ମୁମ୍ବାଇ,୦୪/୦୯:ହେମା କମିଟି ରିପୋର୍ଟର ଖୁଲାସା ପରେ ସବୁଆଡେ ଜୋର ଧରିଛି ଆଲୋଚନା ।  ଚଳଚ୍ଚିତ୍ର ଇଣ୍ଡଷ୍ଟ୍ରିର ଅନେକ ବଡ ବ୍ୟକ୍ତିତ୍ୱଙ୍କ ନାଁରେ ଗୁରୁତର ଅଭିଯୋଗର ସମ୍ମୁଖୀନ ହୋଇଛନ୍ତି । ଅନେକ ବଡ଼ ନିର୍ଦ୍ଦେଶକ ଏବଂ ଅଭିନେତାଙ୍କ ନାଁରେ ମାମଲା ମଧ୍ୟ ରୁଜୁ ହୋଇଛି । ଏପରି ସମୟରେ ଅନ୍ୟ ଇଣ୍ଡଷ୍ଟ୍ରିର ତାରକା ହେମା କମିଟି ରିପୋର୍ଟକୁ ସମର୍ଥନ କରୁଥିବା ନଜର ଆସିଛନ୍ତି । ବର୍ତ୍ତମାନ ଫିଲ୍ମ ନିର୍ମାତା ତଥା ନିର୍ଦ୍ଦେଶକ ଏକତା କପୁର ଏବଂ ସାଉଥ ଅଭିନେତ୍ରୀ ଅନୁଷ୍କା ସେଟ୍ଟୀ ଜଷ୍ଟିସ ହେମା କମିଟି ରିପୋର୍ଟକୁ ସମର୍ଥନ କରିବା ସହ ନିଜର ପ୍ରତିକ୍ରିୟା ଦେଇଛନ୍ତି ।

ତାଙ୍କ କହିବାନୁସାରେ, ମହିଳାମାନେ ଯେତେବେଳେ ସମାନ ସୁଯୋଗ ପାଇବେ ଏବଂ କମ୍ପାନୀଗୁଡିକରେ ଶୀର୍ଷ ପଦବୀରେ ରହିବେ ସେତେବେଳେ କର୍ମକ୍ଷେତ୍ରରେ ନିଜକୁ ସୁରକ୍ଷିତ ଅନୁଭବ କରିବେ । ତାଙ୍କର ଆଗାମୀ ପ୍ରଡକ୍ସନ୍ 'ଦ ବକିଂହାମ ମର୍ଡର୍ସ'ର ଟ୍ରେଲର ଲଞ୍ଚ ଇଭେଣ୍ଟରେ ଯୋଗ ଦେଇ ସେ କହିଛନ୍ତି ଯେ ମହିଳାମାନଙ୍କ ପାଇଁ ଏକ ନିରାପଦ କାର୍ଯ୍ୟ ପରିବେଶ ନିଶ୍ଚିତ କରିବାକୁ ସଚେତନ ଉଦ୍ୟମ କରାଯିବା ଉଚିତ । ସେହିପରି ଏକତା କପୁର କହିଛନ୍ତି, 'ଅନେକ ସ୍ଥାନରେ ଆମକୁ ମହିଳା ଆବଶ୍ୟକ କରନ୍ତି ଯେଉଁମାନେ ଶୀର୍ଷରେ ଅଛନ୍ତି ଏବଂ ଅତି କମରେ କମ୍ପାନୀ ଚଳାଉଛନ୍ତି । ଏଥିପାଇଁ ମହିଳାମାନଙ୍କୁ ମଧ୍ୟ ପଦକ୍ଷେପ ନେବାକୁ ପଡ଼ିବ । କିନ୍ତୁ କର୍ମକ୍ଷେତ୍ରରେ କିମ୍ବା କୌଣସି ସ୍ଥାନରେ ମହିଳାମାନଙ୍କ ପାଇଁ ଏକ ସୁରକ୍ଷିତ ପରିବେଶ ବଜାୟ ରଖିବା ପାଇଁ ସଚେତନ ଉଦ୍ୟମ କରିବାକୁ ପଡ଼ିବ । ମହିଳା ଏବଂ ସେମାନଙ୍କର ସୁରକ୍ଷା କେବଳ ଏକ ଇଣ୍ଢଷ୍ଟ୍ରି ପ୍ରସଙ୍ଗ ନୁହେଁ, ଯେକୌଣସି କର୍ମକ୍ଷେତ୍ରରେ ଏହା ମହିଳାଙ୍କ ପାଇଁ ଏକ ସମସ୍ୟା । ଏଣୁ ମୁଁ ଭାବୁଛି ମହିଳାମାନଙ୍କୁ ଉଚ୍ଚ ପଦବୀରେ ନିଯୁକ୍ତ କରାଯାଉ ଏବଂ ଏହା ଘଟିବା ଦରକାର।''ତେବେ ଏନେଇ ଅନୁଷ୍କା ଶେଟ୍ଟୀ ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ଷ୍ଟୋରୀରେ ହେମା କମିଟି ରିପୋର୍ଟ ସହ ଜଡିତ ଏକ ନୋଟ୍ ମଧ୍ୟ ସେୟାର କରିଛନ୍ତି ।