ପ୍ରମୂଖ ଖବର
  • କେନ୍ଦୁଝର : ଚୋରା କାଠ ଚାଲାଣ ବେଳେ ମାଡ଼ି ବସିଲା ବନ ବିଭାଗ, ୭ ଟ୍ରିପରୁ ଉର୍ଦ୍ଧ୍ଵ କାଠ ଜବତ
  • ||
  • ଯାଜପୁର : ଶୌଚ ହେବାକୁ ଯାଇ କେନାଲରେ ଭାସିଗଲେ ନାବାଳକ
  • ||
  • ଭୁବନେଶ୍ଵର : ୨୭ରେ ବସିବ ନୀତି ଆୟୋଗ ବୈଠକ, ଯୋଗଦେବେ ମୁଖ୍ୟମନ୍ତ୍ରୀ
  • ||

ବିଧାନସଭା ନିର୍ବାଚନ ପରେ ରାହୁଲ ପୁଣି ଆରମ୍ଭ କରିବେ ‘ଭାରତ ଯୋଡୋ’ ଯାତ୍ରା

ଭୋପାଳ,୭।୧୧: ମଧ୍ୟ ପ୍ରଦେଶ, ଛତିଶଗଡ, ରାଜସ୍ତାନ, ତେଲେଙ୍ଗାନା ଓ ମିଜୋରାମ୍‌ରେ ବିଧାନସଭା ନିର୍ବାଚନ ପାଇଁ କଂଗ୍ରେସ ନିଜର ସବୁ ଦମ୍ ଲଗାଇ ଦେଇଛି। ତା ପରେ ଆଗକୁ ଆସୁଛି ୨୦୨୪ ଲୋକସଭା ନିର୍ବାଚନ। ଜିତିବା ପାଇଁ କଂଗ୍ରେସ ଜୋରଦାର ଚେଷ୍ଟା କରୁଛି। କଂଗ୍ରେସ ନେତା ରାହୁଲ ଗାନ୍ଧି ଏଥିପାଇଁ ‘ଭାରତ ଯୋଡୋ ଯାତ୍ରା’ ଆରମ୍ଭ କରିଥିଲେ ଓ ଏହାର ଲାଭ କର୍ଣ୍ଣାଟକ ନିର୍ବାଚନରେ ଦଳକୁ ମିଳିଛି। ଏବେ ଖବର ରହିଛି ଯେ,ରାହୁଲ ଭାରତ ଯୋଡୋ ଯାତ୍ରାର ଦ୍ବିତୀୟ ପର୍ଯ୍ୟାୟ ଯାତ୍ରା ଖୁବ୍ ଶୀଘ୍ର ଆରମ୍ଭ କରିଦେଇଛନ୍ତି।

କଂଗ୍ରେସ ସୁତ୍ରରୁ ମିଳିଥିବା ସୂଚନା ଅନୁସାରେ, ବିଧାନସଭା ନିର୍ବାଚନ ପରେ ରାହୁଲ ନିଜର ଭାରତ ଯୋଡୋ ଯାତ୍ରାର ଦ୍ବିତୀୟ ପର୍ଯ୍ୟାୟ ଯାତ୍ରା କରିପାରନ୍ତି। ସୁତ୍ରରୁ ମିଳିଥିବା ସୂଚନା ଅନୁସାରେ, ଡିସେମ୍ବରରୁ ଫେବୃଆରୀ ଭିତରେ ଭାରତ ଯୋଡୋ ଯାତ୍ରାର ଦ୍ବିତୀୟ ପର୍ଯ୍ୟାୟ ଆୟୋଜିତ କରାଯାଇପାରେ।

ସେଭଳି ଏହା ପୂର୍ବରୁ ମଧ୍ୟ ପ୍ରଦେଶରେ ବିଧାନସଭା ନିର୍ବାଚନକୁ ଦେଖି ୧୩ ନଭେମ୍ବରରେ ଭୋପାଳରେ ରାହୁଲ ଗାନ୍ଧି ପଦଯାତ୍ରା କରିବେ। ବର୍ତ୍ତମାନ ରାହୁଲ ଗାନ୍ଧି ତିନି ଦିନିଆ ଗସ୍ତରେ ଉତ୍ତରାଖଣ୍ଡରେ ଅଛନ୍ତି, ଯେଉଁଠି ସେ ବାବା କେଦାରନାଥଙ୍କ ଦର୍ଶନ କରିଛନ୍ତି। ବିଧାନସଭା ନିର୍ବାଚନ ପ୍ରଚାରକୁ ନେଇ ରାହୁଲ ଗାନ୍ଧିଙ୍କ ଆଗାମୀ କାର୍ଯ୍ୟକ୍ରମର ଯଦି କଥା ହେବା ତବେ ବୁଧବାର ସେ ଛତିଶଗଡର ଅମ୍ବିକାପୁରରେ ଥିବେ। ଏହାପରେ ୯ ନଭେମ୍ବରରେ ମଧ୍ୟ ପ୍ରଦେଶର ଜବଲପୁର, ୧୦ରେ ସତନା ଓ ୧୩ ରେ ଭୋପାଳରେ କାର୍ଯ୍ୟକ୍ରମ ରହିଛି। 

ଏହା ପୂର୍ବରୁ ରାହୁଲ ଭାରତ ଯୋଡୋ ଯାତ୍ରାର ଆରମ୍ଭ ୭ ସେପ୍ଟେମ୍ବର ୨୦୨୨ ରେ କନ୍ୟାକୁମାରୀରୁ କରିଥିଲେ ଓ ୩୦ ଜାନୁଆରୀ ୨୦୨୩ରେ ଜମ୍ମୁ-କଶ୍ମୀରରୁ ଏହାକୁ ଶେଷ କରିଥିଲେ। ସେଭଳି ଭାରତ ଯୋଡୋ ଯାତ୍ରା ୨.୦ର ଆରମ୍ଭ ଚଳିତ ବର୍ଷ ଡିସେମ୍ବରରୁ ହୋଇପାରେ, ଯାହାକି ଆସନ୍ତା ବର୍ଷ ଫେବୃଆରୀ ପର୍ଯ୍ୟନ୍ତ ଚାଲିବ। କୁହାଯାଉଛି ଯେ, ଏହି ଯାତ୍ରା ଗତ ଯାତ୍ରାଠାରୁ ଅଲଗା ହେବ। ଗତ ଥର ରାହୁଲ ପଦଯାତ୍ରା କରିଥିଲେ, ସେଭଳି ଏଥର କେଉଁଠି ପଦଯାତ୍ରା ତ ଆଉ କେଉଁଠି ଗାଡିରେ ଏହି ଯାତ୍ରା ଶେଷ କରିବେ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.