ପାରାଦୀପ, ୧୫/୦୪ : ଆଜିଠୁ ଦୁଇ ମାସ ପର୍ଯ୍ୟନ୍ତ ସମୁଦ୍ରକୁ ଯିବେ ନାହିଁ ମତ୍ସ୍ୟଜୀବୀ। ମାଛ ବଂଶ ବୃଦ୍ଧି ପାଇଁ ରୋକ୍ ଲଗାଇଛନ୍ତି ସରକାର। ଏପ୍ରିଲ ୧୫ ରୁ ଜୁନ ୧୪ ମାଛଙ୍କ ଅଣ୍ଡାଦାନ ସମୟ। ପାରାଦୀପରେ ୨୫୪୩ରୁ ଉର୍ଦ୍ଧ୍ବ ଯନ୍ତ୍ର ଚାଳିତ ଡଙ୍ଗା ଓ ୬୧୧ଟି ସୋନା ବୋଟ ଚଳାଚଳ ବନ୍ଦ ପାଇଁ ନିର୍ଦ୍ଦେଶ ଦିଆଯାଇଛି।

ସୂଚନାନୁଯାୟୀ, ଏପ୍ରିଲ ୧୫ ରୁ ଜୁନ୍ ୧୪ ମାଛମାନଙ୍କର ଅଣ୍ଡାଦାନ ସମୟ। ତେଣୁ ମାଛ ବଂଶ ବୃଦ୍ଧି ପାଇଁ ସରକାର ପଦକ୍ଷେପ ନେଇଛନ୍ତି। ଏହି ସମୟରେ ସାଢେ ୮ ମିଟର ଦୈର୍ଘ୍ୟ ବିଶିଷ୍ଟ ଯନ୍ତ୍ର ଚାଳିତ ଡଙ୍ଗା କିମ୍ଵା ଟ୍ରଲର ମାଛ ଦରିବାକୁ ସମୁଦ୍ର ଭିତରକୁ ଯିବ ନାହିଁ। ଯନ୍ତ୍ର ଚାଳିତ ଡଙ୍ଗା କିମ୍ବା ବୋଟ ଯୋଗୁଁ ମାଛମାନେ ଯେପରି କ୍ଷତିଗ୍ରସ୍ତ ହେବେ ନାହିଁ ସେଥି ଲାଗି ମତ୍ସ୍ୟ ସମ୍ପଦ ବିଭାଗ ପକ୍ଷରୁ ଏହି ନିର୍ଦ୍ଦେଶ ଦିଆଯାଇଛି।