ନୀଳଗିରି,୧୬/୫ : ବାଲେଶ୍ଵର ଜିଲ୍ଲା ନୀଳଗିରି ନିକଟ ଗଡ଼ିଆମାଳଠାରେ ଥିବା ଏକ ଚିଙ୍ଗୁଡ଼ି କମ୍ପାନୀରେ ଅଘଟଣ । ୧୫ରୁ ଊର୍ଦ୍ଧ୍ବ ମହିଳା ଓ ଯୁବତୀ ଗୁରୁତର ହୋଇ ନୀଳଗିରି ମେଡ଼ିକାଲରେ ଭର୍ତ୍ତି ହୋଇଛନ୍ତି। ବିଷାକ୍ତ ଗ୍ୟାସ ଲିକ ହୋଇଥିବା ସୂଚନା ମିଳିଛି। ଏ ସିଫ୍ଟରେ କାର୍ଯ୍ୟ କରୁଥିବା କର୍ମଚାରୀମାନେ ଆଜି ସନ୍ଧ୍ୟାରେ ହଠାତ ମୁଣ୍ଡ ବୁଲାଇ ଅଚେତ ହୋଇପଡିଛନ୍ତି। ତାଙ୍କୁ ସଙ୍ଗେ ସଙ୍ଗେ ନୀଳଗିରି ମେଡ଼ିକାଲରେ ଭର୍ତ୍ତି କରାଯାଇଛି।
ଅଧିକାଂଶ ଯୁବତୀ ନାବାଳିକା ଥିବା ଅନୁମାନ କରାଯାଉଛି । କମ୍ପାନୀର କିନ୍ତୁ କୌଣସି ଅଧିକାରୀ ମେଡ଼ିକାଲରେ ପହଞ୍ଚି ନ ଥିବାବେଳେ ମେଡ଼ିକାଲ ପକ୍ଷରୁ ଚିକିତ୍ସା ଜାରୀ ରହିଛି । ଏମନିଆ ଗ୍ୟାସ ଲିକ ପାଇଁ ଏଭଳି ହୋଇଥିବା ଅଭିଯୋଗ ଆସିଛି ।
