ପ୍ରମୂଖ ଖବର
  • ଆମେରିକା ବନାମ ଆୟର୍ଲାଣ୍ଡ ମ୍ୟାଚ୍‌ ବାତିଲ, ଟି-୨୦ ବିଶ୍ବକପରୁ ପାକିସ୍ତାନ ଆଉଟ୍
  • ||
  • ସମ୍ବଲପୁର: ଟେଲର ଦୋକାନରେ ପଶି ମା’ ଝିଅଙ୍କୁ ହାଣିଲେ ଦୁର୍ବୃତ୍ତ
  • ||
  • ହଟିବ ବ୍ରିଟିଶ ଆଇନ୍ , ଲାଗୁ ହେବ ଭାରତୀୟ ନିୟମ, ଜୁଲାଇରୁ ଲାଗୁ ହେବ ନୂଆ ପୁଲିସ ଆଇନ
  • ||
  • ଟି-ଟ୍ୱେଣ୍ଟି ବିଶ୍ୱକପ୍‌ ୨୦୨୪: ଫ୍ଲୋରିଡାରେ ବନ୍ୟା, ୟୁଏସ୍‌ଏ-ଆୟର୍ଲାଣ୍ଡ୍‌ ମ୍ୟାଚ୍‌ ବାତିଲ ଆଶଙ୍କା
  • ||
  • ମଙ୍ଗଳବାର ଖୋଲିବ ସ୍କୁଲ: ପ୍ରଥମରୁ ଦିଆଯିବ ମଧ୍ୟାହ୍ନଭୋଜନ, ରୋଷେଇ ପୂର୍ବରୁ ସାମଗ୍ରୀ ଯାଞ୍ଚ କରିବାକୁ ନିର୍ଦ୍ଦେଶ
  • ||
  • ରଥଖଳା ହାଲ୍‌ଚାଲ୍‌...ପାଞ୍ଚ ଦେବ ଦମ୍ପତିଙ୍କୁ ଏକତ୍ର ପନ୍ତି ଅର୍ପଣ ସମ୍ପନ୍ନ, ଦଣ୍ଡାରେ ଲାଗିଲା ଆଗ-ପଛ ମୁହାଁଟ
  • ||
  • କୋଣାର୍କ ରାସ୍ତାରେ ଓଲଟିଲା ପିକଅପ୍ ଭ୍ୟାନ୍, ୨ ମୃତ ୧୦ରୁ ଉର୍ଦ୍ଧ୍ଵ ଆହତ
  • ||
  • ରଣେନ୍ଦ୍ର ପ୍ରତାପ ସ୍ୱାଇଁ ଅସ୍ଥାୟୀ ବାଚସ୍ପତି: ୧୮ ଓ ୧୯ରେ ବିଧାୟକଙ୍କ ଶପଥ ଉତ୍ସବ, ୨୦ରେ ବାଚସ୍ପତି ନିର୍ବାଚନ
  • ||
  • ଶୁକ୍ରବାର ଶ୍ରୀମନ୍ଦିର ନୀତି ସବ୍‌କମିଟି ଓ ଛତିଶା ନିଯୋଗ ବୈଠକ, ସ୍ନାନଯାତ୍ରା ନୀତି ନିର୍ଘଣ୍ଟକୁ ମିଳିବ ଅନୁମୋଦନ
  • ||
  • ରଜ ମଉଜକୁ ଫିକା କରିଦେବ ଗୁଳୁଗୁଳି, ଆସନ୍ତା ୨ ଦିନ ଯାଏ ତାତିରୁ ନାହିଁ ନିସ୍ତାର
  • ||

ରଣପୁର ସଂରକ୍ଷିତ ଜଙ୍ଗଲରେ ଚାଲିଛି ବ୍ୟାପକ ଗଛକଟା, ଫାର୍ମହାଉସ୍ ଓ କୁକୁଡା ଫାର୍ମ ନିର୍ମାଣ, ରାଜ୍ୟ ସରକାରଙ୍କୁ ଗ୍ରୀନ୍ ଟ୍ରିବୁନାଲ୍‌ର ନୋଟିସ୍

