ନୂଆଦିଲ୍ଲୀ,୩୧/୮:  ବିବାହ ଭୋଜିରେ ମଟନ ତରକାରୀକୁ ନେଇ ଗୋଷ୍ଠୀ ସଂଘର୍ଷ । ଫଳରେ ଏଥିରେ ଅନେକ ଲୋକ ଆହତ ହୋଇଛନ୍ତି।  ତେବେ ଏହି ଘଟଣାକୁ ନେଇ ପୋଲିସ ଜଣେ ମହିଳାଙ୍କ ସମେତ ୧୯ ଜଣଙ୍କ ବିରୋଧରେ ଏକ ମାମଲା ରୁଜୁ । ତେବେ ତେଲେଙ୍ଗାନାର ନିଜାମାବାଦର ନବୀପେଟରୁ ଏହି ଘଟଣା ସାମ୍ନାକୁ ଆସିଛି। 

ସୂଚନା ମୁତାବକ, ଗତ ବୁଧବାର ଦିନ ନବୀପେଟ ଗାଁର କନ୍ୟା ଓ ନନ୍ଦିପେଟ ଗାଁର ପୁଅ ସହ ବିବାହ ଥିଲା । ଉଭୟ ପରିବାର ଖର୍ଚ୍ଚ ବାଣ୍ଟି ଭୋଜିର ବ୍ୟବସ୍ଥା କରିଥିଲେ। ହେଲେ ମଟନ୍ ପରଷା କରାଯିବା ସମୟରେ କିଛି ସମ୍ପର୍କୀୟ ଭେଦଭାବ ଅଭିଯୋଗ କରିଥିଲେ। ଅତିଥିମାନଙ୍କ ଇଚ୍ଛା ଅନୁଯାୟୀ କ୍ୟାଟରିଂ କର୍ମଚାରୀମାନେ ମଟନ୍ ଦେବାକୁ  ମନା କରିଦେଇଥିଲେ। ଫଳରେ ଗୋଷ୍ଠୀ ସଂଘର୍ଷ ଦେଖାଦେଇଥିଲା । କୁହାଯାଉଛି ଯେ, ଜଣେ ବ୍ୟକ୍ତି ଖାଦ୍ୟ ସାମଗ୍ରୀରେ ସହିତ ବାସନ ଧରି  କ୍ୟାଟରିଂ କର୍ମଚାରୀଙ୍କ ଉପରେ ଆକ୍ରମଣ କରିଥିଲେ। ଏହାପରେ ଦୁଇ ଗୋଷ୍ଠୀ ମଧ୍ୟରେ ମାରପିଟ ଆରମ୍ଭ ହୋଇଥିଲା । ଏପରିକି ପଥର ଫିଙ୍ଗାଫିଙ୍ଗି ମଧ୍ୟ ହୋଇଥିଲେ । ଫଳରେ ଅନେକ ଲୋକ ଆହତ ହୋଇଥିବା ବେଳେ ସମସ୍ୟ ଆହତଙ୍କୁ ନିକଟସ୍ଥ  ନାଭିପେଟ ପ୍ରାଥମିକ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରାଯାଇଥିଲା . ତେବେ ଏହି ଘଟଣାକୁ ନେଇ ଅଭିଯୋଗ ପରେ ପୋଲିସ ଘଟଣାସ୍ଥଳକୁ ଯାଇ ସମାଧାନ କରିଛି । ତେବେ ଏନେଇ  ନାଭିପେଟ ସବ୍-ଇନ୍ସପେକ୍ଟର କେ ଭିନା କହିଛନ୍ତି ଯେ, ସେମାନେ ୧୯ଜଣଙ୍କ ବିରୋଧରେ ମାମଲା ରୁଜୁ କରିଛନ୍ତି। ଏଥିସହ  ଅନ୍ୟ ଅଭିଯୁକ୍ତଙ୍କୁ ଚିହ୍ନଟ କରୁଛୁ ଏବଂ ଏପର୍ଯ୍ୟନ୍ତ କାହାରିକୁ ଗିରଫ କରାଯାଇ ନାହିଁ।