ଖଲ୍ଲିକୋଟ, ୦୭/୦୨- ଖଲ୍ଲିକୋଟ ଥାନା ଅନ୍ତର୍ଗତ ୧୬ ନମ୍ବର ଜାତୀୟ ରାଜପଥର ଗୁରାପଲ୍ଲୀ ଟୋଲ ଗେଟ ଠାରେ ମାଇନ୍ସ ଟ୍ରକ ପଛକୁ ଧକ୍କା ଦେଲା ଅନ୍ୟଏକ ମାଇନ୍ସ ଟ୍ରକ ।ଫଳରେ ଧକ୍କା ଦେଇଥିବା ଟ୍ରକ ର ଚାଳକ ଗୁରୁତର ଆହତ ହୋଇଛନ୍ତି । ପ୍ରବଳ କୁହୁଡି ଯୋଗୁଁ ଏହି ଦୁର୍ଘଟଣା ଘଟିଥିବା କୁହାଯାଇଛି ।

 ମିଳିଥିବା ସୂଚନା ଅନୁଯାୟୀ, ଆଜି ଭୋର ସମୟରେ ଭୁବନେଶ୍ୱର ରୁ ବ୍ରହ୍ମପୁର ଅଭିମୁଖେ ଆସୁଥିବା ଏକ ମାଇନ୍ସ ଟ୍ରକ  ( ନଂ ଓଡି-୦୯ପି୮୯୧୩) ପଛକୁ ଅନ୍ୟ ଏକ ମାଇନ୍ସ ଟ୍ରକ  (ନଂ. ଓଡି୦୯ପି୮୯୯୭)   ହଠାତ ଖଲ୍ଲିକୋଟ ଥାନା ଅନ୍ତର୍ଗତ ଗୁରାପଲ୍ଲୀ ଟୋଲ ଗେଟ ଠାରେ ଶକ୍ତ ଧକ୍କା ଦେଇଥିଲା । ଯାହା ଫଳରେ ଚାଳକ ଟ୍ରକ କ୍ୟାବିନ ଭିତରେ ଗୁରୁତର ଆହତ ହୋଇ ଫସି ରହି ଯାଇଥିଲେ । ଖବର ପାଇ ଭେଜିପୁଟ ଫାଣ୍ଡି ପୋଲିସ ଓ ଖଲ୍ଲିକୋଟ ଅଗ୍ନିଶମ ବାହିନୀ ଦୁର୍ଘଟଣା ସ୍ଥଳରେ ପହଂଚି ଦୀର୍ଘ ଦୁଇ ଘଣ୍ଟାର ଅକ୍ଲାନ୍ତ ପରିଶ୍ରମ କରି ଟୋଲ କର୍ମଚାରୀଙ୍କ ସହାୟତାରେ ଫସି ରହିଥିବା ଟ୍ରକ ଚାଳକ କୁ ଉଦ୍ଧାର କରିବାରେ ସଫଳ ହୋଇଥିଲେ । ପରେ ତୁରନ୍ତ ଗୁରୁତର ଆହତ ଟ୍ରକ ଚାଳକ କୁ ଚିକିତ୍ସା ପାଇଁ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ନେଇ ଯାଇଥିଲେ । ସେଠାରେ ପ୍ରାଥମିକ ଚିକିତ୍ସା କରାଯାଇ ତାଙ୍କୁ ଭୁବନେଶ୍ୱର ସ୍ଥାନାନ୍ତର କରାଯାଇଛି । ତେବେ ଗୁରୁତର ଆହତ ଟ୍ରକ ଚାଳକ ଜଣଙ୍କ ଝାଡଖଣ୍ଡ ର ଜମାଲ ଅନସାରୀ ବୋଲି ଜଣାପଡିଛି । ଟ୍ରକ ଦୁଇଟି ଗୋଟିଏ କମ୍ପାନୀ ର ଏବଂ ସେମାନେ ଆଗ ପଛ ହୋଇ ଯାଉଥିଲେ ।ତେବେ ଟୋଲ ଗେଟ ଠାରେ ଆଗରେ ଯାଉଥିବା ଟ୍ରକ ଟି ରହିବା ପାଇଁ ବେଗ କମାଇ ଥିଲେ ।କିନ୍ତୁ ପ୍ରବଳ କୁହୁଡି ଯୋଗୁଁ ପଛରେ ଆସୁଥିବା ଟ୍ରକ ଟି ଏହା ଦେଖି ପାରି ନଥିଲେ ।ଦ୍ରୁତ ଗତିରେ ଆସି ଟ୍ରକ ପଛ କୁ ପିଟି ହୋଇ ଯାଇଥିଲା ।

ଆହୁରି ପଢନ୍ତୁ : ଜମି ଅଧିଗ୍ରହଣ କ୍ଷତିପୂରଣ ଦାବି, ବିଜୁ ଏକ୍ସପ୍ରେସ ୱେ ଅବରୋଧ କଲେ ହିତାଧିକାରୀ