ନୂଆଦିଲ୍ଲୀ : ନର୍ମଦା ବଞ୍ଚାଅ ଆନ୍ଦୋଳନର ନେତା ମେଧା ପାଟକର ଦୋଷୀ ସାବ୍ୟସ୍ତ। ତାଙ୍କୁ ଏକ ମାନହାନି ମାମଲାରେ ଦୋଷୀ ସାବ୍ୟସ୍ତ କରିଛନ୍ତି ଦିଲ୍ଲୀର କୋର୍ଟ। ଉକ୍ତ ମାମଲା ଦିଲ୍ଲୀର ବର୍ତ୍ତମାନର ଉପରାଜ୍ୟପାଳ ଭିକେ ସକ୍ସେନାଙ୍କ ସହ ଜଡ଼ିତ। ଉଲ୍ଲେଖନୀୟ ଯେ ଭି.କେ. ସକ୍ସେନା ହିଁ ମେଧା ପାଟକରଙ୍କ ଉପରେ ମାନହାନି କେସ୍‌ ରୁଜୁ କରାଇ ଥିଲେ। ମେଟ୍ରୋପୋଲିଟନ ମାଜିଷ୍ଟ୍ରେଟ୍‌ ରାଘବ ଶର୍ମା , ପାଟକରଙ୍କୁ ଅପରାଧିକ ମାନହାନିରେ ଦୋଷୀ କରାଇଛନ୍ତି। ଏଥିପାଇଁ ମେଟା ପାଟକରଙ୍କୁ ସଜା ଭାବେ ଦୁଇ ବର୍ଷର ଜେଲ୍‌ ଦଣ୍ଡ ବା ଜୋରିମନା, ଅଥବା ଉଭୟ ମିଳିପାରେ। 

କହି ରଖୁଛୁ , ୨୦୦୦ମସିହାରେ ମେଧା ପାଟକର ଭିକେ ସକ୍ସେନାଙ୍କ ବିରୋଧରେ ତାଙ୍କର ଓ ନର୍ମଦା ବଞ୍ଚାଓ  ଆନ୍ଦୋଳନ (ଏନବିଏ)ର ବିରୋଧରେ ବିଜ୍ଞାପନ ଛାପିବାର ଅଭିଯୋଗରେ କେସ୍‌ ରୁଜୁ କରିଥିଲେ। ସେବେଠାରୁ ଉଭୟଙ୍କ ମଧ୍ୟରେ ଆଇନଗତ ଲଢେଇ ଚାଲୁ ରହିଥିଲା।

ଏହି ସମୟରେ ଭିକେ ସକ୍ସେନା ଅହମ୍ମଦାବାଦ ସ୍ଥିତ ଏନଜିଓ ନ୍ୟାସନାଲ କାଉନ୍ସିଲ ଫର୍‌ ସିଭିଲ ଲିବର୍ଟିଜ୍‌ର ପ୍ରମୁଖ ଥିଲେ। ଏହାପରେ ଭିକେ ସକ୍ସେନା ମଧ୍ୟ ତାଙ୍କ ବିରୋଧରେ ଦୁଇଟି ମାମଲା ରୁଜୁ କରିଥିଲେ , ଯେଉଁଥିରେ ଗୋଟିଏ ଟିଭି ଚ୍ୟାନେଲରେ ତାଙ୍କ ବିରୋଧରେ ଅପମାନଜନକ ଟିପ୍ପଣୀ ଓ ଅପମାନଜନକ ପ୍ରେସ୍ ବୟାନ ଜାରି କରିବାର ଅଭିଯୋଗ ଲଗାଯାଇ ଥିଲା।