ଭୁବନେଶ୍ୱର,୨୫/୦୮: ଅମାନିଆଙ୍କୁ କାବୁ କରିବାକୁ କମିଶସନରେଟ ପୋଲିସର ପ୍ରୟାସ । ଶନିବାର ରାତିରେ ବ୍ଲକିଂଚେକିଂ ବେଳେ ପୁଣି ସିଜ୍ ହେଲା ଗାଡ଼ି । ନିଶାଶକ୍ତ ହେବା ସହ ଗାଡ଼ିରେ ମଦ ନେଇ ଯାଉଥିବା ବେଳେ ମାଡ଼ି ବସିଲା ପୋଲିସ । ଗାଡ଼ିରୁ ଜବତ ହେଲା ଏକ ପେଟି ମଦ । ରାଜଧାନୀ ଭୁବନେଶ୍ୱରରେ ଏଭଳି ଘଟଣା ଦେଖିବାକୁ ମିଳିଛି । 

ସୁଚନା ଅନୁଯାୟୀ, ରାଜଧାନୀରେ ବଢୁଛି ଡ୍ରଙ୍କ ଆଣ୍ଡ ଡ୍ରାଇଭ ଟ୍ରେଣ୍ଡ । ଖାସ କରି ଶନିବାର ରାତିରେ ଏହି ଭଳି ଭାବରେ ନିୟମ ଭାଙ୍ଗୁଛନ୍ତି ଅମାନିଆ । ମଦ୍ୟପାନ କରି ନିଶାଶକ୍ତ ଅବସ୍ଥାରେ ଗାଡ଼ି ଚଳାଇ ରିଭର୍ସ ରାଇଡ କରୁଛନ୍ତି । ଏହାକୁ ନଜରରେ ରଖି ୨ଟି ଟ୍ରାଫିକ ଥାନା ସହ ଜୋନ୫ ଏବଂ ୬ର ସମସ୍ତ ସମ୍ବେଦନଶୀଳ ଅଞ୍ଚଳରେ ଡ୍ରଙ୍କ ଆଣ୍ଡ ଡ୍ରାଇଭ୍ ସହ ସେଫ୍ ସିଟି ଡ୍ରାଇଭ୍ ଅଭିଯାନ ଚଳାଇଛି କମିଶନରେଟ ପୋଲିସ । ତେବେ ଶନିବାର ରାତିରେ ବ୍ଲକିଂଚେକିଂ କରିଥିଲା କମିଶନରେଟ ପୋଲିସ ।  ପୋଲିସ କମିଶନର ସଂଜୀବ ପଣ୍ଡା ଓ ଡିସିପି ପ୍ରତୀକ ସିଂ ଏହାର ତଦାରଖ କରିଥିଲେ । ଅମାନିଆଙ୍କ ଲାଗି ରାସ୍ତାରେ ସ୍ପାଇକ୍ ପ୍ଲେଟ୍ ପକାଯାଇଥିଲା । ଏହାକୁ ଖାତିର ନକରି ନିଶାସକ୍ତ ହେବା ସହ ଗାଡ଼ିରେ ମଦ ନେଇ ଯାଉଥିବା ବେଳେ ପୋଲିସ ହାତରେ ଧରା ପଡ଼ିଥିଲେ ଦୁର୍ବୃତ୍ତ । ଗାଡିର ଚାଳକ ନିଶାସକ୍ତ ଅବସ୍ଥାରେ ଗାଡ଼ି ଚଳାଉଥିଲେ । ଏଥି ସହିତ ଉକ୍ତ ଗାଡ଼ିରୁ ଏକ ପେଟି ମଦ ମଧ୍ୟ ଜବତ କରିଛି ପୋଲିସ । ଏଭଳି ପରିସ୍ଥିତିରେ ଦୁର୍ବୃତ୍ତଙ୍କ ପ୍ରତି କଡା କର୍ଯ୍ୟନୁଷ୍ଠାନ ନେବା ସହ ଆଗକୁ ମଧ୍ୟ ପ୍ରତ୍ୟେକ ଶନିବାର ରାତିରେ ଏହି ପରି କଡ଼ା ବ୍ଲକିଂଚେକିଂ କରାଯିବ ବୋଲି ସୂଚନା ଦେଇଛନ୍ତି ପୋଲିସ କମିସନର ।