ପ୍ରମୂଖ ଖବର
  • ଭୁବନେଶ୍ଵର : ପ୍ରକାଶ ପାଇଲା OSSTET ପରୀକ୍ଷା ଫଳ, ୱେବସାଇଟରୁ ମିଳିବ ଡିଜିଟାଲ ସାର୍ଟିଫିକେଟ
  • ||
  • ଭୁବନେଶ୍ଵର : ବାଚସ୍ପତି ପ୍ରାର୍ଥୀ ହେଲେ ସୁରମା ପାଢୀ, ଭରିଲେ ନାମାଙ୍କନ ପତ୍ର
  • ||
  • ପୁରୀ : ଶ୍ରୀମନ୍ଦିରରେ ମହାପ୍ରଭୁଙ୍କ ନୀତିରେ ବିଳମ୍ବ, ବିବାଦ ଯୋଗୁଁ ଅଟକିଛି ନୀତିକାନ୍ତି
  • ||
  • ଭୁବନେଶ୍ଵର : ବୁଧବାର ରାଜ୍ୟରେ ଛେଚିବ ବର୍ଷା, ୨୦ ସୁଦ୍ଧା ଅଧା ଓଡ଼ିଶା ଛୁଇଁବ ମୌସୁମୀ
  • ||
  • ଡ୍ରେନ୍‌ରେ ପଡ଼ି ନାବାଳକଙ୍କ ମୃତ୍ୟୁ ଘଟଣା : ମୁକୁଳା ଡ୍ରେନ୍‌ର ସମୀକ୍ଷା କଲେ ନଗର ଉନ୍ନୟନ ମନ୍ତ୍ରୀ, ୭ ଦିନ ଭିତରେ ନିଆଯିବ କାର୍ଯ୍ୟାନୁଷ୍ଠାନ
  • ||

ଟିକଟକ୍ ଉପରେ ରୋକ୍‌ ଲଗେଇଲା ଫ୍ରାନ୍ସ, ଏମର୍ଜେନ୍ସି ପାୱାରକୁ କଲା ବ୍ୟବହାର

ପ୍ୟାରିସ୍‌ : ଫ୍ରାନ୍ସରେ ଟିକ୍‌ଟକ୍‌ରେ ଲାଗିଲା ରୋକ୍‌। ଏଠାରେ ଅନେକ ଦିନରୁ ଲାଗି ରହିଥିବା ହିଂସାତ୍ମକ ବିରୋଧ ପ୍ରଦର୍ଶନକୁ ଶାନ୍ତ କରିବା ପାଇଁ ନ୍ୟୁ କୈଲେଡୋନିଆରେ ଟିକଟକକୁ ବ୍ଲକ୍‌ କରିବାର ନାଟକୀୟ ପଦକ୍ଷେପ ଉଠାଇଛି ଫ୍ରାନ୍ସ। ଏହା ଗଣତାନ୍ତ୍ରିକ ସରକାର ଓ ଚାଇନା ମାଲିକାନାରେ ଥିବା ସୋସିଆଲ ମିଡ଼ିଆ ପ୍ଲାଟଫର୍ମ ମଧ୍ୟରେ ଲାଗି ଥିବା ସଂଘର୍ଷର ଏକ ତାଜା ମାମଲା। ଦୁଇ ଦିନ ପୂର୍ବେ ହିଁ ଫ୍ରାନ୍ସ ସରକାର ନ୍ୟୁ କୈଲେଡୋନିଆରେ ଅତି କମ୍‌ରେ ୧୨ ଦିନ ପାଇଁ ଜରୁରିକାଳୀନ ସ୍ଥିତି ଲାଗୁ କରିବାକୁ ଘୋଷଣା କରିଥିଲେ। ଏହି ପଦକ୍ଷେପ ପଛରେ ଫ୍ରାନ୍ସ ସରକାରର ଉଦ୍ଦେଶ୍ୟ ପେସିଫିକ୍‌ ଅଞ୍ଚଳରେ ଜାରି ବିରୋଧ ପ୍ରଦର୍ଶନକୁ କାବୁ କରିବା ଓ ପୁଲିସକୁ ଆହୁରି ଅଧିକ ଶକ୍ତି ପ୍ରଦାନ କରିବା। 

ନ୍ୟୁ କୈଲେଡୋନିଆରେ ଜାରି ହିଂସାତ୍ମକ ପ୍ରଦର୍ଶନରେ ଏବେସୁଦ୍ଧା ୪ଜଣ ଲୋକଙ୍କ ମୃତ୍ୟୁ ହୋଇ ସାରିଛି। ଏବେ ଫ୍ରାନ୍ସ ଏଠାରେ ଟିକ୍‌ଟକ୍‌ ବ୍ୟାନ୍‌ କରି ଦେଇଛି। ଏଠାରେ ବିଶେଷ କଥା ଏହାକି ଫ୍ରାନ୍ସ ଟିକଟକ୍ ବ୍ୟାନ୍‌ କରିବାକୁ ଜରୁରିକାଳୀନ ଶକ୍ତି ଗୁଡ଼ିକର ବ୍ୟବହାର କରିଛି। 

କହି ରଖୁଛି କି, ସମାଲୋଚକମାନେ ଦୀର୍ଘ ଦିନରୁ ଟିକଟକ୍‌ରେ ଭୁଲ୍‌ ସୂଚନା ଦେବା, ସମ୍ୱେଦନଶୀଳ ଡାଟା ଏକାଠି କରିବା , ସାମାଜିକ ଅଶାନ୍ତ ବଢାଇବା ଓ ଚୀନ୍‌ର ସମାଲୋଚନାକୁ ଚାପିବାର ଅଭିଯୋଗ ଲଗାଇଛନ୍ତି। ଟିକଟିକକୁ ନେଇ ଅଭିଯୋଗ କି ସେ ବିଶେଷ ଭାବେ ଚୀନ୍‌ ସହ ମତଭେଦ ଥିବା ଦେଶରେ ଭିନ୍ନ ଉଦ୍ଦେଶ୍ୟରେ କାମ କରୁଛି। 

ଅନେକ ୟୁରୋପୀୟ ଦେଶ ରାଷ୍ଟ୍ରୀୟ ସୁରକ୍ଷା କାରଣରୁ ନିଜର ଅଧିକାରୀଙ୍କୁ ଏହି ଆପ୍‌ର ବ୍ୟବହାର କରିବାରୁ ରୋକ୍ ଲଗେଇଛନ୍ତି। ଆମେରିକା ମଧ୍ୟ ଟିକଟକ୍‌ ଉପରେ ସଂପୂର୍ଣ୍ଣ ଭାବେ ପ୍ରତିବନ୍ଧକ ଲଗାଇବା ଉପରେ ବିଚାର କରୁଛି।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.