ଭୁବନେଶ୍ୱର,୨୪/୦୮: ରାଜ୍ୟରେ ଡେଙ୍ଗୁ ରୋଗୀଙ୍କ ସଂଖ୍ୟା ୨୪ ଶହ ଟପିଲା ।  ତେବେ ସୁନ୍ଦରଗଡ଼ ଓ ଖୋର୍ଦ୍ଧା ଜିଲ୍ଲାରେ  ରୋଗୀଙ୍କ ସଂଖ୍ୟା ଅଧିକ ରହିଛି । ସ୍ୱାସ୍ଥ୍ୟ  ବିଭାଗର ଚିନ୍ତା ବଢ଼ାଇଛି ରାଉରକେଲା ଓ  ଭୁବନେଶ୍ୱର ।  ତେବେ ରାଜ୍ୟରେ ଡେଙ୍ଗୁ ରୋଗୀଙ୍କ  ସଂଖ୍ୟା ଗତ ବର୍ଷଠୁ କମ ରହିଥିବା କହିଛନ୍ତି  ଜନସ୍ୱାସ୍ଥ୍ୟ ବିଭାଗ ନିର୍ଦ୍ଦେଶକ ଡାକ୍ତର ନୀଳକଣ୍ଠ  ମିଶ୍ର । ଡାକ୍ତର ମିଶ୍ର କହିଛନ୍ତି, ଗତକାଲି  ସୁଦ୍ଧା ରାଜ୍ୟରେ ଡେଙ୍ଗୁ ରୋଗୀଙ୍କ ସଂଖ୍ୟା  ମୋଟ ୨ ହଜାର ୪୭୧ ରହିଛି । କେବଳ  ସୁନ୍ଦରଗଡ଼ରେ ୭୨୭ ଏବଂ ଖୋର୍ଦ୍ଧାରେ ୫୯୫  ରୋଗୀ ଚିହ୍ନଟ ହୋଇଛନ୍ତି । କଟକ, ବଲାଙ୍ଗୀର  ଏବଂ ବାଲେଶ୍ୱରରେ ରୋଗୀଙ୍କ ସଂଖ୍ୟା ଶହେ  ଉପରେ ରହିଛି । ସ୍ୱାସ୍ଥ୍ୟ ବିଭାଗ ନିରୀକ୍ଷଣ  ଜାରି ରଖିଛି । ସୁନ୍ଦରଗଡ଼, ଭୁବନେଶ୍ୱର ଓ  କଟକରେ ସରକାର ସ୍ୱତନ୍ତ୍ର ଅଭିଯାନ ଜାରି  ରଖିଛନ୍ତି । ପରୀକ୍ଷାକୁ ମଧ୍ୟ ବଢ଼ାଯାଇଥିବା ଶ୍ରୀ  ମିଶ୍ର କହିଛନ୍ତି