ମୁମ୍ବାଇ ,୧୮/୦୯: ପଞ୍ଜାବୀ ଗାୟକ ଦିଲଜିତ ଦୋସାଞ୍ଜ କେବଳ ଗୀତ ଗାଇବା ପାଇଁ ନୁହେଁ ବରଂ ଅଭିନୟ ପାଇଁ ମଧ୍ୟ ଜଣାଶୁଣା । ଏଭଳି ପରିସ୍ଥିତିରେ, ଆଜିକାଲି ସେ ତାଙ୍କର ଦିଲ୍ଲୀର କନସର୍ଟ ପାଇଁ ପ୍ରସ୍ତୁତି ଚଳାଇଛନ୍ତି । ଦିଲଜିତଙ୍କ ଦିଲ-ଲୁମିନିଟି ଟୁର୍ ଅଧୀନରେ ତାଙ୍କର କନସର୍ଟ ମୋଟ ୧୦ଟି ସହରରେ ଅନୁଷ୍ଠିତ ହେବ । ୨୬ ଅକ୍ଟୋବରରେ ନୂଆଦିଲ୍ଲୀର ଜବାହରଲାଲ ନେହେରୁ ଷ୍ଟାଡିୟମରେ ଦିଲଜିତଙ୍କ ଏକ ମେଗା କନସର୍ଟ ଅନୁଷ୍ଠିତ ହେବାକୁ ଯାଉଛି । ଏହାରି ମଧ୍ୟରେ ଦିଲଜିତ ବିବାଦରେ ଛନ୍ଦି ହୋଇଛନ୍ତି । ଜଣେ ଫ୍ୟାନ୍ ତାଙ୍କୁ ଲିଗାଲ୍ ନୋଟିସ ପଠାଇଛନ୍ତି । 

ଟିକେଟ୍ ମୂଲ୍ୟରେ ହେରଫେର, ଅନଫେୟାର ବାଣିଜ୍ୟ ଏବଂ ଶୋ’ର ଆୟୋଜକଙ୍କ ଉପରେ କଷ୍ଟମର ରାଇଟ୍ସ ଉଲ୍ଲଂଘନ କରୁଥିବା ଅଭିଯୋଗରେ ଫ୍ୟାନ ଜଣକ ଗାୟକଙ୍କୁ ନୋଟିସ୍ ପଠାଇଛନ୍ତି । ଖବର ଅନୁଯାୟୀ, ଫ୍ୟାନ୍ ଜଣେ ଆଇନ ଛାତ୍ର ଅଟନ୍ତି ଏବଂ ସେ ଦିଲଜିତଙ୍କ ଉପରେ ଟିକେଟ୍ ମୂଲ୍ୟରେ ଜାଲିଆତି କରିଥିବା ଅଭିଯୋଗ କରିଛନ୍ତି। ତାଙ୍କ ନୋଟିସରେ ସେ କହିଛନ୍ତି ଯେ ସେପ୍ଟେମ୍ବର  ୧୨ ରେ ଅପରାହ୍ନ ୧ ଟାରେ ଟିକେଟ୍ ବୁକିଂ ସମୟ ଘୋଷଣା କରିବା ସତ୍ତ୍ୱେ ରାତି ୧୨:୫୯ ରେ ପାସ୍ ଉପଲବ୍ଧ ହୋଇଥିଲା, ଯେଉଁ କାରଣରୁ ଏକ ମିନିଟ୍ ମଧ୍ୟରେ ଶହ ଶହ ପ୍ରଶଂସକ ଟିକେଟ ବୁକ୍ କରିଥିଲେ।

ପ୍ରାରମ୍ଭିକ ବୋର୍ଡ ପାସ୍ ର ଲାଭ ପାଇବା ପାଇଁ ସେ ସ୍ୱତନ୍ତ୍ର ଭାବେ ଏକ ଏଚଡିଏଫସି କ୍ରେଡିଟ୍ କାର୍ଡ ତିଆରି କରିଛନ୍ତି ବୋଲି ସେ ଦାବି କରିଛନ୍ତି । ତେବେ ସେମାନଙ୍କ ଆକାଉଣ୍ଟରୁ ଟଙ୍କା କଟାଯିବା ସତ୍ତ୍ୱେ ସେମାନେ ପାସ୍ ପାଇପାରିନଥିଲେ ଏବଂ ପରେ ରାଶି ଫେରସ୍ତ କରାଯାଇଥିଲା । ନୋଟିସରେ କୁହାଯାଇଛି ଯେ, ଏହି ଆକସ୍ମିକ ଏବଂ ସନ୍ଦେହଜନକ ଟ୍ରାନଜେକ୍ସନ୍ ହେରାଫେରି ଏବଂ ସ୍କେଲିଂ ଅଭ୍ୟାସ, ହଠାତ୍ ଟିକେଟ୍ ଉପଲବ୍ଧ ନହେବା ସହିତ ସୂଚିତ କରେ ଯେ ଆପଣଙ୍କ ସଂସ୍ଥା କୃତ୍ରିମ ଭାବେ ଚାହିଦା ବଢାଉଛି ଏବଂ ମୂଲ୍ୟଗୁଡିକୁ ନିୟନ୍ତ୍ରଣ କରୁଛି, ଯାହା ଗ୍ରାହକ ସୁରକ୍ଷା ଆଇନ, ୨୦୧୯ ର ଉଲ୍ଲଂଘନ କରୁଛି । ବର୍ଦ୍ଧିତ ମୂଲ୍ୟରେ ପୁନଃ ବିକ୍ରୟ କରିବା ଉଦ୍ଦେଶ୍ୟରେ ସ୍କେଲିଂ ଏବଂ ଜମା କରିବା କଷ୍ଟମର ରାଇଟ୍ସର ଉଲ୍ଲଂଘନ ଅଟେ । ସେପଟେ ନୋଟିସ ଜାରି ପରେ ଦିଲଜିତ ଏବଂ ଶୋ' ଆୟୋଜକଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିପାରିନାହିଁ।