ନୂଆଦିଲ୍ଲୀ,୧୩।୪: କର୍ଣ୍ଣାଟକର କଲବୁର୍ଗୀରେ ଶୁକ୍ରବାର କଂଗ୍ରେସ ପାର୍ଟିର ରାଷ୍ଟ୍ରୀୟ ଅଧ୍ୟକ୍ଷ ମଲ୍ଲିକାର୍ଜୁନ ଖଡଗେଙ୍କ ରାଲି ଆୟୋଜିତ କରାଯାଇଥିଲା। ରାଲି ବେଳେ ଜଣେ କଂଗ୍ରେସ ବିଧାୟକ ‘ଭାରତ ମାତା କୀ ଜୟ’ ସ୍ଲୋଗାନ ଦେବା ପାଇଁ ଖଡଗେଙ୍କ ଅନୁମତି ମାଗିଥିଲେ। ଏହି ଘଟଣା ପରେ ରାଜନୈତିକ ବିବାଦ ସୃଷ୍ଟି ହୋଇଛି। ଭିଡିଓ ସୋସିଆଲ ମିଡିଆରେ ଭାଇରାଲ ହେବାପରେ ବିଜେପି ବିଳମ୍ବ ନକରି କଂଗ୍ରେସ ଉପରେ ଆକ୍ରମଣ କରିଛି।
କାର୍ଯ୍ୟକ୍ରମ ସମୟରେ ଅଥାନିର କଂଗ୍ରେସ ବିଧାୟକ ଲକ୍ଷ୍ମଣ ସାଭଦି ଲୋକଙ୍କୁ ସମ୍ବୋଧିତ କରି କହିଛନ୍ତି, ମୋତେ ଆଶା ରହିଛି ଖଡଗେ ସାହାବ ଏହି ଭୁଲ ବୁଝିବେନି। ମୁଁ ‘ଭାରତ ମାତା କୀ ଜୟ’କହିବି ଓ ଆପଣ ସବୁ ମଧ୍ୟ ମୋ ପଛରେ ଏହାକୁ ଦୋହରାଇବେ।’
କର୍ଣ୍ଣାଟକ ବିଜେପି ଅଧ୍ୟକ୍ଷ ବିଓ୍ବାଇ ବିଜୟେନ୍ଦ୍ର ଏହି ଘଟଣା ଉପରେ ନିରାଶ ବ୍ୟକ୍ତ କରିଛନ୍ତି। ସେ ଏହି ଘଟଣାକୁ କଂଗ୍ରେସ ଭିତରେ ସାଂସ୍କୃତିକ ବିଭାଜନ ବୋଲି କହିଛନ୍ତି। ସେ ଏହା ମଧ୍ୟ ଅଭିଯୋଗ କରିଛନ୍ତି ଯେ, ଦେଶଭକ୍ତି ବ୍ୟକ୍ତ କରିବା ଓ ଭାରତ ମାତାଙ୍କ ପ୍ରଶଂସା କରିବାକୁ କଂଗ୍ରେସ ଭିତରେ ଅପରାଧବୋଧ ଓ ସ୍ପଷ୍ଟୀକରଣର ସାମନା କରିବାକୁ ପଡୁଛି। ବିଜେପିର ରାଷ୍ଟ୍ରବାଦୀ ଆଦର୍ଶ ପ୍ରତି ଅତୁଟ ବିଶ୍ବାସ ରହିଛି।’