ଭୁବନେଶ୍ବର,୨୪।୪ : ଦିଗପହଣ୍ଡିରେ ବଦଳିଲେ କଂଗ୍ରେସ ପ୍ରାର୍ଥୀ । ସାକା ସୁଜିତ କୁମାର ହେଲେ ଦିଗପହଣ୍ଡି ବିଧାନସଭା ଆସନରୁ କଂଗ୍ରେସ ପ୍ରାର୍ଥୀ। ଏକ୍ସ ଜରିଆରେ ପିସିସି ପକ୍ଷରୁ ଏ ନେଇ ସୂଚନା ଦିଆଯାଇଛି। ପୂର୍ବରୁ ଶ୍ରୀଧର ଦେବଙ୍କୁ କଂଗ୍ରେସ ଦିଗପହଣ୍ଡିରୁ ପ୍ରାର୍ଥୀ କରିଥିଲା।
ସୂଚନାଯୋଗ୍ୟ ଯେ ଦିଗପହଣ୍ଡି ବିଧାନସଭା ଆସନରୁ ବିଜେଡିରୁ ବିପ୍ଲବ ପାତ୍ର ଓ ବିଜେପିରୁ ପୂର୍ବତନ ସାଂସଦ ତଥା ଅଭିନେତା ସିଦ୍ଧାନ୍ତ ମହାପାତ୍ର ପ୍ରାର୍ଥୀ ହୋଇଛନ୍ତି। ବିପ୍ଲବ ହେଉଛନ୍ତି ବରିଷ୍ଠ ନେତା ସ୍ବର୍ଗତ ସୂର୍ଯ୍ୟ ପାତ୍ରଙ୍କ ପୁଅ। ସେ ପ୍ରଥମ ଥର ପାଇଁ ନିର୍ବାଚନ ମଇଦାନକୁ ଓହ୍ଲାଇଛନ୍ତି। ସେହିପରି ସିଦ୍ଧାନ୍ତ ୨ ଥର ବ୍ରହ୍ମପୁର ସାଂସଦ ହୋଇଥିବା ବେଳେ ଚଳିତ ନିର୍ବାଚନରେ ବିଧାୟକ ପ୍ରାର୍ଥୀ ଭାବେ ନିର୍ବାଚନ ଲଢୁଛନ୍ତି।