ଜୀଙ୍କୁ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ପଦରୁ ହଟାଇବା ପାଇଁ ଦାବି କରିଥିଲେ। ଏହି ପ୍ରସଙ୍ଗ ଉପରେ ଶୁଣାଣି ବେଳେ କୋର୍ଟରେ ବିତର୍କ ଦେଖିବାକୁ ମିଳିଥିଲା। ଏପରିକି ବରିଷ୍ଠ ଆଇନଜୀବିଙ୍କ ଉପରେ ସିଜେଆଇ ରାଗିଯାଇ କହିଥିଲେ,ପ୍ରଥମେ ମୋ କଥା ଶୁଣନ୍ତୁ... ନଚେତ କୋର୍ଟରୁ ବାହାର କରିଦେବି।’

ସୁପ୍ରିମକୋର୍ଟରେ ଏହି ମାମଲାର ଶୁଣାଣି ବେଳେ କୋର୍ଟ ଆଜି ଦିନର ଶୁଣାଣି ଶେଷ କରିବାକୁ ଯାଉଥିଲେ। ଜଣେ ବରିଷ୍ଠ ଆଇନଜୀବି ମମତାଙ୍କୁ ଇସ୍ତଫା ଦେବାକୁ କୋର୍ଟଙ୍କୁ ନିର୍ଦେଶ ଦିଅନ୍ତୁ ବୋଲି ଦାବି କରିଥିଲେ। ଏହା ସହ ଯେ, ଏକ ଅନ୍ତରୀଣ ଆବେଦନ ଦାଖଲ କରିବାକୁ ଚେଷ୍ଟା କରିଥିଲେ। ଏହି ଆବେଦନ ଉପରେ ସିଜେଆଇ ଦେବାକୁ ଦାବି କରିଥି‌ଲେ। ଏହା ଉପରେ ସିଜଆେଇ ଚନ୍ଦ୍ରଚୂଡ ଅସନ୍ତୋଷ ପ୍ରକାଶ କରିବା ସହ କହିଥିଲେ, ଗୋଟେ ସେକେଣ୍ଡ, ଆପଣ କାହା ପାଇଁ ଲଢୁଛନ୍ତି ? ଏହା କୌଣସି ରାଜନୈତିକ ମଞ୍ଚ ନୁହେଁ। ଆପଣ ବାର୍‌ର ସଦସ୍ୟ। ଭଲ ଭାବରେ ଶୁଣି ରଖନ୍ତୁ, ଯାହା କହୁଛନ୍ତି ତାହା ଆଇନଗତ ଅନୁଶାସନ ନିୟମ ଅନୁସାରେ ହେବା ଦରକା। ଆମେ ଏଠାରେ ରାଜନୈତିକ ନେତାଙ୍କ ବିଷୟରେ ଶୁଣିବାକୁ ନାହୁଁ।’

ସିଜେଆଇ କହିଥିଲେ କୋର୍ଟର ଧ୍ୟାନ କୋଲକାତାରେ ପ୍ରଦର୍ଶନରତ ଜୁନିଅର ଡାକ୍ତରଙ୍କ ସମସ୍ୟା ଉପରେ ରହିଛି। ଯଦି ଆପଣ ମୋତେ ମୁଖ୍ୟମନ୍ତ୍ରୀଙ୍କ ଇସ୍ତଫା ଦେବାକୁ କହୁଛନ୍ତି... ତେବେ ଏହା ଆମର ଅଧିକାର କ୍ଷେତ୍ରର ଅଂଶ ନୁହେଁ।’ ଚେତାବନୀ ଦେବା ଅନ୍ଦାଜରେ ସିଜେଆଇ କହିଥିଲେ, ପ୍ରଥମେ ମୋ କଥା ଶୁଣନ୍ତୁ, ନଚେତ ମୁଁ ଆପଣଙ୍କୁ କୋର୍ଟରୁ ବାହାର କରିଦେବି।’ ଉଲ୍ଲେଖନୀୟ ଯେ, ପଶ୍ଚିମବଙ୍ଗ ଜୁନିଅର ଡାକ୍ତରଙ୍କ ଫୋରମ୍ ଏହା ସ୍ପଷ୍ଟ କରିଛି ଯେ, ସେ ମୁଖ୍ୟମନ୍ତ୍ରୀଙ୍କ ଇସ୍ତଫା ମାଗୁ ନାହାନ୍ତି, ବଂର ନିଜର ୫ଟି ଦାବିକୁ ଲାଗୁ କରିବାକୁ ଦାବି କରୁଛ୍ତି। ସୁପ୍ରିମକୋର୍ଯ ଏହି ମାମଲାର ତଦନ୍ତ ଓ ଅପଡେଟ୍ ଉପରେ ଚର୍ଚ୍ଚା କରିଛନ୍ତି। ଏହାସହ ସିବିଆଇ ୨୪ ସେପ୍ଟେମ୍ବର ସୁଦ୍ଧା ତାଜା ସ୍ଥିତି ନେଇ ରିପୋର୍ଟ ଦେବାକୁ ନିର୍ଦେଶ ଦେଇଛନ୍ତି।