ଭୁବନେଶ୍ଵର, ୧୫/୦୪ : ଅର୍ଥନୈତିକ ଅପରାଧ ଶାଖା ହାତରେ ଦୁଇ କୁଖ୍ୟାତ କ୍ରିପ୍ଟୋ ଠକ। ୧୫ କୋଟି ଟଙ୍କାର ଠକେଇ ଅଭିଯୋଗରେ ଦୁଇ ଠକଙ୍କୁ ଗିରଫ କରିଛି କ୍ରାଇମବ୍ରାଞ୍ଚ୍ ଇଓଡବ୍ଲୁ। ଦୁଇଜଣଙ୍କ ମଧ୍ୟରେ ଜଣେ ରାଜସ୍ଥାନରୁ ଅନ୍ୟଜଣେ ସୁନ୍ଦରଗଡ଼ରୁ ଗିରଫ ହୋଇଛନ୍ତି। 

ସୂଚନାନୁଯାୟୀ, ରାଜସ୍ଥାନ ଅନୂପଗଡରୁ ବେଦ ପ୍ରକାଶ ଏବଂ ଅନ୍ୟଜଣେ ସୁନ୍ଦରଗଡ଼ରୁ ସୁଧୀର ପଟେଲ। ଏମାନେ ଓଡ଼ିଶା ଏବଂ ମହାରାଷ୍ଟ୍ରରେ ଅନେକ ଲୋକଙ୍କୁ ବିଭିନ୍ନ ଆକର୍ଷଣୀୟ ଅଫର ଦେବା ସହିତ ଡବଲ ଆୟର ଲୋଭ ଦେଖାଇ ଲୁଟିଥିବା ଜଣାପଡିଛି। କ୍ରିପ୍ଟୋ ବାହାନାରେ ପୁଞ୍ଜି କରିବାକୁ କହି କୋଟି କୋଟି ଟଙ୍କା ଠକି ଥିଲେ। ପରେ ଅଭିଯୁକ୍ତ ବେଦ ପ୍ରକାଶ ଏବଂ ସୁନ୍ଦରଗଡ଼ରୁ ସୁଧୀର ପଟେଲଙ୍କୁ ଗିରଫ କରାଯାଇଛି । ବେଦ ପ୍ରକାଶଙ୍କୁ ରାଜସ୍ଥାନରୁ ଟ୍ରାଞ୍ଜିଟ୍ ରିମାଣ୍ଡରେ ଭୁବନେଶ୍ୱରକୁ ଅଣାଯାଇଛି। ଏନେଇ ଅଧିକ ତଦନ୍ତ ଚାଲିଛି।