ପ୍ରମୂଖ ଖବର
  • ପୁରୀ: ନବଦିନାତ୍ମକ ଯାତ୍ରା ସାରି ବାହୁଡିବେ ନୀଳାଦ୍ରିନାଥ, ବାହୁଡ଼ାଦିଅଁଙ୍କ ପହଣ୍ଡି ବିଜେ
  • ||
  • ସୁନ୍ଦରଗଡ଼: ପ୍ରେମ କଳିକୁ ନେଇ ଡବଲ ମର୍ଡର, ପ୍ରେମିକା ଓ ତାର ସହପାଠୀକୁ ଛୁରୀ ଭୁସି ହତ୍ୟା କଲା ଡ୍ରାଇଭର୍ ପ୍ରେମିକ
  • ||
  • ଭୁବନେଶ୍ୱର: କଳାଭୂମି ନିକଟରେ ବୃଦ୍ଧଙ୍କ ଉପରେ ମାଡିଗଲା ବାଲି ବୋଝେଇ ଟ୍ରକ୍‌, ଘଟଣାସ୍ଥଳରେ ଚାଲିଗଲା ଜୀବନ
  • ||
  • ୱିମ୍ବଲଡନ ଟାଇଟଲ ଲଢ଼େଇ: ଭେଟେରାନ ଜୋକୋଭିକଙ୍କୁ ହରାଇ କାର୍ଲୋସ ଅଲକାରାଜ ଚାମ୍ପିଅନ୍
  • ||
  • ସୋମବାରଠୁ ସିବିଏସ୍‌ଇ ସପ୍ଲିମେଣ୍ଟାରୀ ପରୀକ୍ଷା, ଉଭୟ ଦଶମ ଓ ଦ୍ୱାଦଶ ଛାତ୍ରଛାତ୍ରୀ ଦେବେ ଏକ୍ସଜାମ୍
  • ||
  • ବଙ୍ଗୋପସାଗରରେ ସୃଷ୍ଟି ହେଲା ଘୂର୍ଣ୍ଣିବଳୟ: ଆଜି ଦକ୍ଷିଣ- ଉତ୍ତର ଓଡ଼ିଶାରେ ପ୍ରବଳ ବର୍ଷା ସମ୍ଭାବନା
  • ||
  • ଜନ୍ମବେଦିରୁ ଶ୍ରୀମନ୍ଦିରକୁ ବାହୁଡିବେ ଚତୁର୍ଦ୍ଧାମୂର୍ତ୍ତି: ୧୨ଟାରେ ପହଣ୍ଡି, ୪ଟାରେ ରଥ ଟଣା
  • ||

ଦାରିଙ୍ଗବାଡ଼ି ହେବ ଚେରି ବ୍ଲସମ୍‌ ସ୍ପଟ୍‌, ମେଘାଳୟରୁ ଆସିବ ୧ ହଜାର ଚାରା

ଭୁବନେଶ୍ୱର, ୦୬/୦୭: ଜାପାନ ଭଳି ଓଡ଼ିଶାରେ ବି ଚେରି ବ୍ଲସମ୍‌ ଉଦ୍ୟାନ ଦେଖିବାକୁ ମିଳିବ । ଏହାର ଆକର୍ଷଣୀୟ ସୌନ୍ଦର୍ଯ୍ୟ ସମସ୍ତଙ୍କୁ ମତୁଆଲା କରିବ । ମେଘାଳୟରୁ ଏକ ହଜାର ଗଛ ଆଣି ପରୀକ୍ଷାମୂଳକ ଭାବେ ଦାରିଙ୍ଗବାଡ଼ିରେ ଲଗାଯିବ । ଏହା ସଫଳ ହେଲେ ସେଠାରେ ଏକ ବିରାଟ ପାର୍କ ତିଆରି ହେବ । ଏହା ପର୍ଯ୍ୟଟନ ସ୍ଥଳୀ ପାଲଟିବ । ଏମିତି ଯୋଜନା କରିଛି ଜଙ୍ଗଲ ଓ ପରିବେଶ ବିଭାଗ । ଚେରି ବ୍ଲସମ୍‌ ଗଛ ସାଧାରଣତଃ ଥଣ୍ଡା ଜଳବାୟୁ ଅଞ୍ଚଳରେ ଦେଖିବାକୁ ମିଳିଥାଏ। 

