ଖନ୍ତାପଡ଼ା, ୧୨/୦୯ : ବେଆଇନ ଗୋଚାଲାଣ ବେଳେ ମାଡ଼ି ବସିଲା ପୋଲିସ। ବିଶେଷ ସୂତ୍ରରୁ ଖବର ପାଇ ଶେରଗଡ଼ ଟୋଲ ଗେଟ୍ ନିକଟରେ ଖନ୍ତାପଡ଼ା ପୋଲିସ ଜଗି ବସିଥିଲା। ଏହି ସମୟରେ OR 01 N 1001 ନଂ ବିଶିଷ୍ଟ ଏକ ଇନୋଭା କାର ଏବଂ OR 02 AN 3238 ନଂ ବିଶିଷ୍ଟ ମିନି ବସ୍‌କୁ ସନ୍ଦେହ କରି ଗୋଡାଇଥିଲା। ଶେରଗଡ଼ ୟୁକୋ ବ୍ୟାଙ୍କ ନିକଟରେ ମିନି ବସ୍ ଏବଂ ଇନୋଭା କାର୍‌ଟିକୁ ଅଟକାଇ ଥିଲା। ଉଭୟ ଗାଡି ଭିତରୁ ନୃଶଂସ ଭାବରେ ଚାଲାଣ ହେଉଥିବା ଗୋ ବଂଶକୁ ଉଦ୍ଧାର କରାଯାଇଥିଲା।

ଏହି ଗୋରୁମାନଙ୍କୁ ରେମୁଣା ସ୍ଥିତ ମା ଭାରତୀ ଗୋଶାଳାକୁ ନିଆଯାଇଛି। ତେବେ ଉଭୟ ଗାଡିର ଡ୍ରାଇଭର ଫେରାର ହୋଇଯାଇଛନ୍ତି । ବସ୍ ଭିତରୁ ୨୫ଟି ଗୋରୁ ଉଦ୍ଧାର ହୋଇଥିବାବେଳେ ଇନୋଭାରୁ ୬ଟି ଗୋରୁ ଉଦ୍ଧାର ହୋଇଥିବା ଜଣାପଡିଛି।