ନୂଆଦିଲ୍ଲୀ ୧୩/୯: ଯେଉଁ ଇଲେକ୍ଟ୍ରୋନିକ୍ ଦୁଇଚକିଆ ଗାଡି କମ୍ପାନୀମାନେ ଫେମ୍ ୨ ଯୋଜନାର ନିୟମ ପାଳନ କରୁନାହାଁନ୍ତି ସେମାନଙ୍କ ସମସ୍ୟା ବଢିପାରେ । କେନ୍ଦ୍ର ସରକାର ଫେମ୍ ୨ ଯୋଜନାର ମାନଦଣ୍ଡ ପାଳନ ନକରି ପ୍ରୋତ୍ସାହନ ରାଶିର ଦାବି କରୁଛନ୍ତି ସେମାନଙ୍କ ବିରୁଦ୍ଧରେ କଡା କାର୍ଯ୍ଯାନୁଷ୍ଠାନ ନେବେ ସରକାର । ଏମିତି ୭ଟି କମ୍ପାନୀଙ୍କଠୁ ୪୬୯ କୋଟି ଟଙ୍କା ଫେରାଇନେବା ପାଇଁ ଯୋଜନା କରୁଛନ୍ତି ସରକାର । 

ସରକାର ହିରୋ ଇଲେକ୍ଟ୍ରିକ୍, ଓକିନାୱା ଅଟୋଟେକ୍, ଏମ୍ପିୟର ଇଭି, ରିଭୋଲ୍ଟ ମୋଟର୍ସ, ବେନଲିଂ ଇଣ୍ଡିଆ, ଏମୋ ମୋବିଲିଟି ଏବଂ ଲୋହିୟା ଅଟୋକୁ ପ୍ରୋତ୍ସାହନ ରାଶି ଫେରାଇବା ପାଇଁ ନିର୍ଦ୍ଦେଶ ଦେଇଛନ୍ତି । ଏମାନଙ୍କୁ ନୋଟିସ୍ ପଠାଯାଇଛି । ତେବେ ଏଗୁଡିକ ମଧ୍ୟରୁ କେବଳ ରିଭୋଲ୍ଟ ମୋଟର୍ସ ରାଶି ଫେରାଇଛି । 

ନୀତିନ ଗଡକରୀଙ୍କ ବଡ ଘୋଷଣା ! କାରରେ ୬ ଏୟାରବ୍ୟାଗ୍ ବାଧ୍ୟତାମୂଳକ ହେବନି...

ଯୋଜନାର ନିୟମ ଅନୁସାରେ ଭାରତରେ ନିର୍ମିତ ପାର୍ଟ ବ୍ୟବହାର କରି ଇଲେକ୍ଟ୍ରିକ୍ ଗାଡି ନିର୍ମାଣ ପାଇଁ ପ୍ରୋତ୍ସାହନ ଅନୁମତି ଦିଆଯାଇଥିଲା କିନ୍ତୁ ଯାଞ୍ଚରେ ଜଣାପଡିଛି କି ଏହି ୭ କମ୍ପାନୀମାନେ ଆମଦାନୀ ହୋଇଥିବା ପାର୍ଟ ବ୍ୟବହାର କରିଛନ୍ତି । ତେଣୁ ଏମାନଙ୍କ ବିରୁଦ୍ଧରେ କାର୍ଯ୍ୟାନୁଷ୍ଠାନ ନେବାକୁ ସରକାର ପ୍ରସ୍ତୁତ ହେଉଛନ୍ତି ।