ଭୁବନେଶ୍ଵର, ୦୫/୦୯ : ୧୬ କୋଟି ୭୧ ଲକ୍ଷ ଟଙ୍କାର ଏସବିଆଇ ଲୋନ ଜାଲିଆତି ଘଟଣା। ଭୁବନେଶ୍ଵର, ଖଣ୍ଡପଡ଼ା, ବଡ଼ମ୍ଵା ଏବଂ କାକଟପୁରରୁ ୬ ଜଣଙ୍କୁ ବାନ୍ଧିଲା ଇଓଡବ୍ଲ୍ୟୁ। ଭୁବନେଶ୍ଵରରୁ ଅନିର୍ବାଣ ପଟ୍ଟନାୟକ, ଅନୁପମ ଦାସ, ଖଣ୍ଡପଡ଼ାରୁ ସତ୍ୟବାନ ରାଉତ ଏବଂ ତୋଫାନ ରାଉତ, ବଡ଼ମ୍ବାରୁ ଟୁକୁନା ମଲିକ ଏବଂ କାକଟପୁରରୁ ଫିରୋଜ ଖାନ ଗିରଫ ହୋଇଛନ୍ତି। ଗିରଫ ହୋଇଥିବା ସମସ୍ତ ଅଭିଯୁକ୍ତଙ୍କୁ କୋର୍ଟ ଚାଲାଣ କରାଯାଇଛି।

ସୂଚନାନୁଯାୟୀ, ଭୁବନେଶ୍ଵର ଏସବିଆଇର ରିଜିଓନାଲ୍ ମ୍ୟାନେଜର ଶିବ ସୁନ୍ଦର ସାହୁଙ୍କ ଅଭିଯୋଗ ଆଧାରରେ ଏହି କାର୍ଯ୍ୟାନୁଷ୍ଠାନ ଗ୍ରହଣ କରାଯାଇଛି। ଅଭିଯୁକ୍ତମାନେ ୧୬୧ଟି ଏକ୍ସପ୍ରେସ୍ କ୍ରେଡିଟ୍ ଲୋନ ମାଧ୍ୟମରେ ୧୬ କୋଟି ୭୧ ଲକ୍ଷ ଟଙ୍କାର ଋଣ ନେଇଛନ୍ତି। ୨୦୨୨ ନଭେମ୍ଵରରୁ ୨୦୨୩ ଅକ୍ଟୋବର ମଧ୍ୟରେ ଅଭିଯୁକ୍ତମାନେ ଜୟଦେବ ବିହାରରୁ ୧୩୯ଟି, ପଟିଆରୁ ୫ଟି, ରଘୁନାଥପୁରରୁ ୧୧ଟି, ଏବଂ ଝାରପଡ଼ା ବ୍ରାଞ୍ଚରୁ ୬ଟି ଋଣ ନେଇଛନ୍ତି।