ପ୍ରମୁଖ ଖବର
  • ଖଣ୍ଡପଡ଼ା: ପୋଖରୀରେ ବୁଡ଼ି ପଞ୍ଚମ ଶ୍ରେଣୀର ଛାତ୍ରଙ୍କ ମୃତ
  • ||
  • ଯଜ୍ଞର ପ୍ରସାଦ ଖାଇ ୫୦ରୁ ଉର୍ଦ୍ଧ୍ବ ଲୋକ ଝାଡ଼ାବାନ୍ତି, ଖଲ୍ଲିକୋଟ ମେଡିକାଲରେ ଭର୍ତ୍ତି
  • ||
  • ଶନିବାରଠୁ ପିଜି ନାମଲେଖା ଆବେଦନ, ୨୭ ତାରିଖ ପର୍ଯ୍ୟନ୍ତ ଚାଲିବ: ଜୁନ୍‌ ୨୨ରେ ଆଡମିଟ୍‌ କାର୍ଡ, ଜୁଲାଇ ୩ରୁ ୧୪ ପ୍ରବେଶିକା ପରୀକ୍ଷା
  • ||
  • ବାଲିପାଟଣା-ନିମାପଡ଼ା ରାସ୍ତାରେ ବିଦ୍ୟୁତ୍ ଖୁଣ୍ଟକୁ ଧକ୍କା ଦେଲା କାର
  • ||
  • ରଥଖଳା ହାଲ୍‌ଚାଲ୍‌...ନିର୍ମାଣସ୍ଥଳରେ ମୁଗୁର ଓ ନିହଣ ଶବ୍ଦର କମ୍ପନ, ଚାଲିଛି ତୁମ୍ବରେ ବିନ୍ଧ ଖୋଦେଇ
  • ||
  • ବିଜେପି ନେତାଙ୍କ ମାରାଥନ୍‌ ପ୍ରଚାର: ଆଜି ଅଶ୍ୱିନୀ, ହେମାମାଳିନୀ ଓ ତୋମାରଙ୍କ କରିବେ ପ୍ରଚାର, ଧର୍ମେନ୍ଦ୍ର, ଭୂପେନ୍ଦ୍ର, ଅନୁଭବ, ସିଦ୍ଧାନ୍ତ ବି ବୁଲିବେ
  • ||
  • ହରିୟାଣାରେ ଟୁରିଷ୍ଟ ବସ୍ ଦୁର୍ଘଟଣା, ନିଆଁ ଲାଗି ୮ ମୃତ, ୨୪ରୁ ଅଧିକ ଗୁରୁତର
  • ||
  • ସନ୍ଧ୍ୟାରେ ଥମିବ ୫ମ ପର୍ଯ୍ୟାୟ ନିର୍ବାଚନୀ ପ୍ରଚାର, ସୋମବାର ୪୯ ଲୋକସଭା ଆସନରେ ଭୋଟିଂ
  • ||
  • IPL 2024: ଚିନ୍ନାସ୍ୱାମୀରେ ଆରସିବିକୁ ଭେଟିବ ସିଏସ୍‌କେ, ପ୍ଲେ-ଅଫ୍‌ ପାଇଁ ଶେଷ ସୁଯୋଗ
  • ||
  • ରାଜ୍ୟରେ ୧୯ରୁ ବଢ଼ିବ ତାତିି, ୨୦ରୁ କଲବଲ କରିବ ପ୍ରଚଣ୍ଡ ଗ୍ରୀଷ୍ମପ୍ରବାହ: ବିଭିନ୍ନ ଜିଲ୍ଲାକୁ ୟେଲୋ ୱାର୍ଣ୍ଣିଂ
  • ||

