ପ୍ରମୁଖ ଖବର
  • ଭୁବନେଶ୍ୱର : ଜାତୀୟ ସ୍ତରୀୟ ଗବେଷଣା ସୁଯୋଗ, ମୁଖ୍ୟମନ୍ତ୍ରୀ ରିସର୍ଚ୍ଚ ଫେଲୋସିପ୍‌ ପାଇଁ ୩୦୦ ଶିକ୍ଷାର୍ଥୀ ଚୟନ
  • ||
  • ଭୁବନେଶ୍ୱର : ମହିଳାଙ୍କ ସୁରକ୍ଷା ପାଇଁ ନିଯୁକ୍ତ ହୋଇଥିଲେ; ତାଲିମ ନେଇଥିଲେ ୨୪୮ ଜଣ, ଏବେ ବନ୍ଦ ହୋଇଗଲା ଏସ୍‌ଓପି ବ୍ୟବସ୍ଥା
  • ||
  • ପଶ୍ଚିମବଙ୍ଗରେ ଥମୁନି ନିର୍ବାଚନୀ ହିଂସା, ଜଣେ ଟିଏମସି କର୍ମୀଙ୍କୁ ହତ୍ୟା, ପୁଣି ବିଜେପି ବିରୋଧରେ ଦଳ ଆଣିଲା ଅଭିଯୋଗ
  • ||
  • ବାଂଲାଦେଶ ମୁହାଁ ବାତ୍ୟା, ପ୍ରଭାବରେ ୪ଜିଲ୍ଲାରେ ବର୍ଷା ଓ ପବନ ସମ୍ଭାବନା, ୪ ଜିଲ୍ଲାପାଳଙ୍କୁ ଏସଆରସିଙ୍କ ଆଲର୍ଟ
  • ||
  • ରାଜ୍ୟରେ ତୃତୀୟ ପର୍ଯ୍ୟାୟ ମତଦାନ, ୬ ଲୋକସଭା ଓ ୪୨ ବିଧାନସଭା ଆସନରେ ଭୋଟିଂ, ୪୪୭ ପ୍ରାର୍ଥୀଙ୍କ ହେବ ଭାଗ୍ୟ ପରୀକ୍ଷା
  • ||
  • ଦେଶରେ ଷଷ୍ଠ ପର୍ଯ୍ୟାୟ ମତଦାନ, ୬ ରାଜ୍ୟ ଓ ୨ କେନ୍ଦ୍ରଶାସିତ ଅଞ୍ଚଳରେ ଚାଲିଛି ଭୋଟ୍, ୫୮ ସଂସଦୀୟ କ୍ଷେତ୍ରରେ ମତଦାନ ଆରମ୍ଭ
  • ||
  • ସୃଷ୍ଟି ହେଲା ଅବପାତ: ୨୫ ରାତିରୁ ଉପକୂଳରେ ବର୍ଷା, ୨୬ରେ ଭୀଷଣ ବାତ୍ୟା ରୂପ ନେବ
  • ||

‘ନିର୍ବାଚନ ପ୍ରଚାର ମୌଳିକ ଅଧିକାର ନୁହେଁ’, କେଜ୍ରିଓ୍ବାଲଙ୍କ ଜାମିନ୍ ଆବେଦନକୁ ବିରୋଧ କଲା ଇଡି

ନୂଆଦିଲ୍ଲୀ,୯।୫: ଦିଲ୍ଲୀ ମଦ ଦୁର୍ନୀତି ମାମଲାରେ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ବାଲଙ୍କ ଅଡୁଆ କମୁନି। ପ୍ରବର୍ତ୍ତନ ନିର୍ଦେଶାଳୟ(ଇଡି)ଆସନ୍ତାକାଲି(୧୦ ମେ) ଏହି ମାମଲାରେ କେଜ୍ରିଓ୍ବାଲଙ୍କ ବିରୋଧରେ ଚାର୍ଜସିଟ୍ ଦାଖଲ କରିବାକୁ ଯାଉଛି। ଏହା ପ୍ରଥମ ଥର ହେବ, ଯେବେ କେଜ୍ରିଓ୍ବାଲଙ୍କ ନାଁ ଚାର୍ଜସିଟ୍‌ରେ ଦାଖଲ କରାଯିବ। ଇଡି ନିଜ ଚାର୍ଜସିଟ୍‌ରେ କେଜ୍ରିଓ୍ବାଲଙ୍କ ନାଁ ମୁଖ୍ୟ ଷଡଯନ୍ତ୍ରକାରୀ ଓ କିଙ୍ଗପିନ୍‌ ଭାବରେ ଦାଖଲ କରିବାକୁ ଯାଉଛି ଶୁଣାଣିର ଗୋଟିଏ ଦିନ ପୂର୍ବରୁ ଅର୍ଥାତ ଗୁରୁବାର ଇଡି ଅନ୍ତରୀଣ ଜାମିନ୍ ଆବେଦନକୁ ବିରୋଧ କରି ସୁପ୍ରିମକୋର୍ଟରେ ସତ୍ୟପାଠ ଦାଖଲ କରିଛି। ଏହା ସହ କହିଛି ନିର୍ବାଚନ ପ୍ରଚାର ମୌଳିକ ଅଧିକାର ନୁହେଁ।