ଜାପାନରେ ପ୍ରତିବର୍ଷ ଚେରି ବ୍ଲସମ୍‌ ଫେଷ୍ଟିଭାଲ ପାଳନ କରାଯାଏ । ଏହାକୁ ଦେଖିବାକୁ ବିଭିନ୍ନ ଦେଶରୁ ପର୍ଯ୍ୟଟକମାନେ ଆସିଥାନ୍ତି । ଏହି ଫୁଲ ବର୍ଷକୁ ଥରେ ଫୁଟେ । ଏହି ଫୁଲ ଫୁଟିବା ସମୟରେ ଗଛରେ ଗୋଟିଏ ବି ପତ୍ର ଦେଖିବାକୁ ମିଳେ ନାହିଁ । ଏହା ଲୋକଙ୍କ ମଧ୍ୟରେ ଏକ ସକାରାତ୍ମକ ଭାବନା ସୃଷ୍ଟି କରିଥାଏ । ଏହାର ଶାନ୍ତ ବାତାବରଣ ଲୋକଙ୍କୁ ଆନନ୍ଦ ଦେଇଥାଏ । ଯାହାକୁ ଦେଖିବାକୁ ଲୋକଙ୍କର ଭିଡ଼ ଜମିଥାଏ । ପର୍ଯ୍ୟଟକ ଆସିବା ଯୋଗୁଁ ସ୍ଥାନୀୟ ଅଞ୍ଚଳର ସାମାଜିକ ଓ ଅର୍ଥନୈତିକ ଅଭିବୃଦ୍ଧି ଘଟିଥାଏ । 

ଏବେ ଆଉ ଚେରି ବ୍ଲସମ୍‌ ଫୁଲ ଦେଖିବାକୁ ଜାପାନ ନୁହେଁ, ଦାରିଙ୍ଗବାଡ଼ିକୁ ପର୍ଯ୍ୟଟକମାନେ ଆସିବେ । ଦାରିଙ୍ଗବାଡ଼ି ଓଡ଼ିଶାର ସବୁଠୁ ଥଣ୍ଡା ଅଞ୍ଚଳ ହୋଇଥିବାରୁ ଏଠାକାର ଜଙ୍ଗଲ ଓ ପରିବେଶ ଏହି ଚେରି ବ୍ଲସମ୍‌ ଗଛ ବୃଦ୍ଧିରେ ସହାୟକ ହେବ । ଚଳିତ ବର୍ଷ ଏହି ଗଛ ରୋପଣ କରାଯିବ । ଏଥିପାଇଁ ମେଘାଳୟରୁ ୧ ହଜାର ଗଛ ଅଣାଯାଇଛି । ଦାରିଙ୍ଗବାଡ଼ିର ଇକୋ-ଟୁରିଜିମ୍‌ ସେଣ୍ଟର ପାଖରେ ଏହାକୁ ପରୀକ୍ଷାମୂଳକ ଭାବେ ରୋପଣ କରାଯିବ । ପରିବେଶ ଅନୁକୂଳ ହୋଇ ଏହି ଗଛ ସଫଳ ହେଲେ ଆଗାମୀ ଦିନରେ ଦାରିଙ୍ଗବାଡ଼ିର ଯିବା ବାଟରେ ଲଗାଯିବ । ଗଛ ଲାଗିବାର ୭ ବର୍ଷ ମଧ୍ୟରେ ଫୁଲ ଫୁଟିବ । ଏହା ସଫଳ ହେଲେ ଚେରି ବ୍ଲସମ୍‌ ଫେଷ୍ଟିଭାଲ କରାଯିବ । ପର୍ଯ୍ୟଟନସ୍ଥଳୀ ଭାବେ ସୁଦୃଢ଼ ହେବ । ସ୍ଥାନୀୟ ଲୋକଙ୍କର ଜୀବନ ଜୀବିକାରେ ଉନ୍ନତି ଆସିବ । 

ପିସିସିଏଫ୍‌ ଦେବୀଦତ୍ତ ବିଶ୍ୱାଳଙ୍କ କହିବା କଥା, ୧ ହଜାର ଗଛକୁ ପରୀକ୍ଷାମୂଳକ ଭାବେ ଲଗାଯିବ । ଏହା ସଫଳ ହେଲେ ଦାରିଙ୍ଗବାଡ଼ି ଯିବା ବାଟରେ ଏଭଳି ଗଛ ରୋପଣ କରାଯିବ । ସେହିପରି ବୈଜ୍ଞାନିକ ପ୍ରଫେସର ଦୀନବନ୍ଧୁ ସାହୁ କହିଛନ୍ତି, ଚେରି ବ୍ଲସମ୍‌ ଗଛ ଯେ କେବଳ ଆମକୁ ଆନନ୍ଦ ଅନୁଭବ ଦେବ ତାହା ନୁହେଁ, ପର୍ଯ୍ୟଟକଙ୍କ ଆଗମନ ଅଧିକ ହେବ । ଏହା ସ୍ଥାନୀୟ ଅଞ୍ଚଳ ଓ ରାଜ୍ୟର ଅର୍ଥନୈତିକ ବିକାଶରେ ସହଯୋଗ କରିବ ।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Rath Yatra

    Copyright © 2024 - Summa Real Media Private Limited. All Rights Reserved.