ଆହୁରି ଚମକିବ ସୁନା: ୩ ମାସରେ ଦର ୧୫% ମହଙ୍ଗା, ଯୁଦ୍ଧ ତେଜିବା ସହ ଜାରି ରହିବ ବୃଦ୍ଧି

ନୂଆଦିଲ୍ଲୀ,୨୦/୦୪: ଗତ ୩ ମାସରେ ୧୫%ରୁ ଅଧିକ ମହଙ୍ଗା ହୋଇଛି ସୁନା । ୨୦୨୪ ଆରମ୍ଭରୁ ଏହା ସବୁଠାରୁ ଉତ୍ତମ ପ୍ରଦର୍ଶନକାରୀ ଆସେଟ୍‌ କ୍ଲାସ ଭାବେ ଉଭା ହୋଇଛି । ଗତ ୩ ମାସରେ କ୍ଷୀପ୍ର ବେଗରେ ବଢ଼ିଛି ଦର । ଦିନକୁ ଦିନ ନୂଆ ରେକର୍ଡ ଯୋଡ଼ିଚାଲିଛି ଏହି ହଳଦିଆ ଧାତୁ । ସମ୍ପ୍ରତି ଇରାନ ଏବଂ ଇସ୍ରାଏଲ୍‌ ମଧ୍ୟରେ ଯୁଦ୍ଧ ତେଜୁଥିବାବେଳେ ସୁନାର ଚମକ ଆହୁରି ବଢ଼ିବ ବୋଲି ମତ ଦେଇଛନ୍ତି ବଜାର ବିଶେଷଜ୍ଞ । ତେବେ ଯୁଦ୍ଧ ପ୍ରଭାବରେ ଅଶୋଧିତ ତୈଳ ଦର ବି ଉପରମୁହାଁ ହୋଇଚାଲିବ ବୋଲି ଆଶଙ୍କା ପ୍ରକାଶ ପାଇଛି ।

ମଧ୍ୟପ୍ରାଚ୍ୟରେ ଅସ୍ଥିର ବାତାବରଣ ମଧ୍ୟରେ ଅନ୍ତର୍ଜାତୀୟ  ବଜାରରେ ଅଶୋଧିତ ତୈଳ ଦର ଦ୍ରୁତ ବେଗରେ ବଢ଼ିପାରେ । ଯଦି ଯୁଦ୍ଧ ସ୍ଥିତି ବିକୃତ ହୁଏ ତେବେ ଏହାର ସିଧାସଳଖ ପ୍ରଭାବ ଭାରତୀୟଙ୍କ ପକେଟ ଉପରେ ପଡ଼ିବ । ଶୁକ୍ରବାର କାରବାର ଆରମ୍ଭରେ ତୈଳ ଦରରେ ୩% ବୃଦ୍ଧି ଘଟିଥିଲା । ବ୍ୟାରେଲ ପିଛା ୱେଷ୍ଟ ଟେକ୍ସାସ ଇଣ୍ଟର୍‌ମିଡିଏଟ୍‌(ଡବ୍ଲ୍ୟୁଟିଆଇ) ୩.୬୬% ବଢ଼ି ୮୫.୭୬ ଡଲାର ହୋଇଥିବାବେଳେ ବ୍ରେଣ୍ଟ କ୍ରୁଡ୍‌ ୩.୪୪% ବଢ଼ି ୯୦.୧୧ ଡଲାର ହୋଇଥିଲା । ଯୁଦ୍ଧ ତେଜିବା ସହ ଏହା ଖୁବ୍‌ଶୀଘ୍ର ୧୦୦ ଡଲାର ଛୁଇଁବା ନେଇ ଆଶଙ୍କା ପ୍ରକାଶ କରିଛନ୍ତି ବିଶେଷଜ୍ଞ । ଅଶୋଧିତ ତୈଳ ମହଙ୍ଗା ହେବା ସହ ପେଟ୍ରୋଲିୟମ ଉତ୍ପାଦ ଦର ବଢ଼ିବ । 