ଇଡି ଉପ ନିର୍ଦେଶକ ଭାନୁ ପ୍ରିୟା କେଜ୍ରିଓ୍ବାଲଙ୍କ ଜାମିନ୍ ଆବେଦନ ଉପରେ ସୁପ୍ରିମକୋର୍ଟରେ ସତ୍ୟପାଠ ଦାଖଲ କରିଛନ୍ତି। ସେ କହିଛନ୍ତି, ନିର୍ବାଚନ ପ୍ରଚାର ଆଧାରରେ ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ଅନ୍ତରୀର ଜାମିନ୍ ଦେବା ଠିକ୍ ନୁହେଁ,  କାରଣ ତାଙ୍କ ଭଳି ସବୁ ରାଜନେତା ଅପରାଧ କରି ନିର୍ବାଚନ କାରଣ ଦର୍ଶାଇ ଯାଞ୍ଚରୁ ବଞ୍ଚିବାକୁ ଅନୁମତି ମାଗିବେ। ନିର୍ବାଚନ ପ୍ରଚାର କୌଣସି ମୌଳିକ କିମ୍ବା ସମ୍ବିଧାନିକ ଅଧିକାର ନୁହେଁ।ଏପରିକି ଆଇନଗତ ଅଧିକାର ପରିସରରେ ଆସୁନି। ଇଡିର ସୂଚନାରେ ଏଭଳି କୌଣସି ଘଟଣା ନାହିଁ, କୌଣସି ରାଜନୈତିକ ନେତାଙ୍କୁ ନିର୍ବାଚନ ପ୍ରଚାର ପାଇଁ ଅନ୍ତରୀଣ ଜାମିନ୍ ଦିଆଯାଇଛି। ଏପରିକି ନିର୍ବାଚନ ଲଢୁଥିଲେ ମଧ୍ୟ ଜାମିନ ମିଳିନି। ପ୍ରାୟ ୧୨୩ ନିର୍ବାଚନ ହୋଇସାରିଛି, ଆମେ ଗତ ୩ ବର୍ଷ ହେବ ଅଛୁ ଓ ଯଦି ନିର୍ବାଚନ ପ୍ରଚାର ପାଇଁ ଅନ୍ତରୀଣ ଜାମିନ୍ ଦିଆଯିବ ତେବେ‌ କୌଣସି ରାଜନେତାଙ୍କୁ ଗିରଫ କରିହେବନି, କାରଣ ନିର୍ବାଚନ ପୁରା ବର୍ଷ ଧରି ଚାଲିଥାଏ।

ଉଲ୍ଲେଖନୀୟ ଯେ, ଶୁକ୍ରବାର ସୁପ୍ରିମକୋର୍ଟ କେଜ୍ରିଓ୍ବାଲଙ୍କ ଅନ୍ତରୀଣ ଜାମିନ୍ ଉପରେ ଶୁଣାଣି କରିପାରନ୍ତି। କେଜ୍ରିଓ୍ବାଲଙ୍କ ଜାମିନ୍ ଆବେଦନ ଉପରେ ଶୁଣାଣି କରି ଜଷ୍ଟିସ୍ ସଞ୍ଜୀବ ଖାନ୍ନାଙ୍କ ଅଧ୍ୟକ୍ଷତାରେ ଗଠିତ ଖଣ୍ଡପୀଠ  ଶୁକ୍ରବାର ଅନ୍ତରୀଣ ଜାମିନ୍ ନିର୍ଦେଶ ଶୁଣାଇବ। ଗିରଫକୁ ଚ୍ୟାଲେଞ୍ଜ ଦେବା ସମ୍ପର୍କିତ ମୁଖ୍ୟ ମାମଲାରେ ଉପରେ ମଧ୍ୟ ସେହି ଦିନ ରାୟ ଦିଆଯିବ। 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.