କଟକ, ୦୭/୧୨ : ଜନଶତାବ୍ଦୀ ଏକ୍ସପ୍ରେସ୍ର ବଗି ତଳେ ଲାଗିଲା ନିଆଁ। କଟକ ରେଳ ଷ୍ଟେସନରେ ଏଭଳି ଅଘଟଣା ଘଟିଛି। ଖବର ପାଇ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି। ଯାତ୍ରୀମାନେ ଭୟଭୀତ ହୋଇପଡ଼ିଛନ୍ତି।
ସୂଚନାନୁଯାୟୀ, ଜନଶତାବ୍ଦୀ ଏକ୍ସପ୍ରେସ୍ ଭୁବନେଶ୍ବରରୁ ହାୱଡା ଯାଉଥିଲା । କଟକ ରେଳ ଷ୍ଟେସନରେ ଏହାର D-9 କୋଚ୍ ତଳେ ନିଆଁ ଲାଗିଯାଇଥିଲା। ଫଳରେ ଷ୍ଟେସନରେ ଟ୍ରେନ୍ଟି ୪୫ ମିିନିଟ୍ ଧରି ଅଟକି ରହିଥିଲା। ଖବର ପାଇ ଦମକଳ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛି। ନିଆଁ ଲାଗିବାର କାରଣ ଜଣା ପଡିନାହିଁ। କାହାର କିଛି କ୍ଷୟକ୍ଷତି ହୋଇ ନାହିଁ। ନିଆଁ ଲିଭିବା ପରେ ଟ୍ରେନ୍ କଟକ ଷ୍ଟେସନ ଛାଡିଥିବା ସୂଚନା ମିଳିଛି।