ଅନ୍ୟପକ୍ଷରେ, ଅନିଶ୍ଚିତତା ମଧ୍ୟରେ ଭାରତ ଏବଂ ଚୀନ୍‌ ସହିତ ଅନ୍ୟାନ୍ୟ ବିକାଶମୁଖୀ ଦେଶଗୁଡ଼ିକର କେନ୍ଦ୍ରୀୟ ବ୍ୟାଙ୍କ ଗତ କିଛି ମାସ ଧରି ଲଗାତର ସୁନା ଠୁଳ କରିବାରେ ଲାଗିଛନ୍ତି । ଏହାଫଳରେ ସୁନା ଦରରେ ବୃଦ୍ଧି ଘଟୁଛି । ପୋର୍ଟଫୋଲିଓରେ ବିବିଧତା ଆଣିବା ସହ ଦରବୃଦ୍ଧିରୁ ବଞ୍ଚିବା ପାଇଁ ସୁନା ଏକ ଭଲ ବିକଳ୍ପ ହୋଇପାରେ । ଏହାକୁ ନିବେଶର ସବୁଠୁ ସୁରକ୍ଷିତ ମାଧ୍ୟମ ଭାବେ ଗଣନା କରାଯାଇଥାଏ । ସୁନାରେ ନିବେଶ କରିଥିବା ଲୋକମାନେ ବର୍ତ୍ତମାନ ଟ୍ରେଣ୍ଡକୁ ନେଇ ଭାରି ଖୁସି । ଗତ ୩ ମାସରେ ଏହି ଧାତୁ ୧୫%ରୁ ଅଧିକ ମହଙ୍ଗା ହୋଇଛି । ୧୦ ଗ୍ରାମ ପିଛା ୨୪ କ୍ୟାରେଟ୍‌ ସୁନା ଦର ୭୫,୦୦୦ ଟଙ୍କା ନିକଟତର ହୋଇଥିବାବେଳେ ୨୨ କ୍ୟାରେଟ୍‌ ସୁନା ଦର ୬୮,୦୦୦ ଟଙ୍କା ପାର୍‌ କରିଛି । 

ଚଳିତବର୍ଷ ସୁନା ସବୁଠାରୁ ଉତ୍ତମ ପ୍ରଦର୍ଶନକାରୀ ଆସେଟ୍‌ କ୍ଲାସ ପାଲଟିଛି । ବିଶ୍ଳେଷକଙ୍କ ଆଶା ଯେ, ଏହାର ଦର ଆହୁରି ବଢ଼ିବ । ଦରଦାମ ବୃଦ୍ଧି ସ୍ତର ବଢ଼ିବା ସହ ପ୍ରମୁଖ କେନ୍ଦ୍ରୀୟ ବ୍ୟାଙ୍କଗୁଡ଼ିକ ଦ୍ୱାରା ମୁଦ୍ରାନୀତି କୋହଳ କରାଯିବା ଆଶା ଏବଂ ମଧ୍ୟ ପ୍ରାଚ୍ୟ ଓ ୟୁକ୍ରେନରେ ଭୁ-ରାଜନୈତିକ ସମସ୍ୟା । ଏସବୁ କାରକଗୁଡ଼ିକ ଯୋଗୁ ସୁନା ଆଗକୁ ଆହୁରି ଚମକିବ ।

ଡିଏସ୍‌ପି ମ୍ୟୁଚୁଆଲ ଫଣ୍ଡ୍‌ର ଏକ ରିପୋର୍ଟରେ ଉଲ୍ଲେଖ କରାଯାଇଛି ଯେ, ଆଗାମୀ କିଛି ତ୍ରୟମାସରେ ସୁନା, ରୁପା ଏବଂ ଅନ୍ୟାନ୍ୟ ଧାତୁ ଦରରେ ବୃଦ୍ଧି ଜାରି ରହିବ । ସୁନା ଏବେ ଭଲ ସ୍ଥିତିରେ ଅଛି । ଯଦି ମୁଦ୍ରାସ୍ଫୀତି ସ୍ତର ଉଚ୍ଚ ରୁହେ ତେବେ ଏହା ଆହୁରି ମହଙ୍ଗା ହେବ । ଭୁ-ରାଜନୈତିକ ସମସ୍ୟା ଦରକୁ କ୍ଷୀପ୍ର ବେଗରେ ବଢ଼ାଇବ । 

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.