ନୟାଗଡ଼, ୩୧/୦୫ : ନୟାଗଡ଼ ଜିଲ୍ଲା ରଣପୁର ସଂରକ୍ଷିତ ଜଙ୍ଗଲରେ ବ୍ୟାପକ ଗଛକଟା, ଫାର୍ମହାଉସ୍ ଓ କୁକୁଡା ଫାର୍ମ  ନିର୍ମାଣକୁ ନେଇ ଜାତୀୟ ଗ୍ରୀନ୍ ଟ୍ରିବୁନାଲ୍ ରାଜ୍ୟ ସରକାରଙ୍କୁ ନୋଟିସ୍ ଜାରି କରିଛନ୍ତି। ଏହି ଘଟଣାର ତଦନ୍ତ ପାଇଁ ମଧ୍ୟ ଏକ କମିଟି ଗଠନ କରିଛନ୍ତି। ନୟାଗଡ଼ ଜିଲ୍ଲାପାଳ, ଖୋର୍ଦ୍ଧା ଡିଏଫଓ ଓ ରାଜ୍ଯ ପ୍ରଦୂଷଣ ନିୟନ୍ତ୍ରଣ ବୋର୍ଡର ଜଣେ ବୈଜ୍ଞାନିକଙ୍କୁ ନେଇ ତିନି ଜଣିଆ କମିଟି ଏହାର ତଦନ୍ତ କରିବ। ଓଡଗାଁର ଜଣେ ପରିବେଶ ପ୍ରେମୀ ଶ୍ରୀକାନ୍ତ ଦାଶଙ୍କ ଆବେଦନ ଉପରେ ବିଚାର କରି ଏନଜିଟି ଏହି ନିର୍ଦ୍ଦେଶ ଦେଇଛନ୍ତି।

ଏହି ମାମଲାରେ ରାଜ୍ୟ ସରକାର, ରାଜ୍ୟ ଓ କେନ୍ଦ୍ର ପରିବେଶ ଓ ଜଙ୍ଗଲ ବିଭାଗ, ରାଜସ୍ଵ ବିଭାଗ ସଚିବ, ମୁଖ୍ୟ ବନ ସଂରକ୍ଷକ, ପ୍ରଦୂଷଣ ନିୟନ୍ତ୍ରଣ ବୋର୍ଡ, ନୟାଗଡ ଜିଲ୍ଲାପାଳ, ନୟାଗଡ ଏସପି, ରଣପୁର ତହସିଲଦାରଙ୍କୁ ନୋଟିସ ଜାରି ହୋଇଛି। ସେହିଭଳି ସଂରକ୍ଷିତ ଜଙ୍ଗଲକୁ ଜବରଦଖଲ କରିଥିବା ଅଭିଯୋଗରେ ସ୍ଵରାଜ ମହାନ୍ତି ଓ ତାଙ୍କ ପତ୍ନୀ ରଙ୍ଗୀନ ମହାନ୍ତିଙ୍କୁ ମଧ୍ୟ ନୋଟିସ୍ ଜାରି ହୋଇଛି। ଏମାନେ ସଂରକ୍ଷିତ ଜଙ୍ଗଲରେ ଫାର୍ମହାଉସ୍ କରିବା ସହ ପୋଖରୀ ଖୋଳି ମାଛ ଚାଷ କରୁଛନ୍ତି। ଅନେକ ଗଛ କାଟି ଜଙ୍ଗଲ ସଫା କରି ତାକୁ ନିଜ ଯାଗା ଭଳି ବ୍ୟବହାର କରୁଛନ୍ତି। ନିୟମ ଅନୁସାରେ ସଂରକ୍ଷିତ ଜଙ୍ଗଲରେ କୌଣସି ନିର୍ମାଣ କିମ୍ଵା ଅନ୍ୟ ଅଣ-ଜଙ୍ଗଲ କାର୍ଯ୍ୟ ହୋଇପାରିବ ନାହିଁ। ଏହା ଦ୍ଵାରା ପ୍ରାକୃତିକ ପରିବେଶ ନଷ୍ଟ ହେଉଛି ବୋଲି ଟ୍ରିବୁନାଲ୍ ନିକଟରେ ଆବେଦନକାରୀଙ୍କ ଓକିଲ ଶ୍ରୀ ଅଖଣ୍ଡ ଯୁକ୍ତି ଉପସ୍ଥାପନ କରିଥିଲେ। ଏହି ଆବେଦନକୁ ବିଚାର କରି ସରକାରଙ୍କୁ ନୋଟିସ ଜାରି କରିବା ସହ ତିନି ଜଣିଆ କମିଟି ଏହି ଘଟଣାର ସରଜମିନ ତଦନ୍ତ କରି ଚାରି ସପ୍ତାହ ମଧ୍ୟରେ ରିପୋର୍ଟ ଦେବାକୁ ଏନଜିଟି ନିର୍ଦ୍ଦେଶ ଦେଇଛନ୍ତି।

  • prameyanews
  • PrameyaOdia
  • prameya
  • News7 Is Now On WhatsApp Join And Get Latest News Updates Delivered To You Via WhatsApp

    Copyright © 2024 - Summa Real Media Private Limited. All Rights Reserved.