ଆନନ୍ଦପୁର, ୦୩/୦୮ : କଣ୍ଟେନର ଯୋଗେ ବେଆଇନ ଗୋଚାଲାଣ ବେଳେ ମାଡ଼ି ବସିଲା ସ୍ପେଶାଲ୍ ସ୍କ୍ଵାଡ। କେନ୍ଦୁଝର ଏସପିଙ୍କ ନିର୍ଦ୍ଦେଶକ୍ରମେ ସ୍ପେସାଲ ସ୍କ୍ୱାଡ ପାଟ୍ରୋଲିଂ କରି ୨୦ନଂ ଜାତୀୟ ରାଜପଥର ଶୈଲଙ୍ଗ ନିକଟରୁ କଣ୍ଟେନରକୁ ଜବତ କରିଛି। ଏହା ସହ ଡ୍ରାଇଭର ଓ ହେଲପରଙ୍କୁ ଗିରଫ କରାଯାଇଛି। ତେବେ ଅନ୍ୟ ଜଣେ ଘଟଣାସ୍ଥଳରୁ ଫେରାର୍ ହେବାରେ ସକ୍ଷମ ହୋଇଛି। ଜବତ କଣ୍ଟେନରରୁ ୬୦ରୁ ଉର୍ଦ୍ଧ୍ୱ ଗୋରୁ ଥିବା ଜଣାପଡ଼ିଛି। 

ସୂଚନାନୁଯାୟୀ, ଢେଙ୍କାନାଳରୁ ଗୋରୁ ବୋଝେଇ କରି ମୟୁରଭଞ୍ଜ ଜିଲ୍ଲାର କୈଣସି ଏକ ସ୍ଥାନକୁ ଚାଲାଣ ହେଉଥିବା ପ୍ରାଥମିକ ତଦନ୍ତରୁ ଜଣାପଡ଼ିଛି। ତେବେ କଣ୍ଟେନରକୁ ଜବତ କରିବାର ବହୁତ ସମୟ ପର୍ଯ୍ୟନ୍ତ ଗୋମାତାଙ୍କୁ ଉଦ୍ଧାର କରାଯାଇନଥିବା ବେଳେ ଗୋମାତା ସେହି କଣ୍ଟେନର ଭିତରେ ଛଟପଟ ହେଉଥିବା ଦେଖିବାକୁ ମିଳିଛି। ଅନ୍ୟପଟେ ଅଟକ ଡ୍ରାଇଭରଙ୍କୁ ପଚାରାଉଚୁରା କରାଯାଉଥିବା ପୋଲିସ୍ ପକ୍ଷରୁ ସୂଚନା ମିଳିଛି।