ନୂଆଦିଲ୍ଲୀ: ୮ ସପ୍ତାହ ମଧ୍ୟରେ ଔଷଧର ଅନଲାଇନ୍ ବିକ୍ରିକୁ ନେଇ ନୀତି ପ୍ରସ୍ତୁତ କରିବାକୁ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ଦିଲ୍ଲୀ ହାଇକୋର୍ଟ । କାର୍ଯ୍ୟକାରୀ ମୁଖ୍ୟ ବିଚାରପତି ମନମୋହନ ଏବଂ ଜଷ୍ଟିସ ମିନି ପୁଷ୍କରଣାଙ୍କ ଖଣ୍ଡପୀଠ କହିଛନ୍ତି ଯେ ଏହି ମାମଲା ପାଞ୍ଚ ବର୍ଷ ଧରି କୋର୍ଟରେ ବିଚାରାଧୀନ ଅଛି । ତେଣୁ ଏହି ପ୍ରସଙ୍ଗରେ ନୀତି ଆଣିବାକୁ କେନ୍ଦ୍ର ସରକାରଙ୍କୁ ଶେଷ ସୁଯୋଗ ଦିଆଯାଉଛି।

କୋର୍ଟ କହିଛନ୍ତି ଯେ, ଯଦି ଏହି ଆଦେଶକୁ ଅନୁପାଳନ କରନଯାଏ, ତେବେ ଏହି ମାମଲାର ସଂପୃକ୍ତ ଯୁଗ୍ମ ସଚିବଙ୍କୁ ପରବର୍ତ୍ତୀ ଶୁଣାଣି ଦିନ ବ୍ୟକ୍ତିଗତ ଭାବେ କୋର୍ଟରେ ହାଜର ହେବାକୁ ପଡ଼ିବ । ଏହା ଉପରେ କେନ୍ଦ୍ର ସରକାରଙ୍କ ପକ୍ଷରୁ ହାଜର ହୋଇଥିବା ଓକିଲ କିର୍ତ୍ତମାନ ସିଂ କହିଛନ୍ତି ଯେ, ଔଷଧର ଅନଲାଇନ୍ ବିକ୍ରୟ ସମ୍ପର୍କରେ ୨୮ ଅଗଷ୍ଟ ୨୦୧୮ ତାରିଖର ବିଜ୍ଞପ୍ତି ଉପରେ ଏବେ ପରାମର୍ଶ ଏବଂ ବିଚାରବିମର୍ଶ ଜାରି ରହିଛି । 

ଅଦାଲତ ଏହି ଆଦେଶରେ କହିଛନ୍ତି ଯେ " ଅଦାଲତଙ୍କ କହିବା କଥା ଏଥିପାଇଁ ପାଞ୍ଚ ବର୍ଷରୁ ଅଧିକ ସମୟ ବିତିସାରିଛି  । କେନ୍ଦ୍ର ନୀତି ପ୍ରସ୍ତୁତ କରିବା ପାଇଁ ଏହା ପର୍ଯ୍ୟାପ୍ତ ସମୟ ଅଟେ । ତା’ପରେ ଆଠ ସପ୍ତାହ ମଧ୍ୟରେ ଏହି ନୀତି ପ୍ରସ୍ତୁତ କରିବାକୁ କୋର୍ଟ ଶେଷ ସୁଯୋଗ ଦେଉଛନ୍ତି ।  ଯଦି ଔଷଧର ଅନଲାଇନ୍ ବିକ୍ରୟ ସମ୍ବନ୍ଧରେ କୌଣସି ନୀତି ପ୍ରସ୍ତୁତ କରା ନ ଯାଏ, ତେବେ ପରବର୍ତ୍ତୀ ଶୁଣାଣିରେ ଯୁଗ୍ମ ସଚିବଙ୍କୁ ବ୍ୟକ୍ତିଗତ ଭାବେ କୋର୍ଟରେ ହାଜର ହେବାକୁ ପଡ଼ିବ। "

ବାର ଏବଂ ବ୍ରାଞ୍ଚ୍ ଅନୁଯାୟୀ, ଅନଲାଇନରେ ଔଷଧ ବିକ୍ରି ଉପରେ ପ୍ରତିବନ୍ଧକ ଲଗାଇବାକୁ ଆବେଦନ କରିଥିବା ଶୁଣାଣି ବେଳେ କୋର୍ଟ ଏହି ନିର୍ଦ୍ଦେଶ ଦେଇଛନ୍ତି। ଆବେଦନ ଗୁଡିକରେ ଡ୍ରଗ୍ ଏବଂ କସମେଟିକ୍ସ ନିୟମ ଉପରେ କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ଦ୍ବାରା ପ୍ରକାଶିତ ଡ୍ରାଫ୍ଟକୁ ଆହୁରି ସଂଶୋଧନ କରିବାକୁ ଚ୍ୟାଲେଞ୍ଜ କରାଯାଇଛି